Quatro Ciàcoe
Mensile de cultura e tradission vènete
de Luigi A. Zorzi

Da l’Alta Padovana

I 800 ani da ’a rifondazhion de Sitadèa, tra storia e fantasia

Quatro Ciàcoe
1220-2020 = 800 ani da quando che Sitadèa (Cittadella)’a ze stà rifondà. Sì, "rifondazhion" l'è ’a paròea justa, se­condo mi, parché ’a "mota" de tera circoeare, indove che parsora i ga tirà sù ’e mure dal 1220, ze stà acertà che ’a ze de l'età del bronzo. Inte i primi ani ’90 del 1900, scavando in Canpo de 'a Marta pa fare el teatro, i ga catà sù pa primi reperti del medioevo, soto ghe jera quìi romani e paleoveneti, pi soto ’ncora quìi de i sècui XIV- XIII a.C.
A San Martin de Lupari e a Godego ghe ze naltre dó mote: però de forma coadrata, dal-ché no se capisse parché a puchi chiòmetri Sitadèa, se ’a fusse stà contenporànea, ’a sia stà disegnà co sta forma a zhercio bislaco, coando che de sicuro anca i preistorici saéa dise­gnare on zhercio perfeto co on pàeo e na corda. Struture difensive vagamente tonde de paesoti celtici in pianura ghin’è tante anca in Italia, basta pen­sare al centro de Milan, però coéa de Sitadèa ghe somèja come in fotocopia a 'a zhità de Erbil (cità de i quatro dèi) in Iraq del nord del XXIII a.C. El sarà anca on caso, ma a mi me piase imajinare che na tribù indoeuropea, chissà, coando, dopo tanto ramengare fà zhìngani, ’a se gapia fermà coà, co nostalgia, a rifare ’a so Erbil, zhitadèa di i coatro dèi, ben prima che rivasse i veneti.
Se i reperti, ’desso conservài inte ’l museo de 'a Tore de Malta, dimostra on continuum abitativo locàe fin al me­dioevo, ’lora se capisse parcossa che i romani gapia ’assà fora sto paesoto dal kardo e dal decumano de 'a so centu­riazhion del 128 a.C. (’e strade de ’desso no c'entra). Luri ghea da spartirghe tere e no paisi a 'i legionari smobiitài. Zhita­dèa ga seità ’ndar ’vanti anca inte i sècui desperài fin al 1200 come mota difesa da pai de legno e co na tore (dopo, de Malta) co 'l zhòcoeo potente, fato chissà coando sòeo de cùgui de 'a Brenta, ligài co malta de sabion e calzhina, cota inte ’e calcare del posto. Inte ’l XII secolo drento sto paesoto fortificà a 'a bona se ga ignarà i ca­nònici regolari ospitalieri de sant’Anto­nio abate, che curava maeài e peegrini, ma che saéa anca difèndarse co ’e armi, se jera el caso, in sècui de socetà feroce. ’A so presenzha ze stà acertà co scavi soto ’l paimento del domo, che i ga scoperto i resti de on “sacello” co dipinta ’a TAU de l'ordine e na statua de sant'Antonio; roba che mi go visto sòeo in fotografia.
Inte 'l 1220 entra in bàeo el Comune de Padova che decide de fare de Sita­dèa na fortezha co tuti i ritrovati difensivi pi moderni che za se conossìa ben in Europa. Pa capire sta decision, bisogna ricordarse che a chel tenpo, a parte ’e crociate e ’e spedizhion del Barbarossa in Padania, gran goere no ghin jera, ma, prima, sòeo assalti de on feudatario contro chealtro e dopo inva­sion de on comune contro quìi rente pa torghe teritori agrìcui. L'economia del tenpo jera basà pi che altro so l'agricoltura e so l'indoto de i so prodoti. ’E zhità popoeòse: Padova, Vi­cen­zha e Treviso, pa restare tra noal­tri, ’e magnava tanto, ma no 'e pro­duzéa gnente da magnare e tuto ghea da vegnere dal contado o invojando i negozhianti a ’ndare da luri o rapi­nando i confinanti, ’ndando capere: se­que­strare jente, bestie, formento e ua, destruere: cavar sù vigne e àlbari e comburere: brusare casuni e racolti cò jera ora de turli sù.
Treviso ga tirà sù Castel-franco tra ’l 1195-1198, doparando 500 murari e 1.000 guastatores-manovài, a 3 km dal confin padovan pa intercetare el tràfico comerciàe de 'a Postumia, tipo fiera franca de 'e zhità de 'a chanpagne, o pa èssare pi comodi a butarse botinare inte 'l Padovan. I padovani inte 'l 1205 ga ’sassinà el teritorio trevisan, ma Castèo nu i ze stai buni ciaparlo. Tornài casa co ’e pive inte 'l saco, i ga studià e capìo che ’a Sitadèa de legno co ’a tore de sassi, rente al Pozzetto: l'incrocio de 'a Postumia co 'a via Lanigera- Valsu­gana, ’a jera el posto mèjo da fortificare pa portar drento el marcà de San Donà, ’a fiera franca de otobre, i notài de 'a contea de Onara, pa mu­ciare al sicuro derate e merce, e pa controeare tràfici e spedizhion miitari. Sicome che so 'a costruzhion de ’a Sita­dèa de ’desso carte no ghin’è, ma busìe e teorie a voeontà, tanto vae che ghe donte anca ’a mia. Pa prima roba i ga fato el castèo de porta Bassan, circondà da on fosso anca par drento ’a zhità. Da là i ga fato partire verso ’a tore de porta Padova na gaerìa esistente, de 1 metro par 2 de sezhion, pa spostare i soldài in caso de invasion, visto che no jera fàzhie fare in poco tenpo toresini e mure sòide. Ghe ga voesto sècui pa finire sta fortezha come che ’a ze ’desso e de sicuro no ’a ga projetà el fantoma­tico Benvenuto da Carturo, visto che no ghe ze na strazha de documento del 1200 che ’o diga, a parte, sècui dopo, ’e bae del conte G. Cittadella, so sedi­cente dissendente.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Ano novo, vita nova. O quasi?
Chel vecio proverbio che se sente a l’inizio de l’ano che ’l gabia ancora valore o che ’l sia solo na spintonà par nare ’vanti? Epure ogni ano che passa calcossa de novo el ghe xe: l’età, la TV che da “digitale” la deventa “satellitare”, i schei che da euro i deventa “bitcòin”… Che ’l sia questo el “novo” de st’ano?
de Mario Sileno Klein
 
Da l’Alta Padovana
Leggi l'articolo I 800 ani da ’a rifondazhion de Sitadèa, tra storia e fantasia
de Luigi A. Zorzi
 
Da i Coli Euganei
Leggi l'articolo Che miracolo svejarse…
de Gemma Bellotto
 
Da Gavello (RO)
Leggi l'articolo Par ricordare el me amigo Piero Casotto
de Gianni Sparapan
 
Da Isola Rizza (VR)
Leggi l'articolo La dentiera
de Giuseppe Lavarini
 
Da San Stèfano de Zimela (VR)
Leggi l'articolo La gioia de ritrovarse
de Antonio Corain