Quatro Ciàcoe
Mensile de cultura e tradission vènete
de Mirco Castellani

Da Verona

La çità de Verona tajà in dó

Stampa de inizio ’800, assalto de Castelve­cio durante le Pasque Veronesi.
Stampa de inizio ’800, assalto de Castelve­cio durante le Pasque Veronesi.
L’Àdese el faséa da confin tra dó mondi.
L’Àdese el faséa da confin tra dó mondi.
El 2019, oltre che el “primo sbarco su la luna”, el n’à riportà a la memoria an­ca la “caduta del muro de Berlino”… ’n evento recente che se ricordemo an­cora ben. No’ sò a quante altre çità ghe sia capità de restar tajà in dó da ’n con­fin tirà in pieno centro, spero a poche, però de sicuro Berlino no l’è stà l’unica, parché qualcosa de vissin el ghè capità anca a ’n’altra çità… ’na çità che conos­semo ben: Verona! Eh sì, par fortuna la situassion qua l’è durà solo qualche a­no (e no’ 28 come da i tedeschi), ma la roba l’è sucessa veramente. Adesso ve spiego.
Tuto l’è scominçià el 1° giugno 1796 quando in çità è entrà i francesi. Napo­leone el stava conquistando tuto el nord Italia co’ la promessa de crear un stato moderno, basà su i ideali rivolus­sionari de “Liberté, Égalité e Fraternité” (e qualchedun parfin el ghe credèa). Comunque el Bonaparte dopo èssarse fermà un poco a Palazzo Forti, aver vi­sità Verona e l’Arena come se deve, vinta la ribelion de le “Pasque Veronesi” (17 April 1797) e finì de ripulir la çità de tuto quel se podéa portar via… l’è ripartì ,armi e bagài, verso Venezia par métar la parola fine a la so milenaria Repùblica. Cosa regolarmente avegnù (purtropo) el 12 Magio 1797. Tre mesi dopo nasséa la Repubblica Cisalpina sul model de la Francia rivolussionaria.
Tuto finì ? Par gnente! Parché dopo altri tri mesi Napoleone el se rimagnava tuto, regalando de peso el Veneto a l’Austria (trattato de Campoformio). Ve­rona però, visto che l’èra (e l’è…) sul bordo de la region, par el momento l’è restà in ’na situassion incerta: disemo che a i francesi ghe scociava tanto dàr­ghela a i austriaci, troàndola massa inportante soto el profil militar. Co­mun­que el 21 Genaro 1798, dopo ’n altro pochi de tira e mola, anca la çità scaligera l’è finì insieme a tuto el resto del Veneto ne le man dei cruchi. Ma savemo ben che Napoleone quel che el faséa el desfaséa e così nel Magio del 1800, come regalin par la vitoria de Ma­rengo, el s’à riciapà indrìo anca la nostra Verona. In çità ormai se deven­tava mati: un giorno ghèra i francesi, el giorno dopo ghèra i austriaci… e ovia­mente ogni esercito el canbiava le carte in tola, smante­lando e rifasendo quel che avéa lassà quel de prima.
L’era evidente che la situassion no la podéa durar e a la fine co ’l Tratato de Lunéville (9 Febrar 1801) anca francesi e austriaci i s’à messi d’acordo. E come al solito tra i dó “litiganti” el tèrso l’è quel che ghe rimete. Co ’l Tratato de Lunéville la Repùblica Cisalpina la sarìa rivà fin a l’Àdese… Passà l’Àdese l’era tuto teritorio austriaco. E Verona? Ve­rona che l’è traversà da l’Àdese? Divisa in dó! La parte destra (cioè el Centro, l’Arena, el Domo) a i francesi… quela a sanca (cioè Veroneta, Porta Vescovo, le Toresele) a i austriaci. Dopo quela fati­dica data, vìvar in çità el sarìa deventà diverso a seconda se te s’èri da ’na par­te o da l’altra del fiume.
Ne la parte francese cese e conventi i era stà serà, con preti e frati butà in strada e costreti a catarse un laoro (sensa parlar de le suore, senpre a ris-cio de èssar violentà) e par la strada se vedèa soldà ignoranti che altro no i gavéa da far che spadronegiar su la popolassion. Ne la parte austriaca le robe le andava mèjo: almanco i cruchi i era religiosi e i rispetava preti e cese, a scominçiar da quela de San Nazar (in Veroneta) dove s’avéa trasferì el ve­scovo, promovéndola (temporanea­mente) a Catedral de Verona. Ma, anca se i austriaci i èra più “raffinati” de i francesi, par lori la çità la restava sen­pre e solo un fortin militar in tenpo de guera.
L’Àdese el faséa da confin anca tra dó mon­di: parfin el calendario l’era diverso, parché i francesi i doparava el suo, quel “rivolussio­nario” (”brumaio”, “vendem­miaio” ma cos’èi?) E diversi oviamente i èra el modo de pagar (“franchi” contro “schèi”), de parlar, de capirse, de misurar e de far qualsiasi roba. Ghèra veronesi che i gavéa casa da ’na parte de l’Àdese e botega da chel’altra, e gente con parenti restà al de la del confin: e un confin de guera… parché francesi e austriaci i restava comunque nemiçi, e se te dovéi par forsa andar “de là” i èra carte, scartofie e burocras­sìa a no’ finir, par dopo métarse in cóa al “Checkpoint Charlie” de l’epoca su i pochi ponti restà verti. E alora la gente la çercava de traversar l’Àdese in barca (come s’avéa fato par secoli), ris-ciando de ciaparse ’na fusi­lada da una de le dò sponde. Par for­tuna la situassion l’è durà solo quatro ani (e no’ quasi trenta come a Berlino) e el 31 marzo 1805 i austriaci i s’à ritirà da Verona. Quel giorno la çità l’era en­trà a far parte del “Regno d’Italia”, che altro no l’èra che la “Repubblica Cisal­pina” inventà da Napoleone, riciclà in “regno” ma sen­pre con “lu” come re! I veronesi i avarìa preferì i austriaci, ma almanco el confin su l’Àdese l’era stà tirà via e se podéa passar sensa paura de ciaparse s-ciopetade. Ma par la pora çità scaligera i guai no i èra ancora finì: nove ani dopo, cioè el 4 febraio 1814, i francesi i ’ndava fora da i piè par èssar rinpiassà de novo da i austriaci, che staòlta però i entrava par restar. Par la precision fin al 16 Otobre 1866, quan­do Verona la sarìa deventà italiana par senpre. De quel periodo lontan, dopo dó secoli e dó brute guere mondali, no è restà gnanca el ricordo… se non quel de ciamàr i euri “franchi” o “schèi” a se­conda de come la te gira!

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo De le volte bisogna contentarse
Sognare, desiderare, zercare de miliorare xe consentìo, anzi necessario, parché la vita la possa ’ndare avanti, ma bisogna anca fare i conti co l’andamento generale de le robe, de i tenpi, de l’età, de l’inprevisto…
de de Mario Sileno Klein
 
Da i Coli Euganei (PD)
Leggi l'articolo I me fiuri e i so profumi
de Gemma Bellotto
 
Da Ponzano Veneto (TV)
Leggi l'articolo El Rosso
de I jera paroni de ’na giostra par putèi.
 
Da Lendinara (RO)
Leggi l'articolo Parchè i munari ’na olta i portava la bareta rossa?
de Renato Scarpi
 
Da Verona
Leggi l'articolo La çità de Verona tajà in dó
de Mirco Castellani
 
Da la Lessinia Centrale (VR)
Leggi l'articolo Gita al Maregge
de Luigi Ederle