Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

La colonba de Nadàe

Quatro Ciàcoe
E la colonba bianca... a na certa ora... la zolava in serca de libertÓ. (foto G. Bellotto)
'Pena verti i oci, gavéa l'inpression, che la matina nova, che gera drio nàssere, la fusse difarente dal sòito. Gera come se na snuvolà de pensieri novi, vestìi de bianco e de celeste, fusse pionbà in te la mente, par zolare fora in te l'aria, e destirare on mare de chiete, de dolcessa. E sta nova sensassion, la se ciamava Nadàe. No 'l gera ancora rivà, ma ghe mancava ormai pochi dì, e gera proprio sto spetar Nadàe che destirava in tel core la voja de neve, de bianco, de neto. Na voja de amore vero, che magari par pochi dì, ma tuti, o quasi, sente ogni ano in te l'ànema. E te vidi la gente, co qualcossa de novo in te i oci, che se dà da fare par mostrarse pi boni, pi generusi. Che i par tornar tusiti, che core soto la neve, co la voja de fare on baloco, e po' zugare a sbalocà. Ma tornando al nostro discorso de partensa, cossa gera drio capitare in te sta matina? Eco che me rivava da fora, la ose de la zia Gilda, che ciamava la mama par dirghe che lì, arente a la tecia rota, dove che se meteva el magnare par le gaine, ghe gera qualcossa de novo, difarente dal sòito. Lì, proprio arente a le spessanèe, che gera incucià par tera, na colonba bianca, che da quanto la gera bea, mi me cato adesso in dificoltà de farghe na spiegassion. Càndida come la neve, co le forme perfete e le pene cussì lisse, da farte vegner la voja de farghe sùbito na caressa. Ma sul pi beo che se ga tentà de tocarla, eco che la ga sercà de zolare via, e co on zolo basso, la xe 'ndà a posarse sol meàe de la porta, e po' sora la finestra. Però a la fine, la se ga lassà ciapare, e cussì se ghemo acorto che la gera stà ferìa, e la gavéa na ala rota. No gavéa pi tenpo, mi, de seguire el continuato de sta storia, ma a la sera, tornando dal lavoro, me la son vista lì, in tel canton de la cusina vecia, soto na cassetina de legno, che servìa par la racolta de le sarese. "Varda, ghemo on òspite novo", diséa la mama ridendo. E tuti se gera lì, torno la colonba bianca, che la ne studiava co i oci on pochetin preocupà. Mi la vardava co tanta teneressa, con na spece de dolse che sentìa rivarme drento el core. E gera cussì contenta, da desmentegarme quasi del magnare, continuando a ripètere: "Che bea, che belessa!" Tuti d'acordo, se gavéa deciso de tenerla lì, in tel canton, sercando de curare la so ala ferìa.
Tacà la satina, la gavéa na targheta co le cifre, e questo ne faséa capire che la gera na colonba viajatrice. Ognuno lì, torno la so gabieta, diséa i so pensieri de fantasìa. A turno, se sercava de farghe na caressa, ma no se riussìa parché la se difendéa co de i forti becuni e noantri se rideva de gusto. Da chel momento la colonba, bianca pi de la neve, la gera deventà uno de fameja, e la se considerava come el pi bel regalo de Nadàe che se podesse avere. Se ghe girava torno, se ghe parlava, e po' se se preocupava de cossa se podéa darghe da magnare, proprio come se ne fusse rivà casa on toseto picenin. In te on primo momento la rifiutava ogni roba da magnare, ma sol tardi, quando tuti gera 'ndà a dormire e gera restà sù mi sola, eco che la ga scumissià a becare el formenton sul querceto che la gavéa arente. E presto, la gavéa fato confidenza, in special modo co mi. La spetava che tuti 'ndasse in leto e po' la saltava fora de la cassetina, la girava sol fogolaro torno al fogo, voltando ogni tanto la testa par vardarme, come se la volesse dirme qualcossa. Sì, la me gera deventà proprio na spece de amica. Chel fagotin de vita, cussì bianco, cussì dolse a vardarlo, el me faséa proprio contenta e dato el Nadàe cussì vissin, me saltava fora dal core anca qualche rima: "Vien vanti na luce / in tel cor de la note / ronpendo le nùvoe che coverze la luna. / On respiro novo / caressa la sénare / e i stissi del fogo se inpissà. / Vien vanti la luce / so la porta del core. / Parecemo l'ànema / che riva Nadàe." Sì, sta colonba me inpienava el core de poesìa. La me risvejava ricordi tusiti, quando on pajasso de neve, co la pipa e el capèo del nono, e un goto de neve co tre giosse de aséo, el ne metéa in tel core na gran contentessa. Quante sere passà a sognare a oci verti in conpagnìa de la me colonba! Forse, tute do, se scondéa in tel core la voja de zolare lontan, traversando la volta celeste. El me core metéa le ale, e la colonba, sperava de guarire la so ala rota. Quanti viaji co la mente, arente al me fagotin bianco. Eco, che na sera però, tuto in te on momento la me colonba la se ga alsà da tera, sercando de zolare in alto. Ma la ga incapà in tel sofito e on pochetin spaventà, la xe tornà in tel so canton. Cara la me colonba, co la so voja de soe, de ceo, de aria nova, che come mi la sognava voli inpossìbili. Ma lassando stare i sogni, me gavéa acorto che la colonba, la gera quasi guarìa e la so ala rota gera in grado de zolare. Cossa se podéa fare, visto che la gera na colonba viajatrice? La decision la se rimandava da on dì a l'altro, parché ne dispiaseva de lassarla 'ndare via. Ma on dì de soe, qualcun se gavéa desmentegà la porta verta e la colonba in silensio, quasi de scondon, la gera partìa. Tuti in fameja, se vardava el canton svodo, e na spece de dispiassere gera pionbà in te la nostra vecia cusina. Chela prima sera sensa la colonba, se magnava co la testa bassa, in silensio, solo mi protestava, (tirando fora el me dispiassere) parché no se dovéa vèrzare la porta, savendo invesse, che cussì dovéa finire la storia.
Quante robe me gavéa insegnà la colonba bianca! El valore de la vita, de la libertà, de la salute, de l'amore... Dopo tanto tenpo, anca adesso in te le sere scure, che la luna xe distante, eco che mi coro là co la mente, arente a la me colonba a zolare in tel ceo celeste. E la colonba, xe qua co mi, sol fogolaro arente al fogo del vecio camin. E se disemo on grassie in silensio, par le caresse de chel'amore che sa dare vita, a la vita. E intanto dal core vien sù do rime: "Cossa xe Nadàe? / Na brancà de sùcaro bianco / cascà dal core del ceo / par curare le ferite in te l'ànema / de la nostra fadiga de vìvare / E l'amore xe lì in te la porta / par ciaparlo / basta slongare na man."

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Dissenbre:

Editoriale
Leggi l'articolo Par chi tórnelo Nadale?
Co tuta la violenza che ghe xe in giro, co i modèi da copiare che ne vien proposti, no xe fàssile capire parcossa torna Nadale
de Mario Klein
 
Da Campodarsego (PD)
Leggi l'articolo L'àlbaro da le sete virtù
de Luciana Ecchiotti
 
Da i Coli Euganei
Leggi l'articolo La colonba de Nadàe
de Gemma Bellotto
 
Robe de Ciósa
Leggi l'articolo Chel 4 novembre 1966
de Angelo Padoan
 
Da Vicenza
Leggi l'articolo La Madona del Magnificat
de Ines Scarparolo
 
Da la Lessinia Centrale (VR)
Leggi l'articolo Viva "Maria"
de Luigi Ederle