Quatro Ciàcoe
Mensile de cultura e tradission vènete
de Mariuccia Bazzaro

Ghe gera na volta…

Piereto, bel Piereto…

“Fiolassa, prepara el caliero ca son qua col puliero.”
“Fiolassa, prepara el caliero ca son qua col puliero.”
Ghe gera na volta na mama, anca se mama no la gera parché so marìo, se la ghesse ’bù un putelo, lo gavarìa magnà parché el gera un orco, ma tanto el gera el desiderio de ’verlo che la se sentiva bàtare el core ogni volta che la pensava de poderghe deventare. Un dì che la gera là che la curava un saco e na sportà de fasòi, col pensiero senpre fisso sul putin che la gavarìa vossudo avere, e stufa de curar fasòi par chel desbuelà de l’orco, ghe xe vegnù fora na frase che no la gavarìa mai pensà che la se sarìa averà: se tuti sti fasòi podesse diventar putèi, i sarìa tuti fiòi mèi. Xe nato el desìo, ansi xe nati tanti de quei putèi che no i ghe stava gnanca in casa. Có la ga visto cossì, la s’à desperà come Ana: “Scondive, putèi, che se vien casa l’orco el ve fa un bocon sensa gnanca dire ame.” Sentìo cossì ghe xe stà chi s’à sconto soto el seciaro, chi soto la tola, chi in ogni buso che ’l ga catà a portata de man.
Un bel momento, ansi bruto, se ga sentìo un pestugnar de passi, pareva che tremasse anca la tera oltra che l’óro de le mudande. Xe rivà l’orco: “Mujere mia, go la pansa sfinìa, cossa gheto parecià, mujere mia?” “Gnente, marìo benedìo, gavevo destregolà do fasòi, ca no go fato ora a dirlo che i se ga trasformà in tanti fiòi.” “Carne umana, pansa mia fate capana.” El se ga messo a sercarli, a fato, e uno par on el ga fato un bocon.
So mojere la ga tacà criare come na vegna: “Se ghe n’avéssimo salvà almanco uno ’desso el podarìa tèndarne el peraro, che no riussimo a magnare mai un pero che i ne li porta via tuti.” “Te ghè rason, son stà proprio ingordo” el ga risposto l’orco, tirando un ruto de pienassa che ’l gavarìa sbregà na recia a un lionfante. Tacà a un perolo de la carega se ghe n’avéa salvà uno; el xe saltà fora: “Mama, popà, so’ qua mi che me go salvà; disime cossa che go da fare che mi lo fasso volentiera.”
“Ghe sarìa da tèndare el peraro e, parché te fassi paro, te ciamarò Piereto.” “Sì, sì – ghe dise tuto contento Piereto – deme un paneto e no i ve portarà via più gnanca un pereto.”
Cussì i ga fato, so mama lo ga tanto basà, so marìo co na slenguassada lo ga solo tastà e Piereto sul peraro a fare la guardia l’è montà. Riva la vecia strigossa de l’Amalia, che la ghe vedeva da distante come na quaja, e snasà l’aria la ga sentio l’odor de cristianin. La ga fato subito la vosse fina, la ga alsà la testa in sù e la ga dito: “Balin, balin, sento odor da cristianin; come te ciàmito, bel putelo?” “Me ciamo Piereto e tendo sto peraro.” “A mi ca son na pora vecia e anca orba, piena de fame, Piereto. bel Piereto, bùtame zo un pereto che me bagna la boca, che fila la stopa.” “Eco, ve lo buto poco distante che ’l ve vien drito a le ganbe.” “A no lo vedo!” “A ve ne tiro ’n altro.”
“Vien zozo ti, che te ghe vedi pi de mi.” Piereto se ga calà zo dal peraro e ghe ga messo in man el pero a la vecia striga, che co un spenton el ga fato un repeton nel saco. “Ah! Ah! Ah!” la s’à messo a ridare. “Piereto, cossa gheto fato, te si finìo dentro intel saco.” “Lo savevo che me garissi ciapà, ma fin casa vostra la strada xe longa, no se sa come la finirà.”
Defati la strada la gera longa e la vecia che la gera mola de suste la ga dito: “Te meto chì e vago fare pissin” “Fè pure co còmodo, tanto via de qua no posso scanpar.” El birbo gaveva za pensa de tajare la corda e ’1 se ga messo piànsare come un vedelo da late, sperando che calcheduni passasse par de là; infati, se ferma un toso che ’l ghe dise: “Cossa gheto da sigare che pare che i te voja scanare.” “A sigo parché i me vol fare sposare la fiola del Re.” “A vorìa sposarla mi, che no me farìa sentire sigare no de serto.” “A parlè ben vu ca no gavarì l’alba de dio, ma mi che son paron de casa e canpi i me ne vorìa dare altretanti, dal pensiero no dormirò la note.”
“A sarìa tentà de torme mi sto pensiero.” “Se volì, sligheme e ciapè el me posto, che co sto mariazo ve fari sior.” Cossì el ga fato: l’è entrà nel saco de Piereto, e par starghe mèjo el s’à cavà el bareto.
Có xe tornà la striga, a tirarlo sù ga fato fadiga tanto che la ga dito: “Piereto, te si cressùo che a tirarte me ghe voe un careto.” E st’altro tasi par paura de èssare smaronà. Có i xe rivà a casa de l’Amalia, tirando la la boca, la ga sigà a so fiolassa: “Prepara el caliero ca so’ qua co un puliero.” La tosa la ga messo sù el caliero, ma có so maregna la ga desligà el saco la sà trovà davanti un omo che el ghe ga dà un crogno. “Toh, bruta vecia, métite ti in tecia.”
Có la s’à incorto del trabuchèo che ghe ga tirà Piereto, la ga dito: “Adesso ghe la fasso pagare, se lo ciapo no me fermo gnanca più a pissare pa tuto l’oro del mondo.” E cussi la ga fato. La xe tornà indrìo, la xe ’ndà soto el peraro e la ga ciamà Piereto co na vosse che la pareva in afaneto. “Piereto, bel Piereto, bùtame zo un pereto che me bagna la boca ca fila la stopa.” “Sì” ga risposto Piereto “cossì te me lighi ancora intel sacheto.” “Nò, che xe stà solo par sbalio, bùtalo.” “Ècolo che lo go butà, ciapelo che ’l xe un fià più in là.” “No lo vedo, bùtaghene ’n altro.” “Ve digo che lo ghì tacà na spana.” “Vien zo ti che mi no ghe vedo pi.” “Basta che stè distante” ghe dise Piereto che no ’l se fidava gnanca un tocheto.
Có ’l ghe xe stà vissin, svelta cofà un fuìn la lo ga ciapà e intel saco lo ga cassà.
Par la strada la ga dito: “Me ocore pissin, ma no te lasso parché ’dosso me la fasso.” E cossì la ga fato, e là Piereto el s’à fato un bagneto. Dopo un fiantin la dise: “Me ocore la caca, ma te ghè tenpo che te lassa.” Piereto poarin de caca el s’à inpenìo anca el scarsein. Có la xe riva taca casa la ga tacà osare: “Fiolassa, prepara el caliero ca son qua col puliero.”
Piereto, una ghe ne faseva sento, ghe ne pensava: el se ga dà da fare parché la vecia el voleva busarare. Có la lo ga desligà, el ga dà na ociada a la fiolassa e el ga dito: “No tasté se l’aqua la va ben de sàe, se la boje, se ghi n’è che basta che no vaga parsora che se destùa el fogo? Metì qua el piè che mi e vostra fiola ve giuten.” Cossì la ga fato e co un spenton i la ga butà intel caliero che la se ga broà parfin el bèro. E lu e la fiolassa i s’à maridà che i sentarì rìdare stando qua.
Streta la foja, larga la via, conteme la vostra che la mia xe finìa.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cara Italia, te scrivo…
Létara lanpra al me Paese che me ga visto nàssare e vìvare in pace la pi parte de la me vita, e contento de i italiani che ’l m’à fato incontrare
de Mario Klein
 
Ghe gera na volta…
Leggi l'articolo Piereto, bel Piereto…
de Mariuccia Bazzaro
 
150° Anniversario Unità d’Italia
Leggi l'articolo La nostra Festa tricolore
Eco come on paese de la Bassa Veronese à festegià la Giornata Nazionale de l’Unità d’Italia
de L.B.M.
 
Robe de Ciósa
Leggi l'articolo Garibaldi a Ciósa
de Angelo Padoan
 
Da Adria (RO)
Leggi l'articolo “Scuola e tigli”
de Sergio Bedetti
 
Raconto del mese (in visentin)
Leggi l'articolo Checo Baila
de Antonio Maraschin