Quatro Ciàcoe
Mensile de cultura e tradission vènete
de Sergio Bedetti

Da Adria (RO)

Sbari e caifa

Tenpo, pazienza e speranza: l’è dura sta pesca!
Tenpo, pazienza e speranza: l’è dura sta pesca!
Par ani anorum el canale l’è stà na peschiera par quanti voleva méter in padela quatro pessiti. Gh’in jera de tute la rasse, conprese quele che, propiamente, no sarìa stà de pesse. Defati inte le dó file de grata, parte per parte del canale, arente a le rive, indove feniva la marzana e scuminsiava la fondessa, co’ crivelo, negossa o chelcossa del gènere, in quatro e quatr’oto se podeva rancurar sù chel tanto de gànbari da far na fritaja co i fiochi. Se po’ se ’ndava inte ’l stesso posto de sera o de note co ’n ciaro de acetilene, o na pila, se podeva rancurar sù in prestessa un sacheto de rane, bone sia p’r un risoto fin, che par na bela spadelà de rane frite.
Ma la pesca, quela vera, jera nantra roba. Se pescava co tramaci, balansin, balansun e cane e ogni meso el gheva el so sistema. Chi pescava col tramacio el doveva aver la so barca par calarlo e la so palina, che in fondo la gheva ’n anelo de fero par far un fià de confusion, cussì i pissi, scapando de qua e de là, i feniva par intrigarse inte la rede. Anca la pesca co ’l balansin gheva bisogno de la barca, siben che qualchidun jera bon de piassarse su qualche montagnola de quele che i fiòi doprava d’istà par far i strapussi. Però co la barca jera assè mèjo parchè se se podeva spostare par catare posission indove ch’a ghe jera più pesse.
El balanson jera fisso; montarlo e smontarlo jera na struma no da poco. El ciapava el canale da na sponda a st’altra e el jera largo raquanti metri. Gh’jera pali alti, corde lunghe e robuste e du argani, uno parte par parte su le dó sponde: se tratava d’un marchingegno che gheva bisogno de tre, quatro persone. Quando ch’i lo calava i bastava in du, uno par argano; quando ch’i lo tirava sù jera utile na tèrsa persona, specialmente se la pescà jera stà bona. Defati sto indivìduo montava in barca, rivava in meso al canale, el molava el fondo de la negossa, na spece de grosso prioto al centro del balanson, in modo che i pissi ch’i jera finì lì dentro i caschesse in barca o adiritura inte le cassete ch’a gh’jera lì a posta.
La pesca co la cana la jera quela più usuale. Tuti i gheva un par de cane co la so sederina, i so ami, la so nièbola, el so banbuchelo. Jera tuta n’atressadura che se se procurava personalmente. Le cane bisognava andàrsele a tore int’i canari ch’a se catava arente a i àrzari, in canpagna tacà a i fossi, inte qualche bassura zo in vale; gh’in jera dapartuto, solo ch’a bisognava catar de le cane lunghe, bastansa drite, mèjo se sutile e resistenti. I bachetèi jera più difìssili da rancurar sù, parchè i cespuli de banbù i jera pitosto rari e cussì convegneva conprarli inte le boteghe ch’a tegneva anca sederine e ami. Ste cane le gheva bisogno de na preparassion lungheta. Intanto bisogna drissarle co ’n fogo de paja e na pèssa moja: scalda la cana inte ’l punto storto, bàgnala co la pèssa moja e ripeti l’operassion fin che la cana l’è bela drita. ’Desso la se mete da parte e se speta che la se seca. A sto punto se intriga in sima el bachetelo, dito anca banbuchelo, operassion no senpre fàssile parchè se podeva sbregare la cana e alora cadeva tajarla più soto. Na volta inestà sto bachetelo bisognava fissarlo ben, ligàndolo streto streto co parici giri de spago o de fil de fero fin fin. L’ideale jera quelo de averghe fra le man un bòssolo de s-ciopo o de mitragliatrice, a seconda de la grossessa de cana e bachetelo. Conpletà l’operassion se ligava la sederina in sima al banbuchelo, se faseva passare la nièbola e finalmente se tacava i ami, uno o du, a seconda del tipo de pesca ch’a s’intendeva fare.
In canale, alora, gh’jera svariati tipi de pésse: i sbutiun tacà a riva, ma quìi no i ghe interessava a ninsun, sbari, càifa, tenche bone, rinati, dentài, carpe, pessine, bisati, lussi, cavedan, quisti jera i pissi che usualmente se podeva tirar sù. A mi, na volta, m’è capità d’ingansare na pàssara, che normalmente se cata in mare. ’Desso ghè de le volte che tacà al ponte de Castelo se vede sièvali a s-ciapi che vien a pelo d’aqua a sbochesare.
Ma la pesca che va de più l’è quela al siluro: vien su serti pessassi de un metro, un metro e meso co na boca cussì granda che un capusso el va dentro sensa tocare i lavri. Bestiasse che distruge tuto: no l’è raro védare che co ’n salto fora da l’aqua i s’ingorgona un colonbo che, poareto, morto da sede, el s’jera fermà lì su la riva par bagnarse la gargata. Che po’ a la fine no sò che gusto ch’a ghe sia a tirar sù sti mostri che no i è boni da magnare (qualchidun la pensa diversamente), i è bruti da védare e po’ i farìa fin paura a incontrarli quando ch’a se va a nodare! Ma ormai quela l’è la pesca. E no l’è raro catare intorno a le rive pescaduri co tuta n’atressadura (stivài, giacon, capelin, casseta co esche, ami, sederine, mulinèi e tràpole varie) come s’i fusse in vale o su canài fora dal mondo, invesse i è lì su i cuògoli a du passi da piassa, ch’i passa la giornata inte na gara tra chi pesca e chi è pescà.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Mama, go sen!
L’alarme xe partìo; el problema de l’aqua riguarda tuti quanti, conpreso el pìcolo mondo indo’ ghè piantà le nostre raise. L’afare se fa serio: bisogna pensarghe oncò, par no piànzare doman.
de Mario Sileno Klein
 
Testimonianze dal Brasile
Leggi l'articolo L’arivo de Concettina
de Luigi Frosi
 
Da la Bassa Padovana
Leggi l'articolo El canpanile de Urbana, on deposito de storia
El someja a ’na tore medioevale, ma i merli i ga 120 ani; in basso el ga piere romane e a metà via altre del 1300. Ste piere xe stà studià anca da l’Università de Padova
de Roberto Soliman
 
Da Adria (RO)
Leggi l'articolo Sbari e caifa
de Sergio Bedetti
 
Da Verona
Leggi l'articolo “Roccia!”
de Giacinta Dall’Ora
 
Da la Lessinia Centrale (VR)
Leggi l'articolo La dherla
de Luigi Ederle