Quatro Ciàcoe
Mensile de cultura e tradission vènete
de Laura Viaro

Da Lendinara (RO)

Se l'invidia fusse freve…

La pesca de San Francesco. (foto de Franco Fioravanti)
La pesca de San Francesco. (foto de Franco Fioravanti)
El saludo francescan.
El saludo francescan.
La statua de San Francesco a Lendinara. (foto de Franco Fioravanti)
La statua de San Francesco a Lendinara. (foto de Franco Fioravanti)
Pare che l'invidia la sia uno de i mali de la socetà moderna dove che "apparire" xe deventà più inportante che "essere". Un sentimento doloroso, da tegnere ben sconto, parchè riconóssare de èssare invidiosi no' xe par gnente fàzile. El colmo, po’, el xe che de solito no' puntemo massa in su: l'ogeto de l'invidia el xe qualcuno al pari nostro o ca consideremo tale, el colega de lavoro, un amigo e adiritura un fradèo. E cussì a ris-cemo continuamente da pèrdare de vista le nostre qualità, le fortune ca ne xe tocà e, in generale, quelo ca gavemo de bon o magari de tristo che però pole senpre canbiare in mèjo.
“Se l'invidia fusse freve, tutto el mondo scotarìa”, ma sta a noaltri riussire a trasformarla in sana amirazion e a farne scatare la mola de l'anbizion senza fare dani al prossimo. Al contrario, inveze, incolpare qualcuno de invidia inte i nostri confronti, vol dire sentirse un fià in scagno e pensare de ’verghe doti che st’altri no ga…
Discorendo de ste robe, a me vien in mente un fato de quando ca jero ragazeta ca me ga lassà sbasìa, na reazion detà no solo da l'invidia, ma anca da un ridicolo bigotismo. A jero intel Convento de i Frati Capucini, el conplesso de cui fa parte la storica cesa de Sant'Agata, atuale S. Francesco co ’l grupo de i iscriti a la gioventù francescana (Gi.Fra). Al seguito de me sorela parecio più grande, a jero ’ndà a jutarghe a preparare la festa de San Francesco, na ricorenza tanto sentìa a Lendinara che la vien celebrà da setant'ani el 4 de otobre. Inte sta giornata, se riunisse le autorità aministrative de l'Alto Polesine che a turno i ofre l'ojo par el lume e dise na preghiera e mame e putini par la benedizion. Oltre al pranzo de fraternità, le bancarele ca inpinisse el parco (Piazzale dello Statuto) a vien organizà la pesca de beneficenza par la quale la zente fa a gara, regalando roba bela e no robaltarìa.
Chela volta – come no ricordàrmeli par la voja che i me faseva, dato ca jero ancora na putina – ghe jera un servizio da thè par le bànbole da nossoquanti tòchi tra cìcare, piatini, tejera, latiera, zucariera in porcelana de Limoges coredà da sculierini de aciaio e na banbolina particolare assè, mai vista prima in giro. La jera na spece de Barbie, la famosa bànbola de la Mattel che a chei tenpi no la jera gnancora cussì vendù (difati la xe rivà in Italia intel ’64), solo che inveze che de plastica la gaveva el corpo de gomapiuma e l'interno de fil de fero in modo da farghe ciapare tute le posizion e vestirla senza conplicazion. E fin ca preparàvino i bilietini par la pesca da rodolare e inpirare dentro a i subiotini de pasta, ridendo e scherzando e gustando el salame e pan fresco gentilmente oferti da i frati, la bànbola la xe finìa in man a na signorina particolare anca ela, par motivi contrari, che, senza fermarse su i particolari, la jera diversamente dotà (da la testa a i piè) in quanto a fateze. Dopo ’ver squadrà l'ogeto de i me desideri, la ga deciso che la bànbola la jera sconcia e che no se podeva métarla tra i premi se non previo intervento "ad hoc". Cossa gala fato? La ga ciapà la fòrbese e zac! La ga tajà el pèto, sgualivàndolo par ben soto i me oci increduli, piena de sodisfazion par sta operazion a difesa del comune senso del pudore.
La banbolina, persa ormai ogni atrativa, no par la mancanza del pèto ma parchè mazipà senza ritegno, la xe finìa no sò dove, forse in pesca co na straza indosso… Go senpre ligà sto ricordo al sentimento de l'invidia anca se el conportamento de sta zóvane dona, sfogà par fortuna senza conseguenze su qualche cristian, el pole èssare interpretà in tanti modi. Stando al mondo a s'incorzemo tuti, conpresi i più invidià, che i ga la so croce; bastarìa pensare a sta verità par zercare de contentarse, voléndoghe ben al prossimo intel spirito più s-ceto del "Pace e bene", el saludo che el "poverello di Assisi" el portava a queli che l'incontrava. Che invidia par queli ca ghe riesse!

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
El filò de i Wigwam
Leggi l'articolo Bimbi Botanici
Putèi amissi de i àlbari
de Efrem Tassinato
 
Editoriale
Leggi l'articolo Inventarse “la peza del nò”
Co sto anbaradan de verde, de zalo e de rosso, de giazo che piove dal celo, de navi che salva migranti, de pìcoli delinquenti che brusa barboni o che còpa carabinieri, de giustizia e finanza che ga mal de panza… xe fadiga far finta de gnente. Bisogna inventarse calcossa…
de Mario Sileno Klein
 
Da “Il bambino invisibile”
Leggi l'articolo Le paure de i putèi
de Luigi Frosi
 
Da Mestre-Venezia
Leggi l'articolo Dó tortorele e dó caresse
de Annalisa Pasqualetto Brugin
 
Da Lendinara (RO)
Leggi l'articolo Se l'invidia fusse freve…
de Laura Viaro
 
Da San Stèfano de Zimela (VR)
Leggi l'articolo La rua la gira e el tenpo canbia le robe
de Antonio Corain