Quatro Ciàcoe
Mensile de cultura e tradission vènete
de Laura Viaro

Da Lendinara (RO)

El pranzo de Nadale

A la ’Gnese ghe gavarìa piasesto fare Nadale co la fameja, come na volta…
A la ’Gnese ghe gavarìa piasesto fare Nadale co la fameja, come na volta…
Par na setimana el va in Basilicata co’ i amighi parché ghe xe vegnù la passion del volo de l’angelo…
Par na setimana el va in Basilicata co’ i amighi parché ghe xe vegnù la passion del volo de l’angelo…
Inte sti ultimi dó ani l’Agnese la ga saltà el Nadale co' la fameja de so fradelo par via de na serie de ricoveri in ospedale, ma ’desso che la xe guarìa la decide de ’ndare a pari, invitando tuti a casa sua. La sa che la sarà na bela sfachinada par ela, ormai in coste a i setantazinque. La xe vita sola, ma la ga un s-ciapo de nevodi e nevodeti che la vede senpre tanto volentieri chele volte che i riesse a catare qualche mez'oreta pa ’ndarla a trovare. Deciso el menù, la fa el conto de i ospiti: fradèo, cognà e i so quatro fioli, dó maridà co' zinque tra putini e ragazoti, e dó da maridare ma co i morosi. Sédese in tuto, ela conpresa.
"Dài, ’Gnese" la se fa corajo, “la sarà na sodisfazion e a ponsarte te fè senpre tenpo!" E cussì, na quindesina de giorni prima la se taca al telefono e la scominzia a ciamarli tuti, partendo da so fradelo che, dopo ’verghe domandà se la xe propio sicura da tòrse sto bàgolo, el aceta de bon grado (co ’l benestare de la mojere, solevà na volta tanto da l’incomodo). Xe la volta de la Mariella, la più vecia de i nevodi che la ga tre fioli da i oto a i disdoto.
“Ciao, Lella, come stèo? Varda che da Nadale ve speto tuti a casa mia!” Qualche minuto de silenzio prima de sentire na risposta un fià mola:
“Intanto te ringrazio, zia, ma te savarò dire… e po’ se proprio dovesse vegnere no’ sta’ far conto de Gianni (el marì) e gnanca de la Martina (la fiola più grande).”
Dopo che l’Agnese, preocupà, la ghe domanda spiegazion de ste novità, la se sente contare robe par gnente bele che le ga a che fare co’ na segretaria zóvane e massa spavalda e co’ na fiola che la vorìa èssare mantegnù distante da casa par poder studiare senza musi longhi ’torno. Despiasù e zo de susta, la ciama Carlo che de fioli el ghe n’à dó:
“Benon, zia, sì, sì, vegnemo! Cossa feto de bon da magnare? Ma ghe xe la carne intel pasticio? Nò, parché la Francesca la xe vegana e no’ la magna né carne né pesse, né ovi e manco che manco roba fata co ’l late. Vorà dire che la se contentarà de un primo co’ l’ojo o de altri magnari de verdure. Matteo inveze el xe propio alèrgico al pomodoro, a late e formajo e anca a le nose. Pensa che solo a tocarle a ghe vien spira in boca e se ghe gonfia la gola. Ma no’ vojo ca te bauchi massa, s’à te disi a lo portemo noaltri el magnare za pronto… A mi, però, a me va ben tuto, te lo sè; mando zo anca la cuòra!”
L’Agnese la ride, ma la pensa che bisogna canbiare la lista de la spesa; bisogna trovare calcossa che vaga ben par tuti o fare magnari difarenti. Prima da decìdare la prova a sentire anca so nevoda Veronica che la xe ’pena ’ndà a stare co ’l moroso e che, la ga savesto, che la xe inzinta.
“Ciao, zia, come vala? Mi insoma… A go senpre ingóssa e no’ son bona a far gnente parché me gira la testa.” L’Agnese, avilìa, la ghe domanda se almanco la ga qualche aiuto da lu, el so conpagno.
“Sì, zia, l’è tanto bravo! Oncò el xe da so mama tuto el giorno e sta sera el parte par na setimana in Basilicata co’ i amighi parché ghe xe vegnù la passion del volo de l’angelo e cussì el sfoga na s-cianta el stress del lavoro. A te savarò dire parché, fin che l’è via, no ’l ga tanto caro da èssare disturbà s’à no’ xe par robe serie… Ma el me manda un messagio tute le sere co’ tanti baseti…”
Un fià sbasìa, l’Agnese no’ la sa ben cossa rispóndare. A ghe vien in mente so moroso, l’unico de la so vita che el xe morto a ventizinque ani, cascando da un coerto, senza ’ndàrsela a zercare. Le robe le canbia, ma chi xela ela par dire se in mèjo o in pezo? Fatostà ca ghe resta un fià de magon, senza na rason particolare, parché tuti i ga le so esigenze e va ben cussì. La speta qualche giorno e po’ la se taca da novo al telefono, ripetendo a i parenti la stessa solfa:
“A me despiase purassè, ma a me son svincà na caucela e el dotore el me ga ordinà de star ferma almanco dó setimane. No stè ’vèrvene a male, me sarìa tanto piasesto passare el Nadale come a i veci tenpi!”
Sora l’àlbaro de l’Agnese, st’ano, ghe xe na bala in più e ogni volta che la ghe passa vizin la ghe domanda scusa al Banbin Gesù.

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Riva Nadale, ma no par tuti
Sarìa belo che sta Festa la rivesse par tuti, come na volta, quando grandi e putini, siori (on fià manco!) e poareti, basabanchi e magnapreti, in qualche maniera i sentìa che Nadale el portava na ventà de umanità e i faséa festa pa ’l conpleano del Banbin Santo. Oncò no la xe pi cussì!
de Mario Sileno Klein
 
Da Brugine (PD)
Leggi l'articolo Padova lirica
de Michele Varotto
 
Da la Marca
Leggi l'articolo Un trevisan a la corte de i Tartari
de Emanuele Bellò
 
Da Venezia
Leggi l'articolo L’Arsenal
de Armando Mondin
 
Da Lendinara (RO)
Leggi l'articolo El pranzo de Nadale
de Laura Viaro
 
Da la Lessinia Centrale (VR)
Leggi l'articolo ’Na dona coalsìasi
de Luigi Ederle