Quatro Ciàcoe
Mensile de cultura e tradission vènete
de Wanda Girardi Castellani

Da Verona

La "Spluga de la Preta" nel film "L’abisso"

Quatro Ciàcoe
’Sto ùltimo aprìl, ne l’auditorio Modigliani de Padova, par inissiativa del Grupo Speleologico Padovan del CAI de Padova e co ’l sostegno del vicesìndaco Carlo Sinigaglia, è stà proietà, in seconda presentassion dopo la premiere de Verona, el film "L’abisso", fruto de du ani de riprese con trenta dissese da parte de ‘na setantina de speleologi, el tuto par racontar l’interessante storia de le esplorassioni in uno tra i più difìcili abissi del mondo: la Spluga de la Preta, sul fondo de la qual, a quasi 900 metri, nel lujo del 1963, s’à podù védar la "Sala Nera".
El cèlebre abisso, secondo solo al Gouffre Berger, el ga el so ùnico ingresso su i monti Lessini veronesi e el pènetra fondo ne la pansa del Corno D’Aquilio che ghe fa corona al paeseto de Fosse, poco più ’vanti del comune de Sant’Anna d’Alfaedo. A l’inboco, guardà da la ceseta de i speleologi, se ghe pol rivar praticamente in màchina.
L’esplorassion l’è scominçià otant’ani fà, nel 1925, quando un grupo de alpinisti de la session universitaria del CAI de Verona el s’à calà in quel che po’ el deventarà el famoso posso "131". La primavera dopo ‘sto Grupo el s’à calà da novo, scoprendo un secondo posso, batesà "Cabianca"; un buel profondo 108 metri e, convinti de aver batú el vecio record mondial de profondità, i s’à rivolto al giornal fassista "Il popolo d’Italia" par organisar n’altra spedission più intensa. ’Sta olta i è rivà a 300 metri ma fora è girà la voçe che i veronesi i era rivà inveçe a 500 metri, cusì la Spluga l’è stà dichiarà l’abisso più fondo de la tera; un primato che po’ l’à perso nel 1953 co’ la scoperta in Francia de la Pierre Saint Martin.
Ma la Spluga de la Preta l’è restada la grota più conossuda; praticamente el sìnbolo stesso de la speleologìa, cèlebre anca parché, dopo çentenara de dissese e esplorassioni da parte de speleologi de tutto el mondo, el mistero del svilupo de le so galerìe nel cór de la montagna, verso la luce, ancora ‘desso lo conosse solo i barbastrèi (o signàpole come ghe ciamemo a Verona).
De ’sto impressionante abisso l’è interessante anca l’aspeto biològico. Al so interno è stà trovado inseti che vive solo ne le grote (troglobi), e che i è de i vèri fòssili viventi; come l’Italaphenops Dimaioi, el più grande carabide orbo del mondo scoperto ne la Spluga nel 1963.
Quatro Ciàcoe
Ne i ani ’50 scominçia le grandi spedissioni del Gruppo Grotte Falchi de Verona e nel 1958 Lorenzo Cargnel (13 ani) fiol del capospedission, noto oltre che par la speleologìa, per èssar uno de i mèjo fotògrafi de Verona (con studio in via XX Setembre) el riesse a trovar, passando traverso ‘na stretoja de la misura, apunto, de ’n buteleto, la prosecussion de l’ abisso.
E rivemo ai ani Sessanta. El 10 luio del 1963, sete speleologi, dopo ‘na permanensa in grota de quasi nove giorni i toca par la prima volta la "Sala Nera" a 875 metri de profondità.
A quel tenpo, durante ‘na nova spedission organisà da la Società Amiçi de la Natura de Verona, con permanensa in grota de dó setimane, ‘na disgrassia l’è vegnù a coloràr de nero tuti i entusiasmi; la moiér de ’n nostro parente; Marisa Bolla Castellani, una de le do coragiose speleologhe che ‘iutava i compagni nel canpo base de profondità, l’è precipitada perdendo la vita. Difìcile l’è stà anca riportar el so corpo in superfice.
A l’inboco de l’abisso che ’l se vèrse nel verde de i pascoli alti de la Lessinia. ’desso ghè ’na pìcola làpide a ricordo de ’sta vìtima , par fortuna l’ùnica, de la Spluga de la Preta; un ricordo che è ripetù anca ne la ceseta li da rente.
Po’ finalmente el Grupo Grotte Falchi de Verona l’è riussì a realisar el sogno a longo perseguido de rivar sul fondo de l’abisso. A la guida de Mario Cargnel: Lorenso Cargnel, Luciano Boni, e Ugo Stocker, monfalconese, i è rivadi anca lori a la Sala Nera, el 10 agosto del 1967.
In sèguito ghè stà altre inportanti spedissioni che à fato altre scoperte, stabilì altri record. Nel 1969, una de queste, composta de bolognesi, faentini, veronesi e torinesi l’è restà blocada da ‘na piena a 620 metri de profondità, soto el posso ciamà Torino e s’à credudo el pèso. I speleologi i è po’ riussidi a vègnar fóra ma solo dopo ‘na permanensa in grota de ‘na diesina de giorni.
In sèguito se ga messo spedissioni organisade in tuto el mondo e la Spluga de la Preta l’è deventà forsi la più ambida de le conquiste. La profondità fin’ora acertada la va, oltre la Sala Nera, fin a 985 metri e se podarà andar ancora più in zo. Intanto co’ l’operassion "Corno D’Aquilio" a la guida de ‘na celebrità nel mondo de la speleologia; Giuseppe Troncon, s’à fato pulissia ne l’abisso de quatro tonelade de "sgauje speleologiche" bandonà nel corso de le spedissioni passade.
Inoltre è stà fato varie ricerche sientìfiche con altre importanti scoperte.
Nel 2001 la Preta l’è tornà sul palco de la cronaca grassie a l’inpresa del bressian Matteo Rivadossi che in "solitaria" con corde de 8 e 5,5 milimetri de diametro l’è riussì a rivar a la "Sala Nera" e tornar indrìo in sole 20 ore.
Ne l’inverno 2003 i è riprese le esplorassioni e ghè stà fata n’altra scoperta; le vie "Antika" e del "Baratro". Ma come emo più sora dito, la Spluga de la Preta la riserva de sicuro altre sorprese.
El mistero l’è ancora... in volta!
Personalmente, sofrendo de ’na forma de claustrofobia tale che se de note me va el ninsól su la facia me meto sigar "aiuto", go sempre avudo par ’sti "alpinisti a roèrso" ’na grande amirassion e ò seguì, fin che ò podudo, l’atività de i "Falchi" de Verona, tanto più che i conossevo e de Cargnel-fotografo ero anca cliente. L’ùltima volta che son stà a la Spluga, nel 2000, l’è stà anca l’ùltima volta che ò podù caminar par i me monti. Ero in compagnìa de don Alberto Benedetti, el notisssimo prete-archeologo de Ceredo, da poco scomparso. Con lu, ne la ceseta quela matina inondada de sol, ò pregà par la pora Marisa e par tuti quei che, inamorà de i abissi, i seitarà a ris-ciarghe sóra la vita.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Se vèrze le scole: par studenti o delinquenti?
Védare massacrare de bòte on Crocifisso, inprecando e biastemando, e po’ mostrarlo a tuti su Internet, ne fa male e ne preòcupa, parché no la xe na bravata da "bulli", ma on’azion da lazaroni patentati
de Mario Klein
 
Memoria viva
Leggi l'articolo Sudore, làgrime e sangue ne la storia de la umanità
I incitamenti de Churchill ai inglesi ne la seconda guera. I avertimenti de Garibaldi ai soldài prima de abandonare Roma in te ’l 1849. El incoragiamento de Citolo da Perugia par la difesa de ’l "bastion de la gata" in te ’l 1509 a Padova
de Gigi Vasoin
 
Sport
Leggi l'articolo Chiara Rosa, "Principessa" del peso
de Mario Galdiolo
 
Robe de Ciósa
Leggi l'articolo Garibaldi e i pescaóri ciosòti
a cura de Angelo Padoan
 
Da Lendinara (RO)
Leggi l'articolo Festa polesana
de Renato Scarpi
 
Da Verona
Leggi l'articolo La "Spluga de la Preta" nel film "L’abisso"
de Wanda Girardi Castellani