Quatro Ciàcoe
Mensile de cultura e tradission vènete
de Luigi Perini

Geografìa zitadina in triestin

Torenti e galerìe de Trieste

L'imperatrice Maria Teresa d'Austria (ojo de Martino van Meytens).
L'imperatrice Maria Teresa d'Austria (ojo de Martino van Meytens).
Int'un famoso passo del Manzoni se disi: "... torrenti, de' quali distingue lo scroscio, come il suono delle voci domestiche." Ma sto scrossio go dovudo andàrmelo a sentir al torente Rosandra, fora de la zità, cò son diventado più grandeto. E si che i torenti no manca a Trieste: i triestini conossi la su zità per de sora, ma quel che xe desotovìa no i lo conossi proprio.
Forsi tuti sa che la via Carducci 'na volta la iera via del Torrente (e prima ancora Contrada della Caserma), indove scoreva un rio che xe stà coverto, ma de sòlito più in là no se va. Sto corso d'aqua, che inte la parte finale xe stà ciamà Torrente Grande, el xe formado da altri do rii: quel de le Settefontane, che vien zo da Montebello e quel dello Scoglio, o Starebrech, che vien zo da San Giovanni; i se incontra ai Portici de Chiozza e le aque le scori fin quela che ogi xe piaza Dalmazia, po' via Ghega e le se buta nel Porto Vecio tra el molo 3 e el 4. El Torrente Grande e i do che lo formava i iera atraversadi da tanti ponti: quel de la Caserma (ogi piaza Oberdan) che 'l portava nel novo quartier el Borgo Franceschino, in onor de Francesco I; el Ponte de Chiozza: el Ponte de la Fabra (ogi piaza Goldoni, 'na volta Dei Legni); quel del Molin a Vento.
Podopo ghe iera tanti torenti più pici, che co la bonifica de le saline e la costruzion al su posto del Borgo Teresiano, voluda da l'Imperatrice Maria Teresa d'Austria, e per questo che Dio ghe brazi l'ànima indove che la xe, i xe sparidi o i xe stà fati confluir in quel più grande.
Ma i triestini ghe devi èsser riconossenti a Maria Theresia anca per l'Aquedoto che la ga fato méter dal 1752 in zo, portando l'aqua in zità da la ceseta de San Giovanni fin a la Rotonda del Boschetto, fazèndoghe superar con condote el torente Starebrech, nominado sora, e po' zo per l'Acquedotto (ogi viale XX Settembre) e podopo sora el Torrente Grande, fin piaza San Giovanni, per alimentar fontane e palazi del Borgo Teresiano, a manca del Canal Grande, che xe stà finido de èsser scavà inte 'l 1756.
Man mano che el Torrente Grande veniva coverto da un "manufatto" a tre volte, atuado dal 1826 al 1850, (vedi Paolo Guglia-Armando e Enrico Halupca ,"Sotterranei della città di Trieste", Lint ed., 2001, col patrocinio de la Società Speleologica Italiana, pag.111 e che costituissi nel su insieme un "Catasto" semplificado de le "Cavità artificiali") spariva i ponti per passarghe dessora e la zità podeva alargarse più facilmente.
Dirìa che la coverzidura de i torenti de Trieste, fata in prinzipio senza un piano general, ma qua e là dove bisognava, specialmente per motivi igenici e per rimediar a le spusse che, spece d'istà, anoiava i citadini che voleva andar a passegiar al Boscheto e al Caciator, sia una de quele "grandi opere" che ogi vien spampanade, e che no se fa mai, ma che in quela volta, cò ghe iera solo la cariola, la vanga, el badil e el sugo de gùmito, le xe stade fate in pochi ani.
Per dir la verità a Trieste se ga sempre scavado le coline, o per scopi militari, o per zercar de mèter in più fàzile comunicazion i rioni: per el primo punto ricordemo el forte austriaco Kressich, situado in parte ancora ogi indove xe sorto nel 1927 el Faro della Vittoria, co la gran scrita "Splendi e ricorda i Caduti sul mare"; eben dal forte xe stà scavada 'na galerìa per comunicar co la baterìa costiera de San Bortolo che ghe iera soto. Durante la seconda guera mondiale xe stà preparà 'na postazion per canoniere soto el viale Miramare, poco prima de l'ingresso al Castel; e in sto perìodo xe stà scavado tanto in tute le zone de la zità per proteger i citadini da possìbili incursioni aeree: da Servola a l'Obelisco, da l'Università a Villa Giulia, da Scorcola a Gretta, da Monte Radio a Villa Sartorio in via Duca d'Aosta, da la "Piccola Berlino" co quatro entrate in via Fabio Severo e in Tribunal a la galerìa de Barcola, magari doprando busi za esistenti.
Tute, vece e nove, le xe stade esplorade e classificade a cura de la Società Adriatica di Speleologìa, Sezione di Spel. Urbana. Usade anca come rifugio xe stà le do galerìe stradali, ben conossude da i triestini: quela Sandrinelli del 1907, che passa soto el cole de i frati de Montuzza e che la parti da piazza Goldoni, anzi da la vicina via S.Pellico, indove per ornar l'ingresso xe stà ereta la Scala dei Giganti.
Sta galerìa par che la continui dopo la piazzeta Sansovino e la via Bernini co la galerìa de S. Vito del 1911: proveve a passarghe de soto ne i giorni de bora e alora capirè la forza che ga el vento! Mi da studente go passà la Sandrinelli do volte al giorno, senza mai ciapar el tram. Ste do galerìe le xe stade messe in colegamento durante l'ùltimo conflito co quela del Teatro Romano, la prima e co quela de viale D'Annunzio la seconda; altre grandi galerìe quele de Sèrvola, de Montebello e de Chiarbola.
Ghe xe po' oto galerìe feroviarie e quele più pice per atraversar i binari; e ghe sarìa ancora quei pozzi e galerìe "storiche", nel Castel de S. Giusto, davanti a la Cattedrale e nel vizin Parco della Rimembranza.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo La xe propio na vergogna
Montagne de scoaze sòfega na region. Quatro teste calde (67 professori su 4.500) e na sbrancà de studenti scalmanà ghe inpedisse al Papa de parlare a l'Università "La Sapienza" de Roma. Che vergogna!
de Mario Klein
 
Geografìa zitadina in triestin
Leggi l'articolo Torenti e galerìe de Trieste
de Luigi Perini
 
Robe de Ciòsa
Leggi l'articolo I zoghi de i bambini de 'na volta...
a cura de Angelo Padoan
 
Ciàcoe Visentine
Leggi l'articolo I "Santi" de Quinto Visentin
La Beata Eurosia Fabris, ciamà Mamma Rosa, e don Ottorino Zanon, che ga fondà l'Istituto San Gaetan, xe nati o i ga vissùo in sto paese vissin Vicensa
de Giordano Dellai
 
Da Verona
Leggi l'articolo "Ci vol védar so mama..."
de Wanda Girardi Castellani
 
Da la Bassa Veronese
Leggi l'articolo L'età no la conta...
de Lucia Beltrame Menini