Quatro Ciàcoe
Mensile de cultura e tradission vènete
de Enzo Coltro

Da San Bonifacio (VR)

El diploma de "Nono Felice"

Bison fare un corso par narghe drio ai neodeti...
Bison fare un corso par narghe drio ai neodeti...
Da quando son deventà nono, se ga risvejà in mi ’na sorta de Spiritel che me spenze a far de le matade che, spece da zóeno, me piaséa tanto conbinar, ma che co i ani le se gavéa un fià smorzà. Voi dir che son senpre stà un fià maturlan, ma ’desso, co ’na neodeta che me fa pèrdar i sentimenti, lo son ancora de più! La roba la me preocupa un fià, l’è che i scherzi i me vien fora de geto, come l’acoa de un torentel che nasse cissà indóe, ma che buta fora acoa senpre de più.
Mi go ’n amigo, candidato a deventar nono – e vardè che deventar nono (scusè la ripetizion, ma no savéa come far de manco!) – l’è assè pi inportante che èssar candidato a deventar onorevole o senatore. Voi dir che dà pi sodisfazion (e soratuto da fare) deventar nono che far tante ciàcole come chei che ne governa! Maria! Che intorcolamento de: èssar, deventar... No sò se lo gavì capìo, ma mi preferisso èssar deventà nono pitosto che... onorevole.
Tornando a le nostre pégore (i Francesi i dise infati: "Revenons à nos moutons!"), a sto me amigo mi ghe go domandà se no ’l ga fato gnanca un corso par deventar nono! Lu, maravejà, el m’à dito: "Ma sito sicuro che bison fare un corso par deventar nono?" Alora, co pazienza, ghe go spiegà che mi, prima che nassesse la me neodeta Carola, go frequentà el corso intitolà "Nono Felice".
Lu l’è deventà de colpo serio, po’ superà l’àtimo de inocamento el me ga dito: "Ma indò elo che se pol informarse de sto corso?"
Ghe go risposto che mi lo go catà par caso su Internet (che no go mia!), che me son subito iscrito e che lo go frequentà. "Ah – el me ga dito lu –, e come se fa par notarse? Quanto còstelo sto corso?"
"Par iscrìvarse l’è ’na monada – ghe go risposto – e quanto al costo, l’è ligà ai risultati!"
Cossì el me amigo Dante el ga vossù saver tuto e mi ghe go spiegà la façenda senza desmentegarme ’na virgola. Ghe go contà che come scominçia el corso, ’n omo el spiega la difarenza che ghè tra un mas-ceto e ‘na femeneta, cossì no se fa confusion; anca parché dopo l’è tuta ’na question de rubineteria e catarse davanti un toseto o ’na toseta no l’è mia la stessa roba! La prima stimana de corso uno el ga da canbiar un banboloto de ciroloide, ma prima bison informarse s’a l’è mas-cio o fémena, senpre par question... del rubineto... Alora bison che la fiola la sapia de che sesso l’è chel che ga da nàssar faséndose ’n’ecografia. Apurà el sesso del boceta, se passa al canbio del panolin. ’Desso, ciò, se trata che te ghè par le man un picinin in carne e ossi. Par prima roba se ga da provédar a canbiarlo par via del pissin, ma prima bison darghe ’na lavadina al culeto (e ai dintorni) e dopo avérghelo ben sugà, bison inburarlo par ben co de le cremete, parché no ’l se rasissa. Par mas-cio o fémena el tratamento l’è el stesso.
La terza stimana se passa de grado e se se dèdica a la popò. Oibò! Ciò! La popò! Qua el discorso el se cònplica, parché i bocete de tuti du i sessi de solito no i la fa mia come i grandi e alora bison inzegnarse a arbinarla qua e là, magari storzendo el naso s’a s’è un fià sputini e çercando de no vardar. Ma se no se varda, se ghe la distribuisse ben dapartuto e alora el laoro el se cònplica da mati. Se ris-cia anca de dover ripètar la stimana de corso, par la popò, fin che no se ga inparà come se fa.
La quarta stimana i insegna a latar. "Come a latar? – ga dito maravejà el me amigo. – Te sarè mia mato, era?"
"Nò, no son mia mato – ghe go risposto – ma se no te sé mia latar, no i te dà mia el diploma de Nono Felice! Meti che no ghe sia mia to fiola e el picinin el se meta a piànzar desparà parché el ga fame, ti cossa feto?"
"No sò... – ga dito preocupà el me amigo – çercarìa de calmarlo!" "Calmarlo come? – ghe go domandà mi – Un tato el se calma solo se te lo tachi a la teta!" "E alora cossa bisogna far?" me ga domandà el me amigo.
"’Desso te lo spiego – ghe go dito mi sicuro. Cossì ghe go contà che el corso el dà in dotazion ’na teta de cauciù precisa de quela de ’na mama. Basta aplicàrsela al sen co ’na ventosa e dopo inpienarla de late co ’na siringa fin che no l’è piena. Fata l’operazion se taca el neodeto al sen e se lo lassa ciuciar de gusto fin che no l’è belo pien. Finìo el late lu el se inpaòta e, se ghe ciapa la rioma, el taca a rìdar e a far altri ati. Alora bison farghe far el rutin. Se se lo posta al pèto co la testina su la spala e se maca – ma pianin – su la schena. Bison star ’tenti, parché pol sì rivar un rutin, ma anca ’na sboconà de late che la te core zo par el colo faséndote tirar un progno de açidenti. Ricòrdete, però, che te ghè da tirarli pian, co maniera, par no svejar el bocia, senò el taca a çigar cofà ’n aquiloto.
Có te ghè superà tute ste proe, i te dà el diploma de "Nono Felice" e ti te pol presentàrghelo a to fiola, cossì la te autorizarà (co so gran sodisfazion!) a torte in cura to neodo.
Se te rivi primo te la graduatoria del corso i te regala tri pachi de panoloni par el neodeto e uno personale par ti. Dopo i te passa ’na confezion de omogeneizati "sorana-conejo" par el buteleto e una par ti, pito-faraona, mastegà do olte par via de i denti.
Se no te si promosso no te paghi gnente, ma i te manda par un mese al nido pi viçin a canbiar i buteleti e se no te otien le referenze giuste da la diretrice, te toca star là ’n antro mese.
"La miseria! – ga dito el me amigo. – L’è ’na bela fadiga deventar nono!"
"Caro! – ghe go risposto mi – Par amor de i neodi se fa questo e altro ancora!"
No sò se ’l me gabia credù, ma du dì dopo, quando lo go incontrà al marcà davanti al banco de le mudande el me ga dito "Va’ a ramengo ti e to ‘Nono Felice!’... E mi che son nà drio ai to discorsi!" Se vede che ’l gavéa consultà Internet par le modalità de iscrizion, ma no l’era riussìo a catar la pagina indò gh’era le istruzion par poder deventar anca lu...un "Nono Felice"!!!

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Par conbàtare sta crisi...
Capi de Stato, presidenti, ministri, papi, premi Nobel, esperti de economia: tuti i zerca el ponte d’oro par passare de là del fosso. Nissun pensa e parla... de farse na puntura de esperienza e de tradizion popolare...
de Mario Klein
 
Protagonisti de la scola
Leggi l'articolo Na vita che sparsora d'amore
de Maria Luisia Furin Zilio
 
Devossion popolare
Leggi l'articolo Quei che vive al de là de la vita
de Ugo Suman
 
Da Lendinara (RO)
Leggi l'articolo Poareti ma larghi de mànega
de Renato Scarpi
 
Da Thiene (VI)
Leggi l'articolo Che belo el tenpo "dei Morti"
...L’autuno che ne dava el vin novo e tanti fruti, gera benedìo...
de Bepin Daecarbonare
 
Da San Bonifacio (VR)
Leggi l'articolo El diploma de "Nono Felice"
de Enzo Coltro