Quatro Ciàcoe
Mensile de cultura e tradission vènete
de Bepin Daecarbonare

Da Thiene (VI)

La matassa de seda
Un filo de oro che liga i ricordi de un mondo de fiaba có gero putelo

Sti cavaliéri, dopo la prima stimana. i cresséa a vista de ocio…
Sti cavaliéri, dopo la prima stimana. i cresséa a vista de ocio…
Chel giorno pioveva a sece roverse, la màchina gera in riparassion dal mecanico; andar fora a pìe te ris-ciavi de negarte come un pulsin e alora go canbià programa e me son ranpegà sù par la scala de legno che portava in granaro, par pèrdarme in veci ricordi. Un vero arsenale!... ma, par no stufarve massa, vojo contarve solo la storia de na matassa de seda color de l’oro, che me xe capità in man, tirando un casseton.
Gera tenpo de guera e de carestìa e co’ me popà, che faseva el scarparo, có mancava el conpanàdego, andavo in bicicleta in te na fameja de canpagna, che in canbio de mèse sòle, tachi, raboti o scarpe nove fate su misura, invesse de schei, che no ghin gera, se tornava casa co’ roba da magnare (diese boche da sfamare): na dosena de uvi, un tòco de lardo o de panseta, un paneto de butiero, mèso conejo, un polastrelo da rosto... a seconda del corispetivo in palanche. Na volta la siora Sunta, la parona de casa, me ga regalà tre galete (bozzoli del filugello) e mi, tuto contento, me le go messe in càmara drento un vaseto de vèro. Gèrimo a fine giugno e el caldo tacava farse sentire e na matina ’pena ciaro, svejàndome, go sentìo un rumoreto stranbo che vignéa da sora el sgabelo: le gera le tre paveje (farfalle) che, sbusà le galete che le tignéa prigioniere, tentava, sbatendo le ale, ranpegarse co le satele su pal vèro del vaso indove le ghéa messe.
Sto inseto, un “lepidottero” che fa parte de ’a fameja de i “Bombicidi” (a l’incirca 300 spece) el se ciama “Bombyx mori”, originario de ’a Cina, xe stà inportà in Europa nel VI sècolo d.C. da de i frati bisantini, che gavéa sconto drento i bastuni de canevera i uvi e insieme anca le somense de moraro (gelso), la sola pianta che co ’e foje, ghe dava nutrimento.
Come farfala no ’a xe çerto un canpion de belessa: color zaleto, testa pìcola co do antene a pètene, ale curte e corpo peloso, ma come fatrice la xe un portento: penseve che la riva a fare fin 500 uvi (seme dei bachi).
Sora la rela luri pian pianelo se ga catà el so postesin e i ga fato la galeta…
Sora la rela luri pian pianelo se ga catà el so postesin e i ga fato la galeta…
Tornando a ’e me paveje, le go posà su un quadrato de pèssa sbregà da un nissolo vecio, tacà su tel muro de ’a càmara. Dopo l’acopiamento, la fémena, in poco tenpo la ga inpienà la strassa de ovi e conpia la so mission, la ga voltà l’ocio (è morta ) seguìa o precedù (no me ricordo ben), da ’e altre do (due maschi).
Destacà dal muro, go messo la pèssa co i uvi soto el me leto desmentegàndome de ela. L’ano drìo, verso fine aprile, stosando sòto ’l leto, xe saltà fora el “famoso” tòco de nissolo sconto drìo la ganba sul canton verso el muro che gnanca el se vedeva: lo go verto e destirà te la canesela e co gran maraveja go visto che i uviti i gera deventà tuti scuri e calche baeto nero che se moveva: scomissiava a nàssare i cavaliéri (bachi da seta). Conplice del “lieto evento” la mónega co le bronse (braci) de ’a fogara che, infilà soto le coverte, ne scaldava el cucio e stenprava el fredo de ’a càmara, solo par questo i uvi se ga maurà.
’Desso come fasso? Go pensà: goi da fàrghelo savere a me mama, col ris-cio che la me diga de trar via tuto o tàsare e slevarli in scondon? Go preferìo tignérmeli e dir ninte a nissuni.
In prinsipio bastava calche foja de moraro tajà a striche co la fòrbese e i cavaliéri ghe stava drento na scàtola da scarpe, ma dopo la prima stimana i cresséa a vista de ocio: i me scapava da soto ’l leto, e la foja romai, la portavo casa a sachi, fin che i mii i se ga inacorto e dopo ’verme fato la romansina i me ga jutà a slevarli e cossì go tirà un sospiro de solievo. Me davo el canbio co me fradèi par téndarli, netarli darghe da magnare e a tor le foje de moraro da Ganbarelo, un amigo de me popà che ’l ’ndava trare (a caccia) ne i so canpi. Prima, invesse, le gratavo inte i canpi del... Signore co la pìtima de èssare brincà, fina che xe rivà el momento che, vegnù tuti zali, dopo ’ver dormìo “da le quatro” e magnà “de furia”, i cavaliéri se pareciava a filare. Co rame seche e fassine ghemo creà “el bosco” sora la rela e luri pian pianelo se ga catà el so postesin par fare la galeta e sararse drento.
El di de San Giovani (24 giugno) col me sacheto de “oro” soto el brasso, vudo el parmesso da i contadini, co i cari carghi de galete zale e bianche drento a le bissache, che da la matina bonora spetava el so turno in fila sensa brontolare, go passà el porton de la filanda e in canbio i me ga dà na matassa de seda dal peso sì e no de mèso chilo, el conpenso de quaranta giornate de lavoro... ma mi col me “tesoro” in man tocavo el celo co un déo.
Dopo tanti ani, par caso, la ritrovo e me la strenso al core: penso a me popà, a me mama, che no ghe xe più, a tanti bei ricordi e na làgrima me casca zo da i oci, bagnando de veludo la matassa.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Onore a l’Italia col canto
Na bona ocasion par rèndarghe onore a l’Italia in festa la xe saltà fora da la 22ª Rassegna Corale “Città di Padova” organizà dal Coro “La Valle” in colaborazion con l’AIDO
de Mario Klein
 
Confronti
Leggi l'articolo La storia de le disgrassie
de Ugo Suman
 
Rimedi de na volta
Leggi l'articolo El segreto de la siola
de Luigi Frosi
 
Da Rovigo
Leggi l'articolo On po’ de alegrìa
de Gianni Sparapan
 
Da Thiene (VI)
Leggi l'articolo La matassa de seda
Un filo de oro che liga i ricordi de un mondo de fiaba có gero putelo
de Bepin Daecarbonare
 
Da Verona
Leggi l'articolo E dàghela con sti pié!
de Giacinta Dall’Ora