Quatro Ciàcoe
Mensile de cultura e tradission vènete
de Mirco Castellani

Da Verona

L’afondamento de la Wilhelm Gustloff

Quatro Ciàcoe
Se i ve domandasse qual la sia stà la più granda tragedia navale de la storia, probabilmente rispondaressi: “l’afondamento del Titanic”; anca se ormai è passà più de un secolo, la resta comunque la più famosa, e con 1.518 morti, sicuramente tra le più gravi. Ma verso la fine de l’ultima guera ghe n’è stà una che, come numero de vìtime, la ga de l’incredibile: oltre 10.000! Solo che la storia ancò l’è quasi sconossuda, desmentegada. Adesso vedemo parché.
La Wilhelm Gustloff l’era un transatlantico tedesco varado a Amburgo nel 1937 e destinà a deventar l’amiralia de la compagnia KdF (Kraft durch Freude = “Forza attraverso la gioia”). L’era longa 200 metri, la pesava 26.000 tonelate e al centro del so scafo da le linee filanti, se trovava un unico fumaiolo. ’Na bela nave… ma creà in un bruto momento: se durante el 1938 l’à podù traversar l’Atlantico un po’ de volte, nel ’39, con l’inissio de la guera, l’è stà subito requisì da l’esercito. El so primo impiego militar l’è stà come “nave ospedal”: piturà de bianco e contrassegnà con grandi croci rosse, l’è restà ormegià a Danzica par tuto el 1940. Dal ’41 a la fine del ’44, ripiturà de grigio e spostà a Gotenhafen (nel nord de la Polonia), l’à servì come “nave-caserma” par la Kriegsmarine. Rivemo così al genar del 1945 quando, davanti a l’Armata Rossa che ormai la stava invadendo (e liberando) l’Europa de l’Est, se movéa el fiume de i tedeschi che çercava de tornar a casa. Bisogna saver che, dopo l’invasion de la Polonia, par ani milioni de persone (militari e civili) i era stà mandà a laorar ne le regioni conquistà… principalmente Slesia, Pomerania e Prussia orientale. Par rinpatriarle era stà lancià l’operazione “Annibale”: le grandi navi le dovéa inbarcarle ne i porti de Danzica e de Gotenhafen par portarle in salvo a Kiel, in Germania. El 30 Genar 1945 anca la Gustloff l’era in partensa da Gotenhafen. El tenpo però l’era pessimo: ’na tenperatura de 10 gradi soto zero, un vento polare, neve, buio pesto e lastroni de giasso su l’aqua. La nave, costruì par portar 1.800 persone, la dovéa inbarcàrghene più de 10.000… par la precision 8.956 civili, 918 tra uficiali e soldà, 373 done de le Ausiliarie, 173 marinai e 162 feriti (da documenti uficiài), ma prima de partir l’è stà ciapà d’assalto anca da la gente in fuga: almanco in altri 1.000 i è montà a bordo sensa èssar registrà, parfin saltando in corsa dal molo. ’Na sèna da esodo biblico! Comunque ne la poca luce del mesodì de quel giorno la Gustloff l’à finalmente lassà el porto. In plancia però el comandante Peterson l’era preocupà: de le tre motovedete de scorta i ghe n’avéa dà solo du, la nave l’era sovracàrica, nevegava forte e i motori, restà fermi par ani, i gavéa ’vù problemi a partir… dopo qualche ora infati uno l’è andà in avaria e una de le du motovedete l’è restà blocà dal giasso. Con ’na situassion così, el comandante l’à dovù lassar pèrdar l’andatura a zig-zag e puntar drito su Kiel, çercando de far el più presto possibile.
Verso le 9 de sera, in pieno Baltico, el comandante Alexander Marinesko l’era de toreta sul somergibile sovietico S-13. El stava esplorando el mar col binòcolo quando tra la foschia l’à visto la sagoma de ’na nave grigia, enorme… la bandiera co’ la croce uncinata però no la lassava dubbi: tedesca! Marinesko el s’à precipità nel bocaporto e poco dopo l’S-13, come un lupo che avesse visto ’n agnel solitario, el filava drito a quota periscopio verso la Gustloff. A la giusta distansa è partì tre siluri. Con un bersalio largo 200 metri no i podéa sbaliar… e infati tre montagne de aqua le s’à alsà in sequensa ’rente la fiancata. La nave par un po’ l’à continuà la so corsa… lentamente però l’à scominçià a fermarse, inclinàndose su un fianco.
Fasemo el confronto col “Titanic”: là l’era de april, qua genar… là el mar l’era piato come ’na tola, qua in tompesta… là le persone i era 3.500, qua forsi 11.000… e par conclùdar el “Titanic” l’è restà a gala quasi tre ore, inveçe la Gustloff l’à resistì solo 40 minuti. Ma che 40 minuti de inferno. Causa el sbandamento, se da ’na parte le lance i era za soto aqua, da chel’altra i era massa alte… in più el fredo l’avéa congelà i àrgani e fato deventar le sóghe dure come piera. A bordo regnava el caos. El marconista de la Gustloff intanto el lanciava freneticamente l’SOS: unica speransa de salvessa. A la fine, verso le óndese, la nave la s’à alsà in verticale, l’è restà così par qualche istante e lentamente la s’à infilà de prua soto le onde. L’SOS però l’era stà ricevù da la torpediniera tedesca T36 che nel giro de mez’ora l’era sul posto. La sèna che s’à presentà al so comandante, Robert Hering, l’era da incubo: nel mar scuro come l’inchiostro galegiava du sialupe e n’infinità de teste che spuntava da i salvagenti. Usando le rete anti-mine come le fusse rete da pesca i à scominçià a “pescar sù” la gente. L’era el momento che l’S-13 de Marinesko el spetava… par fortuna le sìe bianche de i so siluri i è stà viste in tenpo e la torpediniera l’è riussì a evitarli… ma l’era deventà pericoloso star lì e così la T36 (con a bordo più de 500 naufraghi, conpreso el capitano Peterson… a prova che no tuti i comandanti i va zo co’ la so nave) l’à dovù lassar el canpo. Però dopo sul posto è rivà altre navi tedesche, ma è rivà anca altri somergìbili sovietici. Se pol solo imaginarse che ore da incubo le sia stà, in quel scànpolo de mar. Comunque a la fine è stà messo in salvo quasi mile persone… anca se la stima de le vitime (da 9.000 a 10.000… de preciso no se lo savarà mai) la fa de l’afondamento de la Wilhelm Gustloff el più grande disastro navale de la storia. Ma parché dopo èlo stà desmentegà? Con la fine de la guera, visto che par i sovietici ’sta inutile strage de civili la podéa risultar “scomoda”, è stà insabià tuto. Marinesko l’à ciapà ’na decorassion e un bilieto par la Siberia. Ne la Germania intanto i problemi i era altri, e comunque de morti i ghe n’avéa ’vù sete milioni… cos’èreli 10.000? Così ci s’à salvà à çercà de desmentegar… e ci è morto de sicuro no l’à più parlà. Par çinquant’ani el disastro de la Gustloff l’è stà uno de i segreti mèjo conservà de l’ultima guera. La storia l’è tornà a gala (insieme a tante altre) solo con la fine del comunismo ne l’Europa de l’Est… ma l’è stà solo nel 2002, col libro “Il passo del gambero” (“Im Krebsgang”) del scritor Günter Grass, che l’è stà finalmente ricostruì e portà a conossensa del pùblico. Ci sa… forsi prima o poi qualche regista el ghe ne farà anca un film, come l’è stà par el “Titanic”, così che tute ’ste “migliaia” de persone le gavarà almanco el ricordo che le se mèrita… parché “mòre veramente ci no se ricorda più”.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Ano novo, vita nova!
De solito, ste parole se le disemo quando finisse l’ano e taca quelo novo, quasi par desmentegare in pressia l’ano vecio e voltare pagina, auguràndose che el futuro el sia, almanco on poco, mèjo del passato.
de Mario Sileno Klein
 
Da i Coli Euganei
Leggi l'articolo Proverbi che vien da lontan
de Gemma Bellotto
 
Da Rovigo
Leggi l'articolo El màdharo Desio
de Gianni Sparapan
 
Da Verona
Leggi l'articolo L’afondamento de la Wilhelm Gustloff
de Mirco Castellani
 
Da Verona
Leggi l'articolo Strassà o sassinà?
de Giacinta Dall’Ora
 
Da Verona
Leggi l'articolo Nikolajewka e i fati del Don
de Lucia Beltrame Menini