Quatro Ciàcoe
Mensile de cultura e tradission vènete
de Mirco Castellani

Da Verona

La dissendensa de Dante

La statua de Dante al centro de la Piazza de i Signori.
La statua de Dante al centro de la Piazza de i Signori.
Verona, Piazza de i Signori: in mèso ghè la statua de Dante Alighieri. El Poeta, con aria pensosa, par che ’l varda distante… forsi el varda verso Ravenna… domandàndose ci ghe l’à fato far in quel lontan 1321 de tornar da Venezia ’traverso quele maledete paludi del Po, piene de sdinsale, e finendo par rimétarghe le strasse proprio ne i stessi posti dove çinque secoli dopo ghe l’avarìa lassà anca Anita Garibaldi!
’Desso a Ravenna è restà i so ossi e mai i tornarà a Firenze. La so “Commedia” l’è famosa in tuto el mondo e a Verona, de lu, oltre che la statua è restà el ricordo. Fine de la storia? E invesse nò! Parché a Verona Dante l’à lassà qualcosa de più inportante de un ricordo: l’à lassà la so dissendensa. Ma partimo da l’inissio.
Nojaltri semo ’bituà a pensar a Dante come a ’n omo senpre intavanà, perso nel so mondo de poesia… e invesse nò: l’èra sposà con Gemma de la fameja Donati. Però el suo no’ l’era stà un matrimonio “d’amor”… i ghe l’avéa fata sposar in una de quele robe conbinà che purtropo se usava alora (come ancó) in tante parte del mondo. Comunque, anca se ’l Poeta a la mojer no ’l ga mai dedicà gnanca mèso verso, se vede che in leto no i se despiaséa mia, parché de fiói i ghe n’à inbastì ben nove: Eliseo, Alighiero, Gabriello, Bernardo, Giovanni, Imperia, Pietro, Jacopo e Antonia.
De ’sti nove fiói però i primi quatro i ghè morti zóani (nel ’300 bastava gnente…) e de Imperia se sa solo che l’è rivà ’bastansa granda da sposarse. Resta Pietro, Jacopo e Antonia. E qua scominçia la parte interessante.
Quando Dante l’è vegnù a Verona nel 1312 no l’èra mia solo, l’èra in conpagnìa de Pietro e Jacopo, rispetivamente de dódese e vintitrì ani. Antonia (a l’epoca de quatòrdese) l’èra restà a Firenze con la mama Gemma. Ne i sete ani che Dante l’è restà a Verona (cioè fin al 1318) bisogna imaginàrselo girar par la çità in conpagnìa de i dó fiói… Magari l’avarà dovù tèndarghe che no i se metesse ne i guai e sicuramente l’avarà tarmà Cangrande parché el ghe catasse anca un laoro.
Dove stàveli i Alighieri? Oviamente nel palsso de la Signoria (quel in fondo a Piassa de i Signori). E cosa vedéveli? La Verona del ’300 l’èra diversa da quela de ancó… l’èra ’na çità tipicamente medioevale, sporca e spussolente, con strade de tera batù e case de legno, ma l’èra anca un gran cantier: da quando ghèra i Scaligeri se stava costruendo cese e palassi in tuti i cantoni e la çità la vivéa el so momento d’oro. Parché Dante l’abia piantà tuto par trasferirse a Ravenna i storici i se le domanda da secoli. Comunque ne la so nova çità ’l Poeta el ga ciamà anca Antonia, la fiola che era restà a Firenze, destinàndola però a entrar in convento (de le Olivetane) co ’l nome de Suor “Beatrice” (ma dài?). Antonia la sopravivarà a tuta la so fameja, morendo par ultima nel 1370.
Ma tornemo al 1321. Morto papà Dante cosa fai i dó fiói mas-ci? Jacopo dopo 4 ani el tornarà a Firenze, entrando anca lu in convento. Qualche ano dopo però lo trovemo a Verona in veste de canonico. Però se vede che la tònega la ghe stava streta parché qualche ano dopo lo vedemo ancora a Firenze, insieme con ’na çerta Jacopa Alfani e papà de dó fiói: Alighiero e Alighiera. Jacopo no ’l sarà el primo (e gnanca l’ultimo) a butar la tònega par ’na còtola. Comunque la peste nera del 1348 la se portarà via lu e tuta la so fameja.
Tornemo così a Pietro. L’ultimo fiol de Dante l’è anca lu un leterato, l’è ’n omo colto e el tróa facilmente laoro come giudice, prima a Treviso e dopo a Verona. Pietro Alighieri el ga anca el senso de i afari… el crompa ’na tenuta in Valpolesela e el se mete a produr el vin. In quanto a fiói, Pietro el sposa ’n’altra “Jacopa” el ghe ne sforna almanco 8: Alighiera, Gemma, Lucia, Dante II, Antonia, Elisabetta, Bernardo e Jacopo. Purtropo anca qua, tra morti e conventi, a la fine par continuar la stirpe ghe ne resta uno solo: Dante II. Sto qua de fiói el ghe ne fa dó: Leonardo e Pietro III.
Ormai la fameja la vive in Valpolesela da tri generassioni. A continuar la dissendensa ghe pensa Pietro III, sposando Caterina da Monselice e sfornando anca lu un par de fiói: Dante III e Jacopo. Come se vede, i nomi che gira ne la fameja Alighieri i è sempre quei. De Jacopo se sa poco, ma Dante III de fiói el ghe ne mete al mondo tri: Ludovico, Pietro IV e Francesco.
Semo ormai in pieno ’500 e i Alighieri i è n’inportante e nobile fameja veronese. Francesco el deventa canonico ne la Catedral de Verona, l’è sior e el se fa costruir in San Fermo la tonba de fameja (Cappella Alighieri). Anca se el ga tre fiole de scarafon, essendo prete no ’l pol legitimarle. De i altri dó fradèi, Ludovico el se sposa ma ’l more presto, e Pietro IV de fiói el ghe n’à una sola: Ginevra. L’ultima de i Alighieri nel 1549 la va in sposa al conte Marcantonio Serego e i dó i ga un bocia: Pieralvise. Francesco a ’sto punto par salvar el cognome de fameja el fa ’n ato testamentario con el qual el dichiara erede universal Pieralvise, fiol de so neoda Ginevra, purché in futuro i so dissendenti i gabia da portar tuti e dó i cognomi: Serego e Alighieri.
Dal 1558 de generassioni de Serego-Alighieri ghe n’è stà 21 e l’ultimo, el conte Pier Alvise (stesso nome del so avo) l’è vivo e vegeto. L’abita ancora a Gargagnago de Valpolesela ne la casa de fameja e el sa ben che ne le so vene gira anca un po’ de sangue del quel Dante Alighieri che sete secoli fà à scrito l’opera più inportante e fondamentale de la lingua italiana.

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Inbrojare i anziani
Se sente parlare senpre de pi de le trufe che viene fate a i anziani, ’profitando de l’età, del fato che el pi de le volte i vive da soli e che magari i xe pieni de magagne. Ghe xe in giro na bruta raza de delinquenti che inbroja i veci, travesténdose da agnèi che ghe dà la cacia a i lupi.
de Mario Sileno Klein
 
Le storie de Dinerio
Leggi l'articolo Al stalo de bicecrete
Mestiere orbo de sicuro quelo de tèndare i rùgoli, ma no par vece straloce, mèse orbe e malfidente come l’Ersilia.
de Vittorio Ingegneri-Dinerio
 
Da Maran Lagunare (UD)
Leggi l'articolo Grata grata, semo rivài a tocà el fundi
de Bruno Rossetto Doria
 
Robe de Ciósa
Leggi l'articolo El Forte de San Felisse
a cura de Angelo Padoan
 
Da Adria (RO)
Leggi l'articolo Denti e sacramenti
de Sergio Bedetti
 
Da Verona
Leggi l'articolo La dissendensa de Dante
de Mirco Castellani