Quatro Ciàcoe
Mensile de cultura e tradission vènete
de Mirco Castellani

Da Verona

Carosello

Quatro Ciàcoe
Cesare Polacco e… Tino Scotti.
Cesare Polacco e… Tino Scotti.
Quatro Ciàcoe
Stè vardando un film… de punto in bianco taca la publicità! Se podarìa an­ca soportar, se no ’l fusse che: 1) te l’è ’pena vista, 2) girando par i canài no’ te cati altro, e 3) tra pochi minuti, a tradi­mento, te ne rivarà n’altra dose.
No’ sò vojaltri… ma a mi la publicità la me rompe. E se ve disesse che ghè stà un tenpo dove la publicità la ’spe­tàimo tuti con piaser? L’è sucesso, ma bisogna averghe almanco la me età par podér­sene ricordar; anca se parfin i zóani i sa però de cosa parlo: Carosello.
Tachemo dal principio: in Italia le trasmissioni TV i è scominçià nel 1954 e a l’inissio de publicità ghe n’èra poca; ghèra el TG, la messa, la domenica sportiva, qualche film (vecio parfin alo­ra) e poco altro. El tuto oviamente in bianco e nero e su l’unico canal de la RAI. Ma anca se el televisor el costa­va un spropo­sito (tipo 7.000 euri de ancò) in pochi ani ghe n’èra za in giro più de un milion. Çerto, tanti i era ne i bar, e tanti ne le case de i siori… ma grassie a l’invension de le “cambiali” (i “finansia­menti” de l’epoca) anca ne le case de la pora gente presto è rivà ’sta incredibile invension a dominar el tempo libero.
Nel 1957 in Italia inissiava el “Boom economico” e la television l’èra el canal giusto par far rivar la publicità ne le case. Però a l’inissio èra stà messe de le regole par limitarla (magari le ghe fusse an­cora): vietato interómpar film e pro­grami, ocupar al massimo el 5% del tenpo, el “spot” no el podéa durar più de 135 secondi, e solo ne i ultimi 35 podéa aparir el nome da reclamizar. Presto s’à pensà anca de concentrar tuta la publicità in un programa aposta: ’na roba unica al mondo! Così la sera del 2 Febrar 1957, a le 20.50 (dopo el TG), i utenti italiani i à visto par la prima òlta vèrsarse un sin­pà­tico teatrin su le note de ’na taran­tela napoletana. Inissiava l’epoca de Carosello, e la sarìa durà giusto vint’ani. La creatività italiana l’era riussì a trasformar ’na roba noiosa come la publicità in qual­cosa de divertente! Ogni insersion l’era un cortometragio unico e completo… Ghèra “gialli”, co­me quei con l’ispetore Rock (Cesare Polacco) che, dopo aver risolto el caso, el concludéa (caressàndose la pe­lada): “anch’io ho commesso un errore: non ho mai usato la brillantina Linetti”… O el “baffuto” Tino Scotti che, dopo ever spiegà ’na parola dificile, a la fine el concludéa (parlando del confeto Falqui): “Basta la parola”… batuta che è restà nel modo de dir de tuti quanti; o Ernesto Calindri che, dovendo recla­mi­zar la China Martini el concludéa: “come ai tempi di oggidì”. Ghera parfin de i mini-western (“laggiù nel Montana, tra mandrie e cowboys”) dove l’eroe el se ciamava Gringo (vedendo la carne Montana che stringo).
Ma i più amà, ’spetà e desiderà da nojaltri bocia, quei restà ne la nostra memoria… quei: i era i cartoni animati. Eco alora ’na carelada de ricordi: “Ulisse e l’ombra”, el “Vigile Concilia” (quel che finiva disendo “altrimenti a schifio fini­sce!!!”), i cavernicoli Mammut Babbut e Figliut… Capitan Trinchetto, Pallina, Taca Banda, Caio Gregorio (el fusto del pretorio), Buc il bucaniere (un fantasma con ne la pansa un buso tondo da bala de canon), Pildo Poldo e Baffoblù, l’Indian Unca Dunca, Svani­tella, el Matador, Papalla! Tra quei “speciali” me ricordo Angelino: ocioni neri e grandi… el se moéa su ’na nuvola e de solito el finiva drento ’na pocia, piansendo co­me ’na fontana par via del vestitin bian­co tuto sporcà. Mitico Re Artù e i cava­lieri de la Tavola Rotonda: “Ma perchè non siamo in otto? Perché manca Lancillotto! Po Po Poffare… orsù andiamolo a cercare”. E ve ricordè Cimabue? Un frate che el se metéa senpre ne i guai (“Cimabue Cima­bue, fai una cosa e ne sbagli due”), o Jo Condor, (che el finiva indicando el nome sul capel: “Ma che, ci ho scritto Jocondor?”); ghèra po’ el gigante de la montagna (“gigante pensaci tu”), el messicano Mi­guel son mi: “mamma mamma, lo sai chi c’è, è arrivato il Merendero”), Caballero e Carmencita (“Bambina, sei già mia! Chiudi il gas e vieni via!”) e altri ancora. Ma la ri­cerca de idee nove (magari la ghe fusse anca ancó) l’à portà i artisti a crear robe originalis­sime, come i messicani del cafè Paulista: fati de carton, a forma de “cono”, e ciapè dal vero in stop-motion… o l’Omino co i Baffi de la Bialetti, che finché el parlava te vedéi le létere de l’alfabeto girar al posto de la boca. Ma uno de i più grandi, caso unico ne la storia de l’animassion, l’è sta la “Linea”! Tuta la storia (ironica e inteligente) l’era basà su ’na singola linea de penarel che la ciapava la forma in moimento del perso­nagio. El più duraturo però l’è stà sicura­mente Calimero: el “pulcino nero”. El disegnator Nino Pagot l’à creà el pulsin, la galina Cesira, el gal Gallettoni, e tuta l’ambientas­sion.
Calimero el finiva ogni aventura triste e sconsolà, lamentando: “Qui ce l’anno tutti con me perché sono piccolo e nero: è un’ingiustizia!”… Al che l’Olandesina la le ciapava in man disendo: “Ma, Cali­mero, tu non sei nero, sei solo sporco” e con ’na lavadina nel detersivo Mira Lanza la le faséa tornar del color giusto. Calimero, tra i personagi de Carosello, forsi l’è stà l’unico a sopravìvar, ciapando (come Topo Gigio) n’esistensa slegà da la publicità. Comunque la sera del primo genar 1977 el “teatrin” amà da tuti i italiani el s’à serà par l’ultima òlta. La publicità “artigianale”, quela basà su cartoni animati e idee inedite, l’era deventà massa cara… in arivo ghèra solo publicità “ossessiva”, fata de spot (quasi sempre stupidi) ripetudi çentenara de òlte: quantità al posto de qualità. In America l’era così za prima del ’57 e così l’è restà… l’è stà solo qua in Italia che semo riussì (e par vint’ani) a trasformar la publicità in qualcosa de sinpàtico e divertente!

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Salvemo el Creato!
Questo l’ivito che se leva da tuto el mondo par salvare la Tera e le so Creature: xe dal 1° Setenbre del 2006 che viene celebrà la “Giornata per la salvaguardia del Creato”. Sto ano l’iniziativa de “conversione ecologica” la xe nà ’vanti par tuto el mese passà e la dura fin al 4 de Otobre, festa de san Francesco d’Assisi.
de Mario Sileno Klein
 
Na fameja granda assè
Leggi l'articolo Otobre, mese de la suca
de Luigi Frosi
 
Zente de Padova
Leggi l'articolo Antonio Emo Capodilista
de Arturo Baggio
 
Da Lendinara (RO)
Leggi l'articolo La Pina la ga avù na putina
de Renato Scarpi
 
Da Gavello (RO)
Leggi l'articolo El forno de Nonato
de Gianni Sparapan
 
Da Verona
Leggi l'articolo Carosello
de Mirco Castellani