Da Maran Lagunare (UD)

Proverbi e mudi de dì su la dona

• Ne la casa de i galantòmini, nassi prima le done e dopo i òmini.
• Bruta in fassa, bela in piassa.
• La dona bela in natura, la xe larga de spale e streta de sintura.
• A 10 ani bruscolosa, a 20 sposa.
• Se la putèla la vol conparì, le crodie (cuoio cappelluto) le ga de diolì.
• No resta carne in becarìa, (macelleria) tanto mèjo 'na bela fia.
• Vàrdete de l'omo che 'l varda in basso e de la dona che la ga longo el passo.
• In una dona val più la sinpatìa, che la belessa.
• No conta belesse se grassie non dè!
• Done e guai, no manca mai.
• Fin che no se marida le biròle (zitelle), no piuvi de sicuro.
• Sposa bagnada, sposa fortunada.
• La dona la tien sù tre cantuni de casa!
• Fior in testa, dona disonesta.
• Veta longa (gugliata di filo o lana), dona sciagurata!
• Dona che sa fa, dona de maridà.
• Ago o gusèla, mantièn la poverela.
• La dona smignigolosa, xe 'na dona tanto lamentosa.
• Bail e sapa, drio l'omo, la dona se cata.
• Dona virtuosa, mujer e mare pressiosa.
• Cuor de mama, cuor che no ingana.
• Quando che la dona la siga de bonora, la ciama la piova.
• La dona fa l'omo!
• No sta insièlze né dona, né tela, al lume de candela.
• Se la dona la xe bela, la partorissi 'na putèla.
• Dona sagia e virtuosa, beato l'omo che la sposa.
• La prima mujer xe fachina, la seconda xe regina.
• La casa sensa fiama, xe come 'na casa sensa mama.
• Mare morta, pare orbo.
• El cuor de la dona, xe un cuor che se dona.
• Dona capriciosa, sièlta sbaliada.
• La dona la xe come l'onda, la te soleva o la te fonda.
• Se te vol fà la dona contenta, giùtala a missià la polenta.
• Col fogo, done e mar, xe poco da scherzar.
• La dona bisogna che la piasa, che la tasa, che la staga in casa.
• Par magnà la magnota, par beve la bevota, xe a lavorà che la sbarbòta.
• La dona pulitina la fa el leto de matina, la dona cusì culì la fa el leto a mesodì, la dona malsestada la tira sù le coverte cò la xe distirada.
• Le madone (suocere), le sta ben su i quadri.
• Cò l'età avansa, l'omo fa el stomego (gli si gonfia), la dona pansa.
• Le done par fa i lavuri, le ga le man come i òmini.
• Se la dona la ga un bel visin, un bel vitin, un bel sestin (è brava ed ha un bel modo di fare), sta dona bisogna sposala.
• Tra mujer e marìo, no mete el dèo tuo.
• I òmini i ga i ani che i se sinti, le done quìi che le mostra.
• Se te vol sposà 'na dona sensa pretese, sposa 'na Maranese.
• No xe April sensa fior, no xe dona sensa amor.

[torna sopra]