Quatro Ciàcoe
Mensile de cultura e tradission vènete
de Antonio Corain

Da S. Stèfano de Zimela (VR)

Oci no solo par védare

Quatro Ciàcoe
Un bel fiore de passiflora.
Romài a semo tuti talmente ciapà da la pressia che a pare che nemo in giro a oci sarà. A coremo par le strade, stasendo 'tenti al tràfico, ai segnài stradài, al contachilòmetri par no ciapare 'na multa e pèrdare de i punti su la patente, che cussita a vedemo 'torno de noantri solo àlbari, osèi e erba.
Inveze, nando piassè pian, magari in bicecheta o a piè, se pol métarghe 'na s-cianta de pi de atenzion e cussita vardare mèjo 'ste robe. Sì, parché vardare a vol dire calcossa de pi de védare, vol dire darghe 'na ocià piassè longa, notare i particolari e le difarenze, inacòrzarse de tante robe che ne jera scapà a prima vista. Se po' se ga tenpo e se va in giro a piè, se pol fermarse a osservare quel che ne intaressa e studiarse ben anca i particolari pi pìcoli. 'Na olta che se ga inparà 'ste robe, e senpre che te intaressa, a te poi catare de le bele sorprese che te gusta l'ocio e te dà na s-cianta de piasere parché a te te rendi conto che, par quanto l'omo el gai zercà in tuti i modi de farghe del mal a la Natura, a ghe xe ancora tante bele robe 'torno de noantri.
De istà che fa s-cioco (appaiono in evidenza) a ghe xe i papàvari che in zerti campi indóe che i ga somenà de la somenza mia tanto selezionà a ghe xe pi papàvari che spighe. E che ghe fa conpagnìa ai papàvari tante olte a ghe xe anca i fiordalisi co' i so bei fiori azuri. De azuro a ghe xe anche de i fioreti picinini ma bei che i ghe ciama i oci de la Madona. De un bel celeste a càpita de catare de le murete o de le rete metàliche tute infodrà (ricoperte) de canpanele de sto colore che pare che i le gai piturà col penelo.
Quatro Ciàcoe
Un muro de canpanele azure.
Su par i muri a te cati la parietaria o erba muraiola che le nostre none a le doparava in te'l seciaro par netare piati e biceri e anca el rame quando che a no ghe jera ancora el detersivo lìquido o in pólvare che cussita a le podéa rancurare la bróa (aqua sporca) del seciaro e dopararla par pareciarghe el paston par le galine.
'Nantra bela piantina che cresse a s-ciapi e che le nostre none a le doparava par lavarse le man o le robe delicate a la xe la saponaria che se te la bagni e te la sfrégoli a la fa 'na bela s-ciuma che la pare fata col son. A s-ciapi cresse anche l'iperico, che el ga anca altri nomi come erba de san Zuani o scacciadiavoli parché 'na olta i lo tacava fora da le porte par tegnere distante i diàoli o i spìriti cativi. I so fiori bei zali i ga de le vissighete co' de le sostanze che zerte le se siòlie co' l'alcol e zerte co' l'ojo. Cussita par esenpio se te ghe meti i fiori in te la graspa a te vien fora un bel liquore zaleto e de bon gusto e se te li meti in te l'ojo al sole de l'istà a vien fora 'na tintura par le piaghe e i scotoni.
Bei i xe i fiori de la passiflora o fiore de la Passion de nostro Signore. El nome el ghe xe stà dà parché, co' i oci de la fede sènplice e genuina, osservàndoli a se ghe pol védare la corolla che la pare la corona de spini, i stami fati a martelo, i tri stimmi fati come de i ciodi, e le zinque antere che le ghe someja par forma e colore a le zinque piaghe de Gesù. A i xe bei anca i fruti de sta pianta ranpicante che i ga de i colori tinta pastelo e che i xe fati precisi par forma e misura a de i uvi de galina quando che a Pasqua 'na olta i se coloriva boièndoli co' le ortighe par farli vegnere verdi o co' la carta colorata par chei altri colori.
Quatro Ciàcoe
Un leandro spetacoloso, che 'desso no 'l ghe xe pì!
Drio i fossi, ingatejà (aggrovigliata) co' le altre piante a se cata la dulcamara o come la ciamemo noantri la zucamara. I so fruti i xe bei rossi ma i xe velenosi. Anca la pianta bisogna dopararla ben parché bisogna averghe i so riguardi. Noantri a stacàvino i so rameti e li tajàino come de le sigarete e li tegnéino in boca mastegàndoli 'na s-cianta ogni tanto e cussita a te vegnéa su la lèngoa un gusto prima dolze che dopo el deventava 'maro. 'Nantra pianta che se ingateja co' le piante che ghe xe vizin la xe el luppolo che ghe ciamemo bruscanzoli e che in primavera quando che i spunta da la tera a se ghe tóle le pónte che dopo a le xe bone da magnare cote lesse o par fare la fritaja e anca el risoto.
Ma a parlare de piante, de erbe e de osèi a no se finirìa pi e cussita 'desso a saro botega, fasendo prima 'na pìcola riflession. Se se fermàssimo un minuto piassè, quante robe bele vedarìssimo? Se ciapàssimo in man un libro e lezéssimo quanto le ne dà le piante par la salute, par el vìvare, par la so beleza, cossa che fa par noantri i àlbari, come che i vive osèi, i pessi e animài de tera, forsi gavarìssimo un pochetin de pi de rispeto par el pìcolo mondo che ne circonda. Forsi no butarìssimo mia i sacheti de le sporcarìe drio i fossi, forsi inveze de schizarlo a lo schivarìssimo el porzeleto rizo (porcospino) che traversa spaentà la strada che par lu la xe un deserto che no finisse mai. Forsi a vardarìssimo co' 'na s-cianta pi de rispeto el filo de erba che, senza preocuparse de fadiga e de tenpo, l'urta pian pianelo sul sfalto, el lo alza, el lo crepa, el spunta fora co' la puntina de le so foje e dopo el cresse belo dritto par torse la porzion de sole e de piova che ghe speta.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Dissenbre:

Editoriale
Leggi l'articolo Voja de on Nadale putin
Se ga l'inpression che sia drio tornare la nostalgìa de on Nadale poareto, a descàpito de on Nadale sprecon, finto e inùtile
de Mario Klein
 
Devossion popolare
Leggi l'articolo La stela "Cogometa"
de Ugo Suman
 
"La Sguaratà" - Ciàcole adriote
Leggi l'articolo "Continua a fare quelo ca te fa"
a cura de Romano Beltramini
 
Da Thiene (VI)
Leggi l'articolo El presepio
Na antica tradission che ogni ano ne fa rivìvare el miràcolo del Nadale
de Bepin Daecarbonare
 
Da San Bonifacio (VR)
Leggi l'articolo Letarina de Nadal
de Enzo Coltro
 
Da S. Stèfano de Zimela (VR)
Leggi l'articolo Oci no solo par védare
de Antonio Corain