Quatro Ciàcoe
Mensile de cultura e tradission vènete
de Antonio Maraschin

El raconto del mese (in visentin)

El sensaro

Quatro Ciàcoe
Batista el tegnéa comarela sentà fora a l'ostaria...
Semo nantri che in sto mondo tiremo 'vanti o xei quìi che ne ga 'assà che i xe nà 'vanti? Ma, a tirar 'vanti, semo par el momento nantri. In cao ghe rivaremo tuti e nissun torna indrìo, come l'aqua che màsena al mulin. Ieri xe partìo Bijio, doman (ma speremo pi tardi) partirò anca mi e chi resta, pi fortunà, partirà dopo diman. Dio ne ga fati tuti conpagni; sola difarensa: chi se intrabuca prima e chi dopo. Questa ca sto par inbastire la me someja la "Balata del diman"! No ghe xe difarense de bravura o de inteligensa; no ghe xe né santi né demoni, né re né papa. E xela vera pace quela che se lese so chel cancelo? E par chi xela sta pace, par chi sta rento e par senpre, anca al riparo da le tenperie, a l'onbrìa o al sole de istà? O la pace xela par chi sta ancora fora dal cancelo? "Memento homo" i te dise co on pìssego de sénare in testa. Ma 'assemo da parte, che xe mèjo, sta discussion dotrinale o fasològica. Nemo par i fati nostri.
Batista jera on omo forte e pien de salute, alto de statura e co le spale larghe. S'a vardemo i schei, lu ghin'avéa senpre pi de tuti e in tute le robe lu el jera el mèjo. Lavorare voléa dire ciapare schei e mèjo s'el li ciapava so le spale de i altri. Al so ocio no scapava gnente e 'l so modo de giudicare jera perfeto. Anca el calendario a lu no 'l servìa; ogni giorno jera bon par far schei. A la doménega se podéa anca dismentegarse del Signore, màssime se jera possìbile ciavare qualche tonto. "I schei", el diseva, "i xe par chi ga servelo." Tanto el ghe credéa, da augurare anca el male ai altri. Chi partìa, a lu ghe 'assava pi spassio.
El gavéa anca nantra qualità, quela de parlare senpre e solo de le so bravure: "Mi qua, mi là, mi go fato questo e anca quelo." "Me fa rìdare" el diséa, "el porocan e 'l poro bauco. El mondo l'è fato par i furbi e par i furbi sarà anca el mondo de là, anca se de l'aldelà gnanca i santi xe sicuri. Na roba xe certa: on furbo el lo sarà senpre, anca al de là.
Sa volemo parlare de salute, lu on franco a dotori e farmacisti no 'l ghe lo ga mai dà, né el ghe lo darà: el ghe ne jera sicuro. Ghe dispiaseva anca fare l'elemòsina in cesa. Tanto che, par non farla, el ga finìo par no andarghe pi. Ma in piassa, dopo messa ùltima, no 'l podéa mancare. Lì se faséa afari, tanti, e se guadagnava ben. Fasendo el sensaro (on darse la man sansionava l'afare) se guadagnava na bela percentuale e, dopo l'afare, a sbafo se podéa anca gustarse i lavri con on cucheto de graspa.
Scole lu el ghin'avea fato tanto poche, par de pi el gavéa vudo on maestro sardegnolo, 'bituà a far córere i tusi tra i banchi a peà so 'l culo. No parlemo de quanti stranbài el se fornìa, sto maestro, có jera el sabo fassista. Poro can, el xe anca da conpassionare parché, partìo volontario par la Russia, decision che solo lu, el pi bravo, podéa ciapare, là el ghe ga 'assà le pene e chissà con quanto strassio e gnanca i so ossi xe tornà par stuare on pocheto el tormento de na dona co na fioleta pìcola sbandonà par amor de patria!
Batista no 'l gavéa tenpo da pèrdere su i banchi de scola. Ghe gavéa ben insegnà so pare a come fare i schei, co le onge e anca col culo, parché lu el tegnéa comarela anca sentà fora su i scalini de l'ostarìa. Inportante jera èssere furbi e svelti in meso a tanti bauchi. Có 'l se incontrava co nantro furbo 'fà elo, i se faséa on soriseto a mesa boca, i se dava de malavoja la man e po' i se voltava le spale; uno nava par i so afari da na parte e chealtro da la parte oposta de la piassa.
In casa la jera senpre na barufa. Fiòi no ghe ne jera rivà ma questo par lu jera on ben, el pensava, parché anca i fiòi costa. Par questo, mèjo no' vérghene. Ma a chi gavarìsselo 'assà tuti i so schei? Ste preocupassion no le catava posto so 'l so servelo. E come podévelo pensare che anca par lu sarìa rivà l'ora de la dentona? Lu gnanca el savéa dove la stava de casa. A la so dona no 'l ghe 'assava gnanca i schei par el litro de late e 'l tòco de formajo da magnare co la polenta la sera. Quanta fadiga el faséa 'lora, non a vèrzere el portafolio ch'el tegnéa inbotonà so 'l stómego ma el tacoin a taco de scarpa ch'el tegnéa in scarsela. Da quelo el ghe slungava poche salgarele e senpre brontolando. El se inviperìa co la dona parché la voléa senpre schei e solo par spènderli. Mai la se gavéa dà da fare par ciapàrghene. Par forsa le done, el pensava, le valéa manco de na cica e dopo qualche ano gnente le valéa anca in leto. Ma in cusina, la sera có 'l tornava, la tola dovéa èssere senpre parecià: co la tovaja, el piato de menestra che fumava, el fiasco de vin moro.
Poro Batista, tanto potente e furbo! On dì el se ga incontrà con el prevosto. No 'l ga possudo schivarlo parché i jera drio na mura: "Bondì, Batista", ghe dise el prete, "come va i afari no ocore ca ve lo domanda, ma de salute steo proprio ben? E quela de l'ànema?" Batista el ga, par la prima volta, sbassà la testa davanti a on omo. "Parché me galo dito questo?" De colpo lo ga ciapà la paura, quela che mai el gavéa provà, e l'è restà de sasso. El ga sentìo rento de elo calcossa che no 'ndava e ch'el prete, co la so lunga esperiensa, el ghe vedéa distante. El ga invertìo el passo. La dona, có la lo ga visto, on'ora prima de tola, la ga sbarà i oci: "'Sa gheto, te xe 'ndà male on afare, proprio a ti?" "Tasi, dona, ancò no go fame. Go solo on doloreto qua", e el se ga messo la man so la busa del stómego.
Batista, el forte, el brao, el prepotente; Batista, sta volta proprio elo, el jera finìo.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Otobre:

Editoriale
Leggi l'articolo El balon... l'è nà in balon
El calcio el sta vivendo na situazion de crisi patoca, tra scàndali, falimenti, sentenze de tribunài e violenza. Dove xelo finìo el zogo?
de Mario Klein
 
Da i Coli Euganei
Leggi l'articolo El mandoin de zio Gioanin
de Gemma Bellotto
 
Da Belun
Leggi l'articolo Ippolito Caffi
de Luigina Tavi
 
Da Venezia
Leggi l'articolo La forestiera
de Mario Ceccarello
 
El raconto del mese (in visentin)
Leggi l'articolo El sensaro
de Antonio Maraschin
 
Da Verona
Leggi l'articolo I "puoti" de Palasso Turco
de Wanda Girardi Castellani