Quatro Ciàcoe
Mensile de cultura e tradission vènete
de Luigi Frosi

Spetando Nadale

Fasendo el presepio

Quatro Ciàcoe
Dopo ciapava posto Giusepe, Maria, el Banbinelo...
Có riva l'Avento, quatro setimane prima de Nadale, se taca pensare al presepio. Anca in cesa, se acorsemo che 'l prete el ga fato sarare un altare de drio de un tendon, e 'lora te pensi: "Eco, sto ano toca l'altare de sant'Antonio a far nàssare el Banbinelo."
Anca casa, da bocia prima, da tosato pi 'vanti, po' da genitore, la prima doménega de Avento a tacavo pensare come che gavarìa fato el presepio in chel'ano. Anca mi me piaseva canbiare de posto; có jero putèo, me ricordo, lo fasévimo nel fogolaro; me mama la spostava el fornèo del gas, che 'l gheva modernisà la cusina, par lassarme un s-ciantin de spassio par esprìmere la me creatività. Quatro sochi de legna ben sistemà e vignéa fora la grota, racoanto mus-cio, catà sù drio na passaja, na sbrancà de farina par fare la neve e le stradine e tuto jera pronto. Col passare de i ani a son deventà pi esigente: 'lora, in parochia, i faséa el concorso de i presepi e ghe tignevo piassarme fra i primi, cussì a go inparà tante tèniche e me popà me daseva i consili par come métare le lanpadine sensa ciapare la scossa e no fare brusare tuto. Co la carta da pachi maron, che 'ndavo tore da me nono che 'l gheva na fàbrica de liquori fasevo le montagne: i jera i sachi del sùcaro che lu butava via; la bagnavo par ben, la strapassavo e la sistemavo, dopo co la ponpeta del flit, co drento de l'aqua colorà, la sprussavo: na s-cianta de verde par fare l'erba e i prai, na sbiansadina de rosso par far vegner fora le roce e par ùltimo na supiada de bianco su le parte pi alte par far la neve. El mus-cio el dovéa èssare fresco ogni ano, parché quelo vecio el diventava ferume e no te vignéa fora de i bei prai freschi, anca parché le piègore le podesse sentirse ben fin al dì de la befana.
Coando dopo son cressùo, me son maridà e go vuo i fiòi, 'lora sercavo de farlo ne la so camareta, sora al comò, sfidando me mujére che la brontolava parché i putèi i ghe ne fazeva straje: spostando le statuete i faseva 'ndare el mus-cio dentro pa i casseti in mezo a la biancherìa e ela la storseva el naso. Có jera pronto el barabadan, parecià la piassa dove che vigneva el Banbinelo, se tirava fora le statuine. Se ciapava sta gran scàtola de carton e, pinpianelo, se tirava fora una a la volta tute le statuete che le jera scartossà par ben co la carta de giornale. Se faseva co calma par paura de rónpare le manine de i pastori o le ganbe de le piègore che le jera le parte pi delicate, e le se meteva una fianco de st'altra posàe davanti la grota, sul mus-cio fresco, come tanti soldài ben alineà. Ghe jera el pastore co la piègora su le spale, el zanpognaro col pìfaro in boca, el montanaro col so bel capelo in testa, la dona col secio che la 'ndava o la vigneva dal posso, coela che gheva el sesto co le strasse da lavare, la toseta che parava sù le oche e, par ùltimo, na gran fila de piègore col musseto e do cani pastori che i faseva la guardia. Finìo de scartossare tute le statuine, se scuminsiava a pensare dove postarle: a ogniuna el so posto, sercando de no métarle dove le jera st'altro ano, par variare, ma anca parché no le fasesse barufa fra de lore. Intanto se ponava sùbito ne la grota el bo e el musseto, parché cussì i scuminsiava a scaldare l'anbiente, visto che el jera l'ùnico sistema de riscaldamento de l'època. Dopo ciapava posto Giusepe e Maria, co un bel soriso, che i rimirava la grupia ancora voda parché, el Banbinelo, el se meteva la note de Nadale, coando che se tornava da la Messa de mezanote. Par inportansa garìa dovùo èssarghe i Magi par primi. Do a pìe e uno sul camelo, ma par lori jera ancora presto par rivare, cussì li metevo in fondo, distanti da la grota, coasi che i fusse estranei a chel'avenimento, in atesa de i so giorni. Uno a la volta se ponava i pastori, da i pi grandi, vissin a la grota, ai pi pìcoli senpre pi lontan, anca par rispetare la prospetiva che ghévimo inparà a scola. Ogni tanto se se fermava, do passi indrìo par rimirare el tuto da na serta distansa, par rèndarse conto se vigneva fora ben e se faseva un bel védare. Vigneva dopo el turno de i invàidi, chei pori pastorèi che col tenpo i gheva perso chi na ganba, chi na man o anca la testa: forse a ghevo speransa che 'l Signore el fasesse un miràcolo, faséndoli tornare normài, ma no jera gnancora l'ora de ste robe, e po' me dispiaseva anca butarli via. Cussì fasevo sù na siesa, da na parte de la grota, e li posavo uno par uno scondendo la parte invàida, e anca lori continuava a èssare presenti al fato. Par ùltimo se sistemava el pastorèo pigron, coelo distirà su l'erba che 'l dormiva senpre e 'torno tute le piègore co i cani de guardia e el musseto cargo de strasse. Manca ancora i do ansoleti co le so ale verte che i tegneva tra le man un bel nastro azuro co scrito a létare de oro: "Gloria in excelsis Deo". El fato de fare el presepio, sentirse drento sto grando avenimento te fa vìvare la festa co pi calore e, davanti a sto Banbinelo cussì tenarin e soridente a te vien voja de dire: Bon Nadale a tuti!

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Dissenbre:

Editoriale
Leggi l'articolo Che 'l sia el Nadale de tuti
De chi ga fede e de chi no ghe crede, de chi sta ben e de chi sta male, de chi ne sta intorno e de chi ga inbocà la via del non ritorno
de Mario Klein
 
Spetando Nadale
Leggi l'articolo Fasendo el presepio
de Luigi Frosi
 
Da Lendinara (RO)
Leggi l'articolo "'Ndemo a balare, Taresina!"
de Renato Scarpi
 
"La Sguaratà" - Ciàcole adriote
Leggi l'articolo Angioleti a merenda
a cura de Romano Beltramini
 
Ciàcole visentine
Leggi l'articolo Aqua de Sandrigo
In sto paese de l'Alto Visentin ghe xe un mejaro de sortumi che forma raquanti torenti e che rende l'aria bona e neta
de Giordano Dellai
 
Da Thiene (VI)
Leggi l'articolo El Nadale
Na ricorensa che se ripete ogni ano, portando al mondo un messagio de pace e de bontà
de Bepin Daecarbonare