Quatro Ciàcoe
Mensile de cultura e tradission vènete
de Mario Galdiolo

Salute

Urgensa o emergensa: 118

Quatro Ciàcoe
Veduta de la Centrale Operativa del SUEM-118 de Padova.
Pur rispetando le lamentèe de vario tipo che se sente in giro so 'l Servissio Sanitario Nassionale, bisogna dire che noaltri padovani a semo 'na ìsola quasi felisse, a confronto de altre; lo dimostra el fato che da altre region riva malài co patologìe gravi par farse curare o operare e, da le stesse i responsàbili sanitari vien a védare el nostro bon livelo de sanità par copiarlo. Sicuramente la longa e prestigiosa storia de l'Università in canpo mèdego ga fato sì che se gapia svilupà de le Specialità mèdeghe e chirùrgiche e de i Servissi che ne fa onore in Italia e nel mondo.
Uno de i Servissi messo sù relativamente da pochi ani, che se distingue fra i altri par organizassion e puntualità, xe el S.U.E.M.-118 (Servizio di Urgenza ed Emergenza Medica) con sede operativa par Padova e provincia dentro la çitadela de l'Azienda Ospedaliera de Padova. Ne dà notissie faséndone on fià de storia e daséndone de i consilli ùtili in mèrito a l'inportante Servissio, el dotor Andrea Spagna e la Signora Marilena Greggio, rispetivamente Diretore Responsabile e Caposala del SUEM-118.
El SUEM al quale i çitadini in caso de bisogno urgente poe domandare aiuto, fasendo el nùmero de telèfono 118, xe stà inaugurà ne l'Ospedale S. Antonio el 19 otobre 1996. La sede xe stà trasferìa, dopo squasi sinque ani de atività, el 29 lujo 2001, dentro l'Azienda Ospedaliera dove oncora la xe. Nel Servissio xe inpegnài, oltre al Diretore e a la Caposala, mèdeghi (anestesisti-rianimatori) che i se alterna par turno 24 ore so 24 insieme a 'na trentena de infermieri professionali, istruìi a dovere par èssare pronti a intervegnere al mèjo a qualsiasi urgensa o emergensa che se presenta. Dislocàe in tuto el teritorio de la provincia, a disposission del SUEM-118, ghe xe 25 anbulanse, 3 auto mèdiche e on elicòtero; mezi fornìi in parte dal le ULSS de la provincia de Padova, altre da la Crose Rossa e da la Crose Verde, che oltre a le anbulanse la mete e disposission anca el personale. A tuto questo che xe considerà de norma, xe previste in caso de grandi emergense e de grandi manifestassion de massa, risorse za predisposte ne l'ànbito ospedaliero e l'aiuto e la colaborassion de la Protession Civile che come che la xe pronta a dar 'na man, a l'ocorensa la xe in grado de métare sù, se ocore, "posti medici avanzati".
El SUEM-118 dal 20 agosto 2001 dispone anca de on servissio co l'elicòtero, con postassion fissa a l'aeroporto G. Allegri de Padova e co la base de ateragio, par èssare pì comodo ai nostri ospedali dentro la caserma de i ponpieri in via San Fidenzio a Padova. La società che ga in gestion el velivolo mete a disposission on pilota e on tènico de volo; el SUEM-118 dal canto suo on mèdego rianimatore e on infermiere professionale. L'elicòtero in dotassion el xe on Augusta A109 Power, co do motori da 640 cavali. La gabina xe dotà de do posti davanti, uno par el pilota e uno par el tènico de volo. So 'l dadrìo messa par longo so 'l lato sinistro xe piassà 'na barela co do sentarini uno parte par parte par el mèdego rianimatore e l'infermiere. Ben disposto tuto 'torno ghe xe on inpianto centralizà co ossigeno, defibrilatore, ventilatore par la respirassion artificiale e tuta 'na serie de cane, canete, siringhe medissinali, ecc., pronti par ogni eveniensa o inprovisa emergensa.
Quatro Ciàcoe
L'elicòtero del SUEM-118 drio levarse in volo per un socorso.

El teritorio de conpetensa de l'elisocorso, xe tuta la provincia de Padova e Rovigo, la parte est de la provincia de Vicensa e quea sud de Venessia. Altre basi, dislocàe da la Region Vèneto, le xe a Pieve de Cadore (BL) a Treviso e Verona. Zontàndoghe la base che par tuta l'istà xe fissa al Lido de Venessia vien coverto tuto el teritorio regionale. L'elicotero del SUEM-118 fa servissio solo de dì, da la matina có se leva el sole a la sera quando el va zo, e solo ne i giorni che ghe xe bona visibilità. Ste precaussion vien tolte par poder localizare co sicuressa el logo del sinistro o urgensa in genere, e par 'vere la possibilità de partire e rivare par l'ospedale o centro atressà in assoluta sicuressa, sia par la persona socorsa sia par i socoritori. Par dare on'idea del gran lavoro che svilupa el nostro SUEM-118, basta qualche cifra riferìa a l'ano passà.
A la Centrale Operativa de Padova xe rivà 42.000 telefonade, 'na media de 389 al dì. I interventi de socorso xe stai 61.610, 'na media de 168 al dì. De questi el 7% le xe stà urgense varie, tolte sù da le abitassion, le altre rancuràe par le strade (drogati, scapussamenti, e malstari vari), e 'l resto 6.429, incidenti stradali. Domandemo: "I citadini che ciama el 118, poi giutare in qualche modo i socoritori?", "Certo" ne dise insieme el dot. Spagna e la Caposala Signora Greggio, "Quando che riva a la Centrale Operativa la telefonada de socorso (telefonada che vien senpre registrà) l'infermiere che risponde al teèfono fa a chi xe da l'altra parte e domanda socorso 'na serie de brevi domande par regolarse a dare ai socoritori pi informassion possìbili so 'l tipo de socorso, so come rivare a le preste so 'l logo, so 'l tipo de incidente o de urgensa, in maniera de dare le prime cure pì indicàe e de mandare la persona bisognosa ne l'ospedale o centro più vissin e pi adato. Se sa che senpre no xe possìbile, ma sarìa ben che a telefonare fusse 'na persona calma e informà el pi possìbile so la persona bisognosa de socorso, par esenpio che 'l diga i disturbi che 'l ga, le medisine che 'l toe, la pression se xe alta o bassa, el respiro come che 'l xe ecc.; pararìa tenpo perso, ma invesse, al contrario, el dotore e l'infermiere prima de rivare sa za cossa che i trova e i se règola de conseguensa."
A la fine de sto interessante incontro, nel lassare el dotor Spagna e la Signora Greggio ai gravosi inpegni de ogni dì, li ringrassiemo con l'augurio che chi ne lèse, fassa tesoro de i pressiosi consilli che i ne ga dà.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Basta co sta violenza!
Se stemo 'bituando a tuto, anca al pezo. Na volta, anca na sola nùvola scura in celo ne anunciava el tenporale in arivo. 'Desso... no ghe femo pi caso...: sarà quel che sarà!
de Mario Klein
 
Salute
Leggi l'articolo Urgensa o emergensa: 118
de Mario Galdiolo
 
Un artista padovan (in dialeto del Basso Piave)
Leggi l'articolo Paolo Saetti e "Le Donne della Bibbia"
de Guido de Nobili
 
Da la Marca
Leggi l'articolo I Tenplari a Treviso
de Emanuele Bellò
 
Da Maran Lagunare (UD)
Leggi l'articolo Giulieta e Romeo
de Bruno Rossetto Doria
 
Da Adria (RO)
Leggi l'articolo El tronbon
de Sergio Bedetti
 
Da la Bassa Veronese
Leggi l'articolo 'Torno al fogolaro
de Lucia Beltrame Menini