Quatro Ciàcoe
Mensile de cultura e tradission vènete
de Luigi Ederle

Da la Lessinia Centrale (VR)

La festa del formento

La festa del formento de na olta...
La festa del formento de na olta...
Ne la contrà de Lumiago, ndó son nato mi, fin ai ani Sessanta, se somenàa l formento ne i campeti che ghéra ne le nostre tere. L primo dì che se meréa (mieteva) l formento, ogni fameja a la séra la faséa n po de festa. Léra na tradission. La festa léra ridota a na botilia de vin bon, Recioto, e se faséa la supa col pan rento al vin. Me bupà l faséa la supa ne la scudela, nvesse noantri buteleti, coei pi grandi, i ne ne daséa mèso bicer e ghe pociàimo rento n paneto e coesta léra la festa e léra na tradission de la contrà, che la sà tramandà da coando la contrà lè nata.
Lumiago, come contrà, lè nata nel Milesetesento e trentasete, se l capisse da le scrite che ghéra su i sassi e da coel che ghè scrito sul piloto che ghè n corte. "Coei che à fato sta contrà, i è stè de i Cimbri, Ederle?" "Par che i vegnesse da la Croassia, ma no lè lege scrita... e che i éra pastori de pégore e che l primo l se ciamesse Francesco e la so dona Eufrosia, e i à fato sta contrà n mèso a dó vile: sul dosso verso Cesanóa, ghè la vila Pavarana e sul dosso verso Verona ghè la vila Pellegrini. Lumiago lè sul dosso in meso. Le dó vile le ghéa tuta la tera mèjo e pi bona, i sgrébani e la tera strassa, coei de le vile, no i là volùa, cossì sti, Cimbri, i là catà sù lori, e su sta tera strassa e i sà piassè (fermati) lì e lì i à piantà le raise, anca parché l par che la sia vera verità che tuti i Ederle che ghè n giro, i è partìi da Lumiago. Lì, ghéra na venéta de acoa, e i sà fato la fontana, da i sgrébani i à tirà fóra campeti, tuti con marogne e marognete, o con àlsari e alsareti, fasendo busi ndó ghéra tera e portàndola col derlo ndó no la ghéra, fasendo busi e mpienendo i busi con i sassi preoni (sassi rotondi) che no se podéa doprar par far marogne o muri."
Coltivar l formento n te sti campeti, voléa dir, far tuto a man e de consegoensa, la festa, festa del mére, lera solo par la sicuressa che se magnàa pan par nantro ano e no par l fato che ridur a casa e sul granar l gran, lera ocasion de far festa. El tempo del mére, lera proprio al contrario de na festa. Con la missóra n man e la schéna piegà, se meréa soto l sol, dopo se faséa le cóe (covoni) lighè con stròpe de: olmo, sangoenèl, ninsolar, morar o altre. Frósche, che le se lassàa ntòrdere. Ste frósche, con le fóje fiape, le te faséa vegnér na spira... su i brassi e su le gambe sudè. Dopo, le cóe, coasi sempre, chegnéimo portarle fóra dal campo su le spale, e te ndàa zo par l copin pólvare e paiól de le spighe e te tacàa n grata, grata, che no l fenéa pi. Na òlta che le cóe i éra su la scaessagna, se le menàa a casa con i bo su la sgrója e coando i éra a casa se le portàa su la téda, una a la òlta su la schena. Se fenéa sempre a séra tardi. E prima de magnar la polenta, se ndàa a lavarse a la fontana, òmeni e buteleti nsieme, le dòne, le ghe ndàa coando vegnéa stróo, tute nsieme.
...la festa del formento de i nostri tenpi...
...la festa del formento de i nostri tenpi...
Ma ghéimo anca i campi sù sul monte Dóo; là le mace i éra pì grande e pì bele, anca se de tera le ghe néa poca, e se podéa nar rento nel campo col caro o con la sgrója, ma ghéra la paura de rebaltar tuto vegnendo zó par la strada, che léra na stradela "ordenariota"; la ghéa le caredè fate da i sércoli de fero de le rue, e ne le òlte, le cóe, se no i éra ben lighè, le se traséa tute da na parte e le rebaltàa l caro cargo de formento. Alora i éra de coele tribulade! Bisognàa cargar da nóo e n pressia, parché, ghera i altri che vegnéa e che i ghéa da passar e coan se fa i laori de corsa te te sporchi l dopio e te trìboli l triplo. Come coela òlta che émo rebaltà l caro pién de cóe e che ghéra l temporal pronto a molar lacoa e sérimo na fila de cari che vegnéa zo e noantri en rebaltà e à tacà sùbito a pióare, ghéimo ligà soto al caro n coerton, che léra na vecia tenda de i militari adatà a coerton. émo fato n pressia na mota de cóe e émo coèrto a la bona e dopo de corsa sen nè a casa: par coando érimo a casa, l temporal léra passà e sérimo mói neghè come ponsini. Ne sén cambiè e sén tornè ndrìo, a cargar l formento. Me sorela pi granda, lè vegnùa sù con la spassaora e con el secio a catar su tuti i grani de formento e le spighe, cossì par n pochi de dì le galine i éra a posto col magnar. Coando le téde i éra piene, se faséa le pigne de cóe ne la corte e cossì, finché no vegnéa la machina a bàtere l formento, le galine le faséa sagra.
La spira léra stàbile e se pregàa che no vegnesse bruti temporài, con tuto coel formento n corte. Coando se batéa sto benedeto formento, la pólvare léra dapartuto, i oci, ghe i éimo rossi e i brassi e le gambe... con de coei sgrafoni da far paura, ma tuto lera na festa! A formento sul granar, se pregàa parché vegnesse n bel temporal a lavar zo tuta la pólvare, che ghéra da i coèrti de le case, a le fóje de le piante. Coela e solo coela, la lavada del temporal, léra la vera festa del formento.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo La strada de casa
In sto groejo de strade, de trodi, cavezagne, vie traverse e tabele de indicazion, co sto destejo de apòstoli e profeti che prèdica vangèi falopi, xe senpre pi fadiga catare la strada de casa
de Mario Klein
 
Devossion popolare
Leggi l'articolo Un pan par do vite
de Ugo Suman
 
Novità Linguìstiche
Leggi l'articolo El "tesoretto" de Manlio Cortelazzo
In sti giorni ga visto la luce un lavoro linguìstico de lilustre professore emerito de Italianistica e de Dialetologia, el catedràtico Manlio Cortelazzo, gran benefatore de la cultura vèneta e sostegno par chi ama la storia e vol conóssare le propie orìgini
de Mario KLein
 
Robe de Ciósa
Leggi l'articolo Ciósa medioevale
de Angelo Padoan
 
Da Vicenza
Leggi l'articolo El papagalo
de Maria Penello
 
Da la Lessinia Centrale (VR)
Leggi l'articolo La festa del formento
de Luigi Ederle