Quatro Ciàcoe
Mensile de cultura e tradission vènete
de Renato Scarpi

Da Lendinara (RO)

I Canozi
capolavori fati co' l legno e su tarsia

Grata monacale.
Grata monacale.
Ciamà i "da Lendinara, Genesini, Zanesini o 'ncora Zaneselli", Cristoforo e Lorenzo i xe stà i do fradèi de la fameja Zanesini, a voler tegnere pa' tuta la vita el soranone de "i Canozi". Nati a Lendinara inte 'l sècolo XV da A. Nascimbene Zanesini, fiolo de Jacopo Zanesini nato a S. Felice sul Panaro, presto i xe stà avià a continuare l'arte del pare che da bon 'ntajadore ga lavorà pa' conto de i Estensi al palazo de rapresentanza de Venezia. A chel tenpo Lendinara Estense jera frequentà da zente studià, da nòbili, da comercianti, e sto movimento de zente contribuiva a alzare el spessore culturàe de i so zitadini. Ma no' bastava ai Canozi l'oferta Lendinarese e 'nvià dal pare a Padova, a la scola del Squarcione, i ga 'vù maniera de crèssare artisticamente, studiando 'nsieme al Mantegna.
I primi laori de i do fradèi i trovemo sia inte la Cesa de i Frari a Venezia, su 'n poza-vita 'ntajà e sbusolà, e su 'n prezioso "dossale de legno" fato inte 'l 1450 zirca, e sia al Munizipio de Lendinara co 'n grelo "gratticolato", comissionà da le mùneghe de la Braglia. 'N casson in legno 'ntajà e 'ntarsià, atribuìo ai Canozi, se trova conservà al Metropolitan Museum of Art de New York. Altra 'nportante tapa artistica, la botega canoziana, la ga 'vù quando a Ferrara, a la corte estense, Lorenzo ga conossesto Piero de la Francesca, deventàndoghe amigo e dissèpolo inte l'arte prospetica.
Inte 'l 1458 i fradèi Canozi i vegneva ciamà a Lendinara pa' fare 'n pùlpito 'ntarsià in stìe tardogotico drento la cesa de S. Francesco, butà zo nel 1785. 'N altro pùlpito de legno de bona fatura, che riciamava i lavori de i Frari a Venezia e la Grata de Lendinara, lo trovemo inte 'l Duomo de Este.
Ancora lavori de tarsia se pòe mirarli a Ferrara, inte 'l monastero de S. Giorgio e nel coro del Duomo de Modena. L'òpara modenese, 'n vero esenpio de armonia e bravura, scominziava nel 1460 e finiva dopo zinque ani, dovendo i nostri artisti lavorare anca a Padova a 'n grande coro pa' la cesa de Sant'Antonio. Lavoro patavino che partiva inte 'l 1462 e vedeva la fine solo sete ani dopo: "I sapienti colpi de scalpèo" secondo Colazio "sono eccellenti..., grazie all'equilibrio delle misure, alla perfezione del chiaroscuro e la padronanza del mezzo espressivo." Ma 'n 'ncendio capità el 29-3-1749 roinava squasi tuto el coro. I tòchi ca se salvava: do tarsie e 'na bela vista de la Basilica del Santo, do ante in sbacio, 'na porta de la zità co' de cao 'n bel védare de i monti, i vegneva messi inte la Capela de S. Rosa da Lima.
Schienale de un stalo de coro, al Santo a Padova.
Schienale de un stalo de coro, al Santo a Padova.
Anca a Parma 'ntanto rivava la fama de i Canozi che inte 'l 1469 i ga 'vù 'ncàrico de fare 'n grande coro pa' la catedrale de la zità. Solo Cristoforo però portava vanti l'òpara, parché Lorenzo restava a Padova, forse pa' finire l'òpara al Santo, e parché 'na nova esperienza artistica svolava inte la so mente: la stanpa. L'òpara parmense de grande valore artistico, piena de intaji e tarsie, che le fa védare figure de Santi e la prospetiva de na zità, gaveva visto l'aiuto de Bernardino fiolo de Cristoforo e de Pierantonio de i Abbati.
Lorenzo 'ntanto, co' l'arivo da Magonza de la nova arte de la stanpa, scuminziava la so prima fadiga stanpando inte 'l 1472, el "De Anima" de Aristotele co' el comento de Averroè. Una de le 13 copie la xe conservà a l'Accademia de i Concordi de Rovigo. Primo prototipografo de Firenze, co' la stanpa del "Mesue" (testo medioevale), Lorenzo gaveva pensà a 'n 'nportante progeto editoriàe stanpando le principài òpere aristoteliche de filosofia speculativa. Dopo 'na parentesi tipografica, el Canozio tornava nel marzo del 1474 a "fare tute le portele degli armary novj de la sagrestia de le reliquie" al Santo de Padova. L'òpara de diese panèì co' figure de Santi e robe reijose, portà squasi a la fine, vegneva lassà lì el 20-3-1477 pa' la morte de l'artista e finìa pa' man de Pierantonio de i Abbati.
Prospetive architetoniche con S. Francesco, al Santo a Padova.
Prospetive architetoniche con S. Francesco, al Santo a Padova.
Restava cussì a Cristoforo el comando de la scola canoziana che inte 'l 1473 finiva el coro de Parma.Tra el 1473 e 'l 1483 i Canozi ciapava la residenza a Modena, 'ndove Cristoforo sposava na zerta Gentile Zandori, avendo là ela quatro fiole, e Bernardino a so 'olta, se sposava co' la sorela de Pierantonio de i Abbati. De chel tenpo xe 'nportante menzionare el ciclo "de i quatro evangeisti", fato pa' el Duomo de la zità modenese, deventanto 'n de i massimi capolavori de la tarsia rinassimentale.
Cristoforo tra el 1484 e 'l 1485 ga avù modo de lavorare a Lucca e a Pisa e inte 'l 1487, ciamà a la catedrale de Parma, gaveva dà vita a 'n de i più grandi capolavori in legno: Intaji e 50 metri quadri de maravejose tarsie.
A la morte de Cristoforo la botega canoziana continuava co' onore la so òpara, fin a la morte de Bernardino avegnù inte 'l 1520. El secolo XVI vedeva 'ntanto afermarse nove espression de arte: la pitura e le 'ncision cartografiche, che le meteva fine a l'arte del legno 'ntarsià.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo I boni sentimenti
In sto mondo che pare de giazo, che mucia scoaze par strada,che brusa le usanze pi mèjo... ghè 'ncora el canton de i pensieri,che jèrimo usi incontrare ne l'omo de jeri?
de Mario Klein
 
Sbiansi de sagessa antica
Leggi l'articolo Aldo Botaro, on re del "buso"
de Dinerio
 
Da Maran Lagunare (UD)
Leggi l'articolo La galina nata ben
de Maria Da monte
 
Da Lendinara (RO)
Leggi l'articolo I Canozi
capolavori fati co' l legno e su tarsia
de Renato Scarpi
 
Da Thiene (VI)
Leggi l'articolo Tenpo dopo Pasqua,tenpo de i matrimoni
Dopo la nàssita, nel propio anbiente l'avenimento più importante gera el matrimonio che inpienava la casa de fiòi e de nevodi
de Bepin Daecarbonare
 
Da la Lessinia Centrale (VR)
Leggi l'articolo Radecio rosso de Verona
de Luigi Ederle