Quatro Ciàcoe
Mensile de cultura e tradission vènete
de Giovanni Mastella

Coando jera buteleto

La vita de la me Contrà
Feste, laori e usanze de ieri ne la Contrà Cazzè de Bonavigo

I pi sioreti de laoro, pochi, i gavèa on motorin tacà a la bicicleta, el moschito a rulo…
I pi sioreti de laoro, pochi, i gavèa on motorin tacà a la bicicleta, el moschito a rulo…
Ghe vole oramai na bela biricòrsa par saltare, atorno la fine de i ani Coaranta-primi Zinquanta, coando la Contrà la contava pressapoco 150 abitanti, quasi tuti contadini, che vivèa in case basse (forni de istà e giazzare de inverno), con coalche vanèza de orto o on broleto, che i curava fin in t’i cantoni, par el contorno de la fameja; po’ ghera el punaro, el porzìle e coalche lasagneta de giardin.
I pescava ne i fossi con la nigossa par inbrocare el conpanàdego par la sera co na panara de polenta, tajà a fete co el reve bianco, e on bocale de graspìa, fin che l’èra bona. Tuti, grandi e pìcoli, i se dasèa da fare par sbarcare el lunario, ognuno a la so maniera.
Par nare a laorare se ’ndava traverso i campi, a piè, saltando i fossi col palo. Biciclete ghe n’èra sì e no una par fameja e la servèa par ci ’ndava pi distante, cargando, coalche olta, sul palo na persona che coando la desmontava la caminava de zopegon par on pochetin da i ossi macà par i sòssoli de le strade e cavezzagne.
I pi sioreti de laoro, pochi, che i ’ndava ben fora paese i gavèa on motorin tacà a la bicicleta, el moschito a rulo; de le olte se inpastrociava de paltan el rulo, che fasèa girare la rua dedrìo, el sbrissiava e bisognava menare i pedài.
Le done, coando no le ’ndava in t’i canpi, le tendèa a la casa e a i fioleti, slevava ochi, ànare, piti, faraone e metèa la cioca a coare e ognocoaltanto le sperava i ovi par vèdare se i èra boni co i pulzini drento.
Me nona, in casa, la gavèa el telaro par laorare el cànevo: i teli che vegnèa fora i èra ruspi, ma tanto resistenti. Me par de védarla, che, tintonando, la manegiava el telaro e go ancora ne le rece el ton ton de chel’arnese che l’èra la so passion.
Le mame e le none le fasèa de tuto par risparmiare: i èra sarte, le laorava co le uce par fare scarpete, calzeti, manòpole, goanti, sierpe, tasselare braghe e camise fin che se podèa.
No ’ndava butà ’ia gnente, parché co le camise ormai finìe de i òmeni le strolicava robe nove: vegnèa fora mudande e camisete par i buteleti. E a la domìnica, a piè, col velo in testa, le ’ndava a messa prima par ’vèrghe pi tenpo par i laori de casa.

El lunario
Verso la fine de l’ano, coando ghera poco da fare, al Sabo coalchedun el nasèa al marcà a Legnago: el marcà pi grando de la Bassa Veronese. Una de le prime robe che ’l cronpava l’era El Pojana: el lunario de Pojana Majore, che se tacava dedrìo a la porta del seciaro. El servèa par vèdare le lune, notare, co la pena copiativa pocià su la lengoa, coando se metèa la cioca a coare, coando se podèa somenare ne l’orto: senpre in luna che cala, mai in coela che cresse, parché senò le verdure le nava in cuco. Controlare coando fasèa la suta, caldo, el tenporale e coando el metèa giazzo e neve: insoma el conpagnava con i so consili e le scadenze la vita de canpagna tuto l’ano.

Le case
E le case de alora? Se pol dire che le riparava poco gnente dal fredo, parché jera senza sofìti, le finestre meze marze e piene de busi, i telari de i veri siori de spìferi, le porte co i càncani e la merleta le strupava el buso de entrata, ma ghe restava sfrese atorno e anca in mezo. El legno el savèa ritirà o carolà. In càmara l’inverno el stanpava disegni e fiori de giazzo su i veri. L’acoa l’era fora a la ponpa, el cesso fora anca lu, quasi par tute le case, on po’ sconto, fato de canoti atorno e, sora, ghera el cel sereno: che ingiazzade!
A la sera dopo zena se metèa la mùnega in leto con drento la scaldìna co le bronze o el mòcolo (coando ghèra coalche palanca). Apena i nizzòi jera stenperà on pochetin, fora el scaldaleto e la mùnega: in coatro e coatroto se se cavava zo e soto le coerte; no ghera pigiami e el stramazzo l’era de scartozzi; alora se butava sul leto tabari, braghe e maie, apena cavà, parché le coerte jera poche e el fredo assè.
La luce l’è vegnùa pian pianin, verso el Zinquanta, e con ela ghè rivà le prime radio, dopo el frigo (prima le robe da magnare le se conservava ne la moscarola tacà a i solari nel posto pi fredo de la casa) e pi avanti la television a du colori, i feri da stiro eletrici, che i ga mandà in pension quei a brase.
El mondo intanto l’è ’ndà avanti senpre pi de corsa, portàndone tute chele robe che adesso i butèi e butele de na olta i aprezza sì, ma che i è preocupà par i fiòi, nati, se dise, in tel bonbaso. E lori, che no i ga proà el poco de chi ani là, forsi, i pensarà che quelo che ghè stà scrito e dito el sia tuta ’na fòla.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Salvemo la speranza!
Eco on invito che vale par tuto quelo che riguarda la vita in generale, conpresa Quatro Ciàcoe che la sta in piè par na scomessa: fin che ghe sarà uno che scrive in dialeto vèneto, e uno che lèze, faremo i salti del simioto par contentare l’uno e l’altro: anca questo se ciama speranza!
de Mario Klein
 
Coando jera buteleto
Leggi l'articolo La vita de la me Contrà
Feste, laori e usanze de ieri ne la Contrà Cazzè de Bonavigo
de Giovanni Mastella
 
Da la Marca
Leggi l'articolo Erica Boschiero
de Emanuele Bellò
 
Da Lendinara (RO)
Leggi l'articolo Un fià de Veneto inte le rizete de l’Artusi
de Renato Scarpi
 
Da Adria (RO)
Leggi l'articolo Le do sorele
de Sergio Bedetti
 
Da Thiene (VI) 
Leggi l'articolo El me primo bolario
Custode de tanti pìcoli tesori che te fa conòssare el mondo e le persone e, soratuto, viajare co la fantasìa in posti da sogno
de Bepin Daecarbonare