Quatro Ciàcoe
Mensile de cultura e tradission vènete
de Roberto Soliman

Da la Bassa Padovana

Dal barato a la spesa co i ovi

In canpagna tuti, o coasi, i gavéa le galine in corte, ma anca ànare, oche… e tanti ovi.
In canpagna tuti, o coasi, i gavéa le galine in corte, ma anca ànare, oche… e tanti ovi.
El barato el xe on sistema antico del pìcolo comercio, ligà a i bisogni de sopravivenza e de solidarietà, che el ghe xe oncora in te i paesi poareti. Se se scanbiava coalsiasi roba, ma prima bisognava valutarla, magari co on mediatore, se la roba la ghéa tanto valore. I se scanbiava anca i canpi o el tòco de casa, senza nare dal notaio, cossì che dopo i fiòi e i neodi i catava de i “rojoti” par “la parte”.
Par altre robe a ghe jera l’“inpristio”. Se se inprestava la paja e el fen, se uno el lo ghéa za finìo, e se lo “rendéa” a “renovo” (al rinnuovo). Na volta Galitan el xe nà in prestio de fen da me nono par darghe da magnare a le vache, e el ghe ga domandà se el voléa i schei o se el lo voléa a “renovo”. Sicome Galitan el jera on burlon, me nono el ghe ga risposto: “A xe mèjo ca te me lo paghi, parché adesso a ghe xe la Repùblica e xe inùtile spetare el Re-novo!”
Le spese grosse col feraro, che ’l batéa la “guniera” del versoro o el giustava i atrezi de fero de la corte, o col “mulinaro” che el masenava el gran e la polenta par fare farina, sémole e “spezzanele”; col “trebiadore” che el vegnéa a trebiare el fromento; col paron de i canpi par pagarghe l’afito: le se faséa da San Martin, dopo che se gavéa vendù el fromento, e se pagava co i schei de carta.
Par le poche spese ca se faséa par le robe da magnare, a xe stà inventà, chissà coando, el pagamento co i ovi. Tuti, o coasi, i gavéa le galine in corte, ma anca ànare, oche, pitone e faraone. L’ovo che gavéa on prezo preciso, scrito anca ’so “La Difesa del Popolo”, el jera coelo de galina e con coelo a se conprava le robe che non vegnéa fora da i canpi, o dal ponaro, o dal porzile, o da la stala, o da l’orto, par coéi che staséa in canpagna, insoma coasi tuti. Coéi che staséa in paese, i ghéa anca luri on “coartiero” de tera, el ponaro e i ovi.
El prete de Urbana, don Salvatore Calore, tra el 1928 e el 1934 el ga fato la cesa nova, con le oferte de i capifameja e la racolta de i ovi, che le done le se ga inpegnà de fare par tuti chei ani.
Par le strade de canpagna a passava, ogni du giorni, Ugo Crema, col cavalo e col careto colore carta da zùcaro smarìa, atrezà de tanti cassiti par tegnere i generi alimentari da vèndare. El gavéa: ojo de sansa e ojo de semi, budin, missela Leone e Olandese par fare el cafè con l’orzo, varechina, saon Sole, detersivo Omo e Tide, zùcaro, ueta, canela, sale grosso e fin, pasta e riso inpolvarà da le strade ingiarà, sardeloni e ton. In te nantro casseto grande el gavéa i ovi che el ricevéa in pagamento par chele poche robe che conprava le done de corte. I ovi, Ugo Crema e i altri anbulanti, i li vendéa a l’“ovarolo”, che el li portava in cità, al marcà.
Tuto el resto el vegnéa fora da ogni corte: vin, late, formajo, puìna, saladi, panzete, grasàpole, saon col grasso del mas-cio, fruti del brolo, vedure de l’orto, polastri de corte, farina del to fromento e polenta col “zincoantin”, tuto a chilometri zero e senza la Denominazion de Origine.
Me nona la ghe sentìa poco, ma coando che cantava na galina la me mandava a “tore i ovi”, lassàndoghene uno, parché la galina la ghéa da tornare a fàrghene oncora in te chel cucio.
Có la vedéa na galina vegnere fora da on buso in tel pajaro cantando, la me mandava subito a védare se ghe jera on “cucio grosso” de ovi. Sì parché le galine, che le voléa deventare “cioche”, dopo aver fato i so intaressi col galo, le se inbusava in te le sfese del pajaro, le se faséa el “cucio”, fasendo on ovo al giorno, e coando che i jera 20-30 la se metéa a coarli, cossì dopo 21 giorni a vegnéa fora dal pajaro anca i polastrini.
Ma me nona la preferìa ’vere 20 ovi oncò che de i polastrini doman, anca parché a ghin jera tanti in corte e i magnava tante “spezzanele” de polenta. Cossì che la me mandava con la sporta e on minestro pìcolo, ma col mànego longo, a tirare fora i ovi dal buso del pajaro, uno a la volta, ma senza lassàrghene gnanca uno, cussì che la galina non la tornava lì e, dopo, có la ghéa i ovi in casa, la li “sperava”, cioè la vardava contro luce se i ghéa el polastrin. Se i jera boni la li doparava par fare na spesa straordinaria, da Ugo Crema, e la me conprava anca on “ciocolatin Ferero”, con le figurine de Topolino. Par mi la jera na gran festa, anca se par inpinare l’albun de le figurine a ghe metéa on par de ani!

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Al servizio de i altri…
Cossa voralo dire sto discorso: “èssare al servizio de i altri”? Saralo on mestiere novo? na profession vegnù fora da poco? na roba ch’i s’à inventà par conbàtare la disocupazion? Sì! In parte xe vèro tuto quanto: se lo femo, ghe ne goadagnemo tuti!
de Mario Sileno Klein
 
Da Arzergrande (PD)
Leggi l'articolo Pesse de fiume
de Antonio Giraldo
 
Da la Bassa Padovana
Leggi l'articolo Dal barato a la spesa co i ovi
de Roberto Soliman
 
Da Verona
Leggi l'articolo “Che fai tu, luna, in ciel?”
Te pòl èssar in mèso al deserto o in ponta a l’Himalaya… ma solo alsando i oci verso el cel te te rendi conto che semo tuti quanti strucadi su ’sta “picia” blu che rùgola ne l’infinito!
de Mirco Castellani
 
Anbiente
Leggi l'articolo El Parco del Sile
de Armando Mondin
 
Da San Stefano de Zimela (VR)
Leggi l'articolo Naja: el canpo estivo
de Antonio Corain