Da Piove de Saco (PD)

Walmer Peccenini

Donna nello spazio, 1995.

Sintesi di un violino, 2003.

Le porte del paradiso, 1998, bronzo, cm 30 x 45.

Walmer Peccenini xe stà nominà Cavaliere de eà Repùblica. Eà proposta xe partìa dal sindaco de Codevigo, Annunzio Belan, paese dove Walmer vive ormai da tanti ani. Eà proposta del sindaco xe nata da eà consapevoessa de tuto coéo che Walmer ga fato in canpo artistico, organizativo, culturàe, sociàe e associativo. Protagonista in tuto, in paese e fora, dopo ’na esperiensa come sindacaista anca a livèi alti, come presidente de eà Pro Loco locàe el xe riussìo a trasformarla conpletamente: el xe stà l’ideatore e el inissiatore del “Codevigo Settembrino” caraterizà da mostre d’arte, concerti (creando spazi musicài par zóvani debutanti), incontri leterari par poeti, romansieri e sagisti: tute inissiative in piè uncóra uncuò. Eà so passion pa eà mùsica eó ga spinto a convìnsare eà Pro Loco a organizare anca concerti de alto livèo: coéi de San Zacaria e de Santo Stefano. In canpo artìstico Walmer ga fato in pochi ani passi da gigante: sculture a tuto tondo, bassorilievi, medaje, monumenti che ghe ga valso riconossimenti inportanti. El ga messo eà so esperiensa al servissio del Grupo Artisti de eà Sacisica, tanto che da ani el fa parte del diretivo, e de ’e scuoe del teritorio. In canpo sociàe el xe uno de i pi ativi animatori de ALTA, eà associassion de ex lagunari da senpre inpegnà a dare ’na man a chi che se trova in dificoltà. El so generoso inpegno xe riconossù da tuti e par coésto el sindaco e eà aministrassion comunàe de Codevigo ga deciso de premiarlo, visti i so mèriti, proponendo eà so nòmina a Cavaliere de eà Repùblica, nòmina che xe rivà sensa dificoltà.

[torna sopra]