Quatro Ciàcoe
Mensile de cultura e tradission vènete
de Giordano Dellai

Ciàcole visentine

El Pascoli godurioso
’Nte la presentassion del libro su Bepin Pascoli, fradèo de Giovanni, xe vegnù fora novità grande sul famoso poeta de la “cavallina storna”.

El poeta Giovanni Pascoli co so sorèa Mariù.
El poeta Giovanni Pascoli co so sorèa Mariù.
I fradèi Guardino, Lucia e Luigi Pascoli a Bolzan Visentin davanti a la scola ’ndove ga insegnà par ventisinque ani so nona Lucia Volpe Pascoli (1877-1959), cognà del poeta.
I fradèi Guardino, Lucia e Luigi Pascoli a Bolzan Visentin davanti a la scola ’ndove ga insegnà par ventisinque ani so nona Lucia Volpe Pascoli (1877-1959), cognà del poeta.
Giovanni Pascoli gera un godurioso che ’ndaseva a done e tirava tardi co i amissi in osterìa a bèvare raquanti goti. Dopo pi de un sècolo de crìtica leteraria tuta preocupà a sondare i cantoni pi sconti de l’ànemo sustoso e spasemoso del poeta “fanciulin”, da la testimoniansa de i so pi direti dessendenti vien fora la figura de un omo, serto, parecio malincònico e desfortunà, ma anca vojoso de conpagnìa feminile rente a le case de toleransa e senpre pronto a partessipare a na bevuta co i amissi.
L’ocasion par darghe na indrissada a l’imàgine un pochetin inpatinà e tanto fruà del poeta pi inportante del Decadentismo ’talian xe vignùa da la presentassion del libro de Giovanni Brutto intitolà “Giuseppe Pascoli, fratello del poeta, finì a Bolzano Vicentino. La maestra e i sei orfanelli (1911-1936)”, che ghe xe stà domènega 6 majo scorso, in Vila Chiericati Terreran a Bolzan Visentin. Na presentassion partessipà da raquante persone, tra cui in prima fila anca i fradèi Guardino, Lucia e Luigi Pascoli, fioli de Giovanni (1905-1965), a so volta fiolo de Giuseppe, dito Bepin (1859-1917), fradèo del poeta Giovanni (1855-1912).
I fradèi Pascoli, che àbita a Mestre e a Fiero, vissin Brescia, grassie al materiale gnancora publicà in so possesso, che costituisse l’archivio de la fameja, i xe stà la fonte pi inportante del libro, che se proponeva de riabilitare la memoria de Bepin Pascoli, un vero genio de la mecànica, ma considarà la “piègora nera” de la fameja, soratuto da so sorela pi zòvane Mariù, la “vestale” del poeta che ghin ga scrito anca la memoria uficiale.
L’odio de Mariù verso Bepin, secondo la pronevoda Lucia Pascoli, xe stà dovùo al fato che so nono Bepin, restà védovo e sensa fioli de la so prima mojere Emilia Pari, el gavarìa ’vuo na relassion serto poco oportuna co la fiola de primo leto de ela, da la quale po’ el ga ’vuo anca na fiola morta ’pena nata. Tuto questo prima de ’ncontrare l’amore de la so vita, la maestra belunese Lucia Volpe, co la quale el ga formà na bea famejeta co sie fioli che ga abità a Bolzan Visentin dal 1911. Un conportamento che Mariù no podeva serto tolerare co ’l caràtere che la gaveva, al punto tale da sbàterghe la porta in facia a so fradèo Bepin, quando lu ’l ’ndaseva ’nte la so casa de Castelvecchio de Barga a bàter cassa.
No gaveva sti conportamenti invesse ’l poeta Giovanni che, de scondon da la sorela arpìa, ghe daseva apuntamento a l’osterìa “Ai Platani” al fradèo desfortunà, al quale slongava qualche bijeton par tirar ’vanti. No savemo invesse se Mariù gera contenta che Giovanni se riservasse ogni mese na quota de diese lire “per il casino”, come risulta ’nte i so apunti, un dato che dimostra la so atension… concreta, che no se sarìa mai dito, verso l’universo sessuale feminile.
«Forse el periodo pi felisse insieme – ga dito a la fine de la presentassion Guardino Pascoli – i fradèi Giovanni e Bepin i lo ga passà a Bologna a fine sècolo Otosento, el primo come insegnante universitario, el secondo come proveto costrutore de letini da canpo. A chei tenpi là te li vedevi passare le serate rente a na fiascheterìa in conpagnìa del poeta Giosuè Carducci, del quale Giovanni gera stà alievo ’nte la stessa università. E no se saveva se gera de pi i versi ressitài o i fiaschi svodài!»

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Manca on monumento a i òmeni indispensabili!...
Anca ne i nostri paesi, ghe xe momumenti de ogni tipo e de tuti i gusti: parfin el monumento a i bogoni, a la mélega, al fromenton, a la bicicleta, a l’inpajadore de careghe, a la Lira, al toro, al can, al gato… Te ’l simitero monumentale de na sità veneta, ghe ne xe uno dedicà a chi ga reso on servizio a la Patria…
de Mario Sileno Klein
 
Da Piove de Saco (PD)
Leggi l'articolo Walmer Peccenini
de Umberto Marinello
 
Da la Bassa Padovana
Leggi l'articolo Storie d’amore, de cani e de cristiani
de Roberto Soliman
 
Da Adria (RO)
Leggi l'articolo Siole in terassa
de Sergio Bedetti
 
Ciàcole visentine
Leggi l'articolo El Pascoli godurioso
’Nte la presentassion del libro su Bepin Pascoli, fradèo de Giovanni, xe vegnù fora novità grande sul famoso poeta de la “cavallina storna”.
de Giordano Dellai
 
Da Verona
Leggi l'articolo Careghe
de Giacinta Dall’Ora