Quatro Ciàcoe
Mensile de cultura e tradission vènete
de Armando Mondin

Da Venezia

Archivio de Stato

Entrata a l’Archivio de Stato de Venessia.
Entrata a l’Archivio de Stato de Venessia.
Conplesso de l’Archivio de Stato, ex convento de Santa Maria Gloriosa dei Frari.
Conplesso de l’Archivio de Stato, ex convento de Santa Maria Gloriosa dei Frari.
Uno de i coridoi de l'Archivio de Stato.
Uno de i coridoi de l'Archivio de Stato.
Una de ’e tante me fortune capitàe a Venessia ’a ze stada quea de poder visitar l’Archivio de Stato par lavoro. Sto fato el me ga permesso de entrar dove el pùblico no pol entrar, e cussì go visto na roba incredìbie, sentendo un odor de carta mai sentìo cussì. Prima de sto fato in archivio ghe gero ’ndà par consultar de i documenti che parlava de ’e origini de ’a me famegia, e za queo ’o gavevo considerà un fato bèo par mi che vivevo sognando i libri che parlava de storia.
Dopo ani, entrando ne ’e stanse dove setanta chiòmetri de scafài i gaveva pusài i documenti più veci de Venessia, i manoscriti più pressiosi che se pol ’ver, come ’a trascrission de i matrimoni tra patrissi e de i so fiòi che ereditava el tìtoeo nobiliare e che quindi i gavarìa podesto deventar Doge o inportante omo che aministrava ’a cità de San Marco o comandante da mar, restando scriti ne i libri de storia e de araldica par senpre, come podevo védar mi co i me oci pusài so ’e carte antiche.
’E origini de i documenti tegnùi dentro l’archivio ’e ze antiche, quasi a l’origine de Venessia, quando el cuor poìtico de ’a cità el se ga trasferìo da Maeamoco a San Marco, sistemando a Paeasso Ducàe, ne ’a Capèa del Doge l’atuàe basìica de San Marco, e in altri paeassi del governo i documenti del Stato Venessian.
Varie cause, come rivolte e incendi, ga fato sparir ’e racolte de documenti de i primi sècoi de vita de ’a Serenissima prima del XIII sècoeo parché nel 1266 i patrissi gaveva stabiìo che, scrite su diese ’ibri, doveva èssar conservàe ’e legi scrite dal Magior Consilio su carta e pergamena.
Par questo nel tenpo dódese, trèdese sècoi de legi, sentense, storie, insoma tuta ’a vita de ’a Repùblica ’a gera stada conservada in modo da tramandar ’a sagessa del Stato Venessian a i posteri. Cascada ’a Repùblica par man francese, tuti sti inportanti documenti i ze stai in parte dispersi, robài, portài in Francia, in Austria, a Mian, provocando na perdita ireparàbie. Nel 1822, i documenti restài, par voeontà de l’opressor francese, i ze stai imuciài ne l’ex Convento de i Frari. Ne i ani a vegner sto posto no el bastava più man mano che se portava altri ’ibri recuperài, cussì i ze stai destinài a altri archivi senpre dentro Venessia.
In ogni caso ’a storia de ’a Repùblica che ga durà più de tuti i stati al mondo, nonostante i furti de carte, ’e maeatìe de queste che le ga danegiàe o distrute, in gran parte ’e se trova a i Frari co tuta ’a so sagessa e el so profumo de bon governo che chi che ga naso bon pol sentir davero: paròe che profuma come sóeo qua se nasa.
Par questo ’ndar a védar sto posto da studioso o turista curioso ’a ze na oportunità da no ’assar pèrdar anca par rèndar onor a eà vita imortàe de l’inpossìbie Venessia. Dentro sti muri se ga el priviegio de poder sentir el bàtito del cuor del Leon Marciano che el rugisse vardàndone co pietà e no capindo parché semo finìi cussì mal.
Tuta Venessia ’a ze un monumento e quindi vissin a l’Archivio de Stato ve sugerisso sóeo qualche altro logo dove ne ’a me vita go trovà calcossa che, par mi, apartien al rito de sta Repùblica mienaria, come ’a confinante cesa de i Frari, secondo Panteon de i dogi, co dentro anca tante opere stupende e particoeari come el misterioso monumento-tomba de Canova. Seguindo el perimetro de sta cesa se riva a eà Scuoea Granda de San Roco co i capoeavori del Tintoreto e i so misteri. Poco più ’vanti ’a Scuoea de i Caegheri, incantévoe casa del Tresento dove mi go lavorà, salvando da eà distrussion afreschi de l’epoca, anca se ris-ciando el licensiamento par ’ver avertìo a Soraintendenza a ’e Bèe Arti che ga dovesto fermar i lavori èdii par salvar i resti de i afreschi.
Me fermo qua dove in più o manco tresento metri quadrati se vede ste meravege, sensa desmentegarse anca del tenpo profano, senpre dentro sta area, queo de ’a Tratoria Dona Onesta, sènplice, magnar bon, co na pìcoea altanèa forse trasformada nel tenpo in terasseta che buta sul canal dove ghe trova posto tre pìcoi tavoini par magnar. Eco questa ’a ze Venessia, afassinante come nessuna altra.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Podaremo mai èssare felici?
Tuti se ghemo fato sta domanda davanti a giornate inturbià, a situazion che no promete gnente de bon o a incidenti de percorso. In ogni caso la sarà dura, ma no inpossìbile. Èssare felici vol dire avere speranza có ghe xe da conbàtare, sentirse forte davanti a la paura, saver perdonare, non coltivare ràdeghi e amare. Amare senpre!
de Mario Sileno Klein
 
El filò de i Wigwam
Leggi l'articolo Mirka Cameran Schweiger
Siora del vin, de i giornaisti e de i… galeoti
de Efrem Tassinato
 
Da Brugine (PD)
Leggi l'articolo Luciano Tajoli
de Michele Varotto
 
Da Mestre-Venezia
Leggi l'articolo El bagolaro e la bagolina
de Annalisa Pasqualetto Brugin
 
Da Venezia
Leggi l'articolo Archivio de Stato
de Armando Mondin
 
Da la Bassa Veronese
Leggi l'articolo Al tenpo de i papàvari…
de Lucia Beltrame Menini