Quatro Ciàcoe
Mensile de cultura e tradission vènete
de Annalisa Pasqualetto Brugin

Da Mestre-Venezia

La corona de laurea

Chiara drìo discùtar la tesi
Chiara drìo discùtar la tesi
Chiara  co la nona Adelina che ghe ga donà la corona de làvrano.
Chiara co la nona Adelina che ghe ga donà la corona de làvrano.
Svola el tenpo, me par jeri che me fìa Chiara se ga laureà a Padova: gera el 4 de novenbre de diese ani fà. Ancora me ciapa el bruseghin có me torna inamente quela matina: sicome ’sta tosa xe un castron, ma la vol che tuto sia a puntin, la confusion in casa gera granda: no la gaveva dormìo gnanca ’na ora, no la se recordava più gnente, i cavéi no ghe stava più ben, le scarpe ghe strenseva... Par fortuna che el vestitin nero elegante ghe stava a penelo, che le copie de la tesi gera al so posto, cussì come i discheti par el PC e che se gera in anticipo de diese minuti... Che Dio la ne mandasse bona... Partimo e par strada go dovùo prestarghe le me scarpe, parché le sue ghe faseva mal, e mi métarme le sue, no inportava se le gaveva el taco altin e mi no gero bona caminar, me ga tocà rangiarme, tanto, prima de ’ndar drento a la facoltà se gavarìa fato da novo scanbio.
Rognando verso de mi che caminavo pian e la gavarìa fata ’rivar in ritardo, finalmente eco l'Ospeal, dove su un padilion la gavrìa esposto la so tesi, visto che se tratava de ’na laurea in medicina. A spetarne ghe gera tuti i parenti streti, coalche amigo de fameja e tanti amighi e amighe sui, za pronti a far ciasso.
Ne vien subito incontro la nona Adelina, che sarìa me madona, la basa la Chiara e dopo mi, po’ la se ga messo da parte, ma mi go visto che ghe gera calcossa che no ’ndava ben, la me pareva avelìa, co la testa bassa e le làgrime a i oci. La me ga intenerio, ma in quel momento gavevo da starghe drìo a la fìa che me meteva in man: borsa, giaca, tesi e dicheti par el PC, po’ la voleva fassoleti e ’na caramela da mastegar par farse passar el nervoso; intanto un relator ciama tuti i sinque laureandi, Chiara la ghe va drìo e no la vedo più, cussì posso ’ndar da me madona che me pareva proprio zo de corda, mi pensavo par el dispiasser che no ghe fusse più so fìo, cioè me marìo, papà de Chiara, che ne gaveva lassà da dó ani; par ’na mama la perdita de un fiolo xe calcossa de grando, e de securo la mancansa la se sente ancora de più in serti momenti; purtropo Roberto el me sposo, no ga ’vùo la consolassion de védar laurearse gnanca uno de i dó nostri fiòi.
Fintanto che so drìo ’ndar da la Adelina, me ferma un me cugnà, anca lu mogio mogio, el me ciapa da parte, e co desolassion el me dise parché la nona la gera cussì crussiada; gera ’na situassion, el me fa, che bisognava desbrojar e risòlvar in coalche maniera; e fintanto che el me spiega, el me mostra la corona de làvrano che la nona gaveva portà par so nevoda.
Gera infati, un so punto de orgolio e ’na so sodisfassion, donar a tuti i nevodi có i se laureava la corona che ela medesima co le so man ghe meteva al colo; cussì la gavarìa fato anca par la Chiara che gera l'ultima de i nevodi a laurearse. ’Sta brava nona la gera ’ndada par tenpo dal mèjo fiorista de Mestre a ordenar par el 4 novenbre, giorno de la laurea, la corona, racomandàndose i nastri giusti e che la fusse ben conbinada; sta de fato che la corona gera sì ben fata, ma no avendo specificà che la gera par ’na laurea el fiorista gaveva fato confusion e preparà ’na corona par i Caduti de guera che se onora e recorda proprio el 4 de novenbre, aniversario de la Vitoria de la prima guera mondial. La corona par la Chiara la gaveva i nastri bianchi, rossi e verdi de la nostra bandiera e le balete de oro, oltre a pesar che mai, parché la gera fata par èssar pusada par tera o star picada su un muro e la gaveva da èsser ben salda.
Oramai no ghe gera più tenpo par cronpràrghene naltra, la nona no saveva cossa far, la se sentiva mortificada e la stava su un canton tuta coaciada, cussì in dó e dó quatro go ciapà i nastri verdi e bianchi e li go tirài via, po’ go cavà da ’naltra corona che gera pusada su un canton ’na cioca rossa, visto che la ghe ne gaveva tante e la go petada a la nostra, go despicà balete de oro e slargà par ben le ramete de làvrano; in quanto a l'apojo cargaisso, nessun se ne sarìa incorto.
Eco intanto ’rivar par la Chiara el momento de la discussion de la tesi, co tanto de slide sul schermo che mostrava el so lavoro e spiegava mèjo cossa la diseva; tuto xe ’ndà ben e la ga ’vùo un voto altissimo, co sodisfassion sua e de tuti. Eco ’lora che tra bàtar de man, comossion de i parenti, sighi, fis-ci, pache su le spale e cansonasse de i amighi, se fa ’vanti la nona co la corona remediada sù manco pèso, co emossion la ghe la inpira nel colo a la neo dotoressa e la ghe dà un baso. Nessun se ga incorto de gnente, solo la Chiara fin che se ’ndava al Portelo a lèsar el papiro, far festa e dopo a magnar, ogni tanto se lagnava disendo: “Ma che peso ha ’sta corona... non pensavo fosse così pesante... non mi sento più il collo!”,ma no savendo gnente la gera contenta instesso e se la godeva anca la nona che gaveva trovà da novo el soriso. Mi me ga parso che in quel momento me marìo, papà de Chiara, me strucasse de ocio dal celo.
Ah, desmentegavo... Chiara no ga mai savùo gnente e la corona xe ancora messa via co cura; la nona che tra pochi mesi conpie sento ani, de securo no se recordarà più.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
El filò de i Wigwam
Leggi l'articolo Luisa Bosello
La poesia che ne càpita a Porto
de Efrem Tassinato
 
Editoriale
Leggi l'articolo Piassè poareti, ma piassè siori
Sì, co sto canbiamento inposto da l’epidemia, semo deventà tuti piassè poareti. Ghemo dovù acetare rinunce e limitazion, ma forse questo ne ga fato piassè siori, piassè liberi de pensare, de inparare a spèndare mèjo el nostro tenpo e la nostra vita.
de Mario Sileno Klein
 
Da Brugine (PD)
Leggi l'articolo I 80 ani del gran tenore veneto Giuseppe Giacomini
de Michele Varotto
 
Da Mestre-Venezia
Leggi l'articolo La corona de laurea
de Annalisa Pasqualetto Brugin
 
Da Gavello (RO)
Leggi l'articolo I tegnusi
de Gianni Sparapan
 
Da Verona
Leggi l'articolo El “Ghetto” ebraico
de Mirco Castellani