Quatro Ciàcoe
Mensile de cultura e tradission vènete
de de Silvano Salvi

Da Ponzano Veneto (TV)

El Buranèo

Le rùgoli o machinete del scòter, che speta i clienti.
Le rùgoli o machinete del scòter, che speta i clienti.
L’atrassion de le barchete cronpada co debiti da i Buranèi e el boa rosso tuto spenotà.
L’atrassion de le barchete cronpada co debiti da i Buranèi e el boa rosso tuto spenotà.
Quatro Ciàcoe
La bona stajon ne gaveva portà co le giostre nel Venessian, se stava qua e là anca par ’na diesena de dì, dando modo a i racli de gòdarse par più tenpo. I love, però jera pocheti e la zente jera poco propensa a tirar fora el tacoin, de conseguensa le atrassion jera meze vode, crussiando i giostrari che discoreva tra de lori par catar calcossa che invojasse i gagi o mèjo dir i paesani. Pareva che no ghe fusse solussion, fintanto che a la Giulia, me mama, mujer de Cesare, me papà, paroni del scòter, ghe xe passà par la mente ’na idea da no crédar, figuràndose ne la so testa sveja ’na sèna che gavarìa podùo dar ’na svoltada a le lofie serade.
A far parte de quel tini o picenin Luna Park ghe jera ’na fameja stranba, cognominada I Buranèi, vista la proveniensa da quela isoleta de la laguna de Venessia. Stufi de far i salti mortali par un piato de minestra, desparài par la miseria, ’sti cristiani ga ciapà el corajo a dó man e i ga lassà quel fassoletin de tera par ris-ciar la fortuna nel mondo de le giostre. Fasendo un monte de sulde, debiti, i se ga procurà ’na giostra a barchete de seconda man, ma funsionante, che i postava de fassa a l'autoscontro de la siora Giulia che, vegnùa in confidensa co uno de i dó fradèi de ’sta fameja, la ghe ga proposto ’na idea narvola, cioè balenga. ’Sto omo el jera maridà co ’na fémena, dita tal solo parché cussì jera scrito su i certificati de nàssita; la so conformassion somejava a quela de un atleta de lota greco-romana, e de sicuro la usava la lameta del so sposo par eliminar barba e bafi; poco diversi jera el cugnà e so marìo, tuti dó bassi de statura e somejanti a simioti; al contrario i dó fioli: un mas-cio e ’na fémena jera beli che mai, tanto da far vegner qualche sospeto su la paternità.
Beh, a la Giulia jera vegnùa l'idea de travestir un buranèo da dona, farlo montar e scorassar su ’na rùgoli che sarìa la machineta del scòter, co l’intento de atirar l'aten­sion. Natural che el canbiamento gavarìa do­vùo èssar tal da far inboressar i presenti, in maniera che el ciasso e le ridàe fasesse da ciamada, cussì se gavarìa inpenìo le giostre.
Tuto gaveva da èsser pronto par la sera. Fintanto i altoparlanti scumissiava a far sentir le canson in voga, dó o tre drite, ciamàe in causa, se ga dà apuntamento davanti la carovana de i Buranèi, par dar inissio a l'operassion che gavarìa fato deventar el Buranèo ’na Buranèa, almanco a l'aparensa; a dirìger l'opera jera ’na caranpana che in zoventù la jera stada ’na maravejosa atrassion da circo e che de conseguensa la se ne intendeva de costumi e beleti.
L'omo jera ingalà che mai e za el pregustava la gloria. Le done ’tente a no insganbararse su i scalini pericolanti de la carovana xe ’ndàe drento, e là, la vecia circuista ga deciso cossa far, el Buranèo vardava imatonìo e sito. Par prima roba xe saltà fora un abito celeste de raso, scolà da mati sul davanti e su la schiena, co tanto de spaco che gavarìa mostrà la ganba sinistra; ma se ’sti particolari jera fati par far figurar la belessa feminil, mal i se adatava a l'omo, parché el gavarìa messo in mostra solo la so peluria abondante. Ghe voleva ben altro, però par scorajar le done che sensa remission o riguardo co un fero da barba le ga tacà a pelar el pèto del malcapità che cainava e deventava man man de fogo, paonasso e insanguanà, ma pur de aparir el soportava co rasse­gnassion; i so lamenti se sentiva parfin da fora de la carovana. Tocava po’ a la mutria, un zogo par la dona del circo, usa a l'arte de sbeletar, la ga fato parer la boca un gomon da spiaja, la ga sconto barba e mustaci co dó déi de cipria, tipo la Moira Orfei, có la se ga desmentegà la zoventù, i oci pareva un arcobalen e i cavegi mori xe stà coverti co ’na paruca bionda, po’ xe stà sconto el colo co un boa de strusso rosso tuto spenacià, piturà le onge e fato inpirar un paro de calse de naylon che se ga roto subito, fasendo saltar fora ciufi de peli neri. Dura xe stà farghe calsar le scarpe co un taco da far vegner le stornità e pìcole che mai par lu. Fin che el se dava da far par fracar drento i pistèi, i ghe ga inpirà un regipeto grando che mai pien de strasse... El Buranèo se lo ga adatà. Eco, el jera pronto, el podeva ’ndar fora da la carovana e mostrarse. Fasendo finta de no sentir el mal a i déi de i piè e jutà da dó pischerle che i lo tegneva sù par i brassi, verta la porta e precedùo da la circuista che voleva mirar la so opera, el ga fato la so conparsa, ma volendo far el spavaldo el ga butà indrìo su la schiena el boa de strusso, movensa che ghe xe stà fatal, tanto da farlo insganbarar e cascar tipo dona volante. El so svolo de ànzolo se ga fermà su le morbide mostose de la puri del circo, che se ga catà destirada par tera co el Buranèo inbanbolà par sora. Xe stà question de un àtimo de frastornamento, parché, visto che nessun se jera fato mal, tra ridàe e batiman el Buranèo a se ga tirà sù e inpirà da novo le scarpe, po’ el se ga avià verso el scòter, percorso curto, ma brigoso parché i tachi a pomoin se cassava zo su la tera tenarina, e no jera fàssile tirar fora i scarpini che ’sta tera robava. Jutà senpre da le dó pischerle, co un mondo de acrobassìe el xe montà su la pedana e dopo vari tentativi el se ga sentà drento la rugoli postada là aposta par lu, ma oramai sarìa mèjo dir par ela.
I clienti quasi no credeva a quel che i vedeva, tanto ’sta creatura somejava a ’na aparission da i conotati de ’na lùmini, o mèjo de ’na doneta alegra. Tuti se copava dal boresso, e le ridàe xe 'ndàe a covèrsar la musica che l'altoparlante spandeva ne l'aria frisantina de la primavera. Intanto la rùgoli co el Buranèo ’a ga scumissià la so corsa ne la pista del scòter... Che ciasso, che bàgolo... ’na volta se se divertiva cussì! Questa, però xe solamente la prima parte de la storia...

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Dovemo salvare la dona
Quando telegiornài e giornài, quasi tuti i giorni, i taca co notizie de violenza su le done, vol dire che semo so na bruta strada. Xe ora de afrontare seriamente el problema e de inpegnarse tuti, par far cessare sta guera infame de l’omo contro la dona.
de de Mario Sileno Klein
 
Da la Bassa Padovana
Leggi l'articolo Me zia Iseta
’Na dona de altri tenpi, co i piè par tera, ma i oci rivolti al celo.
de de Roberto Soliman
 
Da Ponzano Veneto (TV)
Leggi l'articolo El Buranèo
de de Silvano Salvi
 
Robe de Ciósa (VE)
Leggi l'articolo 38 ani fà…
de de Angelo Padoan
 
Da Verona
Leggi l'articolo Che delusion!
de de Giacinta Dall’Ora
 
Da Tombazosana (VR)
Leggi l'articolo Chel bruto pozzo maledeto
de de Carolina Guerra