Quatro Ciàcoe
Mensile de cultura e tradission vènete
de Luigi Frosi

Ricordi d'istà

Un dèbito da saldare

Quatro Ciàcoe
Chel giorno ghevo vinto na bela scarselà de balete...
Me ricordo có jero tosato, d'istà no ghe jera la possibilità de 'ndare in vilegiatura, anca massa de 'ndare in colonia par un tòco, cussì, l'ùnico posto dove che i te rancurava a jera in patronato. Par passare chei tre mesi, ghe jera el Grest e i animatori i se preocupava assé de organisare de i zoghi, senpre diversi, par farne stare ocupài. Me ricordo chel'ano che i ga inventà de fare le Olinpiade, na serie de tornèi che ne ga tignùi inpegnà tuta l'istà. Ghe xe stà la gara de i cuercèi, i tapi de le botilie de la bira o de le aranciate, e nialtri boce ghe metévimo drento na figurina de un coridore de bicicleta e se faseva le gare: el Giro d'Italia, la Milano San Remo, e corse a cronòmetro e altre ancora. Dopo i ga organisà el tornèo de dama e tria e tuti chei zoghi cinesi da fare stando sentài a l'onbrìa. No xe mancà el tornèo de brìscola, sìngolo e in copia e par ùltimo el tornèo de balete. El xe stà questo che 'l ga visto la più grande partecipassion: ghin xe stà par tuti i gusti: a cécola, el tiro al muceto o al casteleto, a vale tuto, co la spana e sensa spana... A chei tenpi no ghe jera tante possibilità econòmiche, de s-chei ghin jera pochi par conprare le balete, e cussì no restava che vìnsarle zugando; "sboletare" voleva dire "fare 'ndare in boleta" el conpagno de zugo, lassarlo sensa balete, lassarlo in braghe de tela insoma! Mi jero na mesa s-ciapa, però jero orgolioso e no me tiravo mai indrìo: qualche volta la me 'ndava anca ben e tornavo casa co na scarseà de balete, ma de sòlito la me 'ndava sbusa. Quando che ghe jera i tornèi, alora rivava i veri fenòmani del quartiere e là ghe jera de avere paura de 'ndare casa in boleta. De tuti, me ricordo do fradèi de le "Case dei Ferovieri", Giorgio e Mauro: có te 'i vedevi i gheva un sacheto de pèssa, pien de balete de tuti i tipi, tacà sul passante de le braghe, che voleva dire che i gheva za sboletà de grosso. Có i rivava i gheva un ghigno che pareva che i disesse: "...'desso semo qua nialtri, pareceve ..." I tirava fora da la s-carsela la baleta preferìa, quela da conpetission, neta, lucida e colorà co de chele sfumature che le faseva fin rabia. Prima de la gara, na baraonda co tuti i tosati del patronato parché ogniun el gheva la sua da dire. Quando che 'l giurin el fis-ciava, un silensio de tonba, el clima el canbiava de colpo, se respirava na aria de quele de le partìe de poker ne i saloon del far-west, mancava solo la pistola sora a la tola. Nialtri tuti là a zugare, no se pensava gnanca na s-cianta de 'ndare casa a fare marenda. Venti minuti i basta par védare i primi a molare; anca mi perdo le balete che ghevo vinto prima e resto co quele poche che ghevo scuminsià. Però so' duro, vendo cara la me pèle e no me arendo.
Un giorno la me jera 'ndà ben, ghevo vinto na bela scarselà de balete e me sentivo in forma, tuto de un trato, contro sole, vedo la sàgoma de qualchedun che riva nel canpeto del patronato. El jera lu, el Mauro, uno de i do fradèi, el vien verso de mi caminando pin-pianèo come se 'l ghesse vussùo brusarme.
El gheva in man la so boceta de gara e el me dize che 'l vole zugare. Anca lu in chel dì el jera in forma, bastava vardare el sacheto che 'l gheva ligà su le braghe, stracolmo de balete, par capirlo. A chel punto a me son dito: "Ancò la me va ben, el xe el me giorno bon e no molo!" Scuminsia la partìa, jèrimo na diesena de tosati, lu, forse par la massa sicuressa de sboetare tuti, el se sgarbuja e el perde raquante partìe. Uno a la volta tuti resta in braghe de tela sensa gnanca na baleta e i se ritira. Restemo solo mi e lu! Continuemo a zugare. La batalia fin a chel momento la jera bastansa patà, ma 'desso, cari mii, el scuminsia a vìnsare na partìa drio st'altra. Pin-pianelo le me scarsele le se svoda e son drio pèrdare tute le balete ca ghevo vinto, me sento come un pugile messo a le corde, senza fià e sensa fòrse: jero proprio a k.o.! Có so' restà sensa gnanca na baleta, lu el me dise co un fare da sgrandesson: "Basta cussì!" Come disevo al scuminsio, mi a son orgolioso e pien de boria, invesse che tirare la spugna e bàtare in ritirata, a lo sfido de 50 balete. Pensavo: "Cussì se vinso podarìa rifarme e finire co sodisfassion." Perdo anca sta volta, e lu me dà n'altra ocasion par rifarme: 100 balete! No posso dire de nò, ma perdo ancora. Vago vanti, ma a la fine, quando me fradelo el xe vignùo a ciamarme parché jera pronta la sena, ghevo perso la belessa de 500 balete, tonde tonde! Mauro el me dise che 'l le vole tute ma, visto che ghevo vuo corajo, el me dize che posso dàrghele un poche a la volta. No savevo cossa fare, vìnsare 500 balete jera na vera inpresa e cussì par un bel tòco no me fasso védare in patronato e scanso casa sua par no incontrarlo.
Xe passài ormai na sinquantina de ani e ancora 'desso, quando che me càpita de incontrarlo, sarìa tentà de scóndarme o girare l'àngolo par no farme védare: in fondo, el dèbito el xe senpre verto!...

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Lujo-Agosto:

Editoriale
Leggi l'articolo Riva l'istà, ma no par tuti
O mèjo: l'istà la riva par conto suo, ma mia tuti pol gòdare i benefici de la bona stajon. Ghe xe chi sogna mari e monti... e lì 'a finisse!
de Mario Klein
 
Ricordi d'istà
Leggi l'articolo Un dèbito da saldare
de Luigi Frosi
 
Da Belun
Leggi l'articolo Fior de montagna
de Biancamaria De Vecchi
 
Da Rovigo
Leggi l'articolo Come vala?
de Gianni Sparapan
 
El raconto del mese (in Visentin)
Leggi l'articolo Erminio da la Svissera
de Antonio Maraschin