Quatro Ciàcoe
Mensile de cultura e tradission vènete
de Biancamaria De Vecchi

Da Belun

Fior de montagna

Quatro Ciàcoe
La vera regina la é ela: la "stella alpina".
Me son senpre incantada a vardar i fior: quei del giardin, del pra, del bosc e anca de montagna.Questi i ò tant amiradi dal vero, da pìciola quando che me papà l'andéa a far, par al Comun, misurazion in montagna, anca a alta quota, e al rivéa a la sera senpre co 'n mazet de fior diversi, cioti sù par so fia pi pìciola.
"Papà, che fior elo sto qua?" "Na genziana." "E questo che par na margherita dala?" "L'arnica... queste inveze l'é canpanele." E al me diséa al nome de quei che al cognosséa lu... Ades ghe 'n cognosse tanti de pi de alora, intende dir de alta montagna, anca se i ò visti sol che in fotografìa... Parché al "bel" l'é questo che, pur essendo montanara e vivendo da senpre in medo a le montagne... te le zime ghe son andada poc o quasi gnent.L'ùnica gran caminada l'é stada fin al Pis Pilon có avée quatòrdese ani...Dopo qualche an, amighe e amighi i me avéa invità a andar te 'l Nevegàl a pié (a quei tenp no esistéa na strada rotàbila, ma trói) e de dormir in casera. Figurarse me mama, có ghe l'ò domandà! "Ti, dormir co amighi che te cognos apena? Ma gnanca par sogno!" E l'é senpre stat an "Nò" sec anca in sèguito, che no me à mai permes de far le me esperienze a contato co 'l me anbiente che vedée sol che da... lontan.Pi vanti ancora, po', co i ani, me son senpre movesta co 'l... pianton de fianco: o fradel, o sorela e consorte.Mai lìbera! E po' ghe n'é stat al laoro, le malatìe, e tenp de svago... poc, gnent! I libri i à inpienì sto me vodo e i lo à, in parte conpensà, par fortuna!In montagna ghe son stada in sèguito, fin andé che se ghe rivéa co la màchina. E mi che me incante a vardar al pi pìciol e pi ùmil fioret de la strada, me cate ades a amirar sol che la maestosità de le me montagne viste da la cità.
Ricorde l'an che l'é suces al disastro del Vaiont: da otobre a dizenbre e pi, ghe n'é stat an tenp belìssimo, senpre seren e le nostre Dolomiti le era splèndide, no le ò pi viste cussì a longo tant nitide. Andée alora a far scola a na ventina de km da casa: te 'l percorso aprofitée par ocedar intorno! Tut me servìa par al me laoro che svolgée co passion.L'era da parlar de flora montana in geografìa? Eco che i libri, i ricordi, le conossenze i me iutéa: da noi, da 800 a 1000 m de altitùdine, ghe n'é bosc de fagher, de pez e te 'l sotobosco cres le giàsene, 'l denéver, i borsèi, i ciclamin... E se pol osservar dal bas le montagne e distinguer fin 'ndé che cres le piante. Sora i 1000 m ghe n'é qualche làres, le mughe e vari boscat e po' i pàscoi fin sot le roce.
Na olta te quei pàscoi, vesin le malghe, se podéa sentir al dlen-dlen de i canpanot de le vache che pascoléa o 'l belato de le piegore che le strapéa l'erba e i fiorelin, senza al problema - par lore - che tante piantine le é spèce protete! Sì, l'on al ghe à rivà a capir, an zerto punto, che quei fior, par sopravìver e difónderse, i lota de continuo co l'anbiente e 'l clima che, a zerte alteze, l'é a l'estremo: nef e fret par la pi part de l'an e al ciclo vital che al se svilupa te pochi mesi, grandi sbalzi de tenperadura tra not e dì, luce del sol tant forte, e che se mete, po', anca la man de l'on!!
Crede che al dì de ancói, nissun pi vae in montagna a cior sù fior, tuti i sa che l'é proibì: alora basta amirarli te la vivacità de i so color che par de smalto, là te i pàscoi, te l'orlo de i strapionbi, te le valete, te i ghiaiói, te le creste o su le roce e magari... fotografarli.
In tanti ormai i sa distìnguer na genziana, an ranùncol, l'aquilegia, an rododendro, na soldanela, la scarpeta de Venere, ma la vera regina la é ela: la "stela alpina".Su sto fior, che cres te ogni mìnimo riparo, te le cenge, le pìciole sporgenze de le roce e che al sfida co forza ogni tenp, l'é nat tante legende; una me piase pi de tute, questa: "Te 'n tenp tant e po' tant lontan, quando Nostro Signor ancora no l'avea creà i omi, te'l cel briléa, solitaria, na stela tuta tremolante.Persa in medo a l'universo imenso la penséa, da lassù, che là, te la tera, la vita la dovéa èsser pi bela: in medo ai pra fioridi, te la riva de i rui, tra le inponenti montagne che se coloréa co la luce del sol... Alora l'à pregà al Signor de lassarla andar là dó. E te na not serena l'é gnesta dó dal cel e l'é andada a poiarse lediera lediera te la zima de na montagna altìssima.
La se a vardà intorno: che silenzio, che solitùdine, che splendor; ma quant fret che l'era!" La pìciola stela la se sentìa morir dal gel e ancora na olta l'a inplorà Dominedio de no lassarla morir cussì... 'N àngelo l'é passà vesin a ela e al ghe à lassà cascar an fioc monesin de bonbaso.La stelina tremolante la se a cuert tuta e l'é deventada bianca come la nef, ma calda te 'l novo vestito monesin.
I omi i é stadi creadi... e quando che i é rivadi te la zima de quela montagna i a catà an fior càndido da i pètali de veludo, che l'era fat come na stela.
I lo a ciamà "stella alpina".

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Lujo-Agosto:

Editoriale
Leggi l'articolo Riva l'istà, ma no par tuti
O mèjo: l'istà la riva par conto suo, ma mia tuti pol gòdare i benefici de la bona stajon. Ghe xe chi sogna mari e monti... e lì 'a finisse!
de Mario Klein
 
Ricordi d'istà
Leggi l'articolo Un dèbito da saldare
de Luigi Frosi
 
Da Belun
Leggi l'articolo Fior de montagna
de Biancamaria De Vecchi
 
Da Rovigo
Leggi l'articolo Come vala?
de Gianni Sparapan
 
El raconto del mese (in Visentin)
Leggi l'articolo Erminio da la Svissera
de Antonio Maraschin