Quatro Ciàcoe
Mensile de cultura e tradission vènete
de Sergio Bedetti

Da Adria (RO)

Artisti

Quatro Ciàcoe
...e Checo el se dava arie da barìtono, dato ch'el cantava inte la Corale. (ne la foto, el Coro La Valle, direto dal Maestro Luciano Pengo)
Oreste, Bruno e Checo i jera amissi par la pèle. Oreste l'eva fato la mesa cassola, Bruno l'inbianchin - anca s'el se jera senpre qualificà "pittore decoratore" - e Checo el tubista, n'inporta s'a se tratava de tubi del gas, de l'aqua o par qualcoss'altro. Capitava bastansa spesso - quando ch'i jera in atività - ch'i s'inbatesse sul stesso lavoro tuti tri; ma par catarse luri i ne gheva bisogno del lavoro parchè i gheva in comune più de qualche passion: ghe piaseva le òpere e 'l teatro, i staseva volentieri co i piè soto la tola, i pensava de èssere tri artisti, parchè Oreste el sonava la chitara, Bruno el scriveva poesìe e Checo el se dava arie da barìtono, dato ch'el cantava inte la Corale. Oreste el viveva da lu solo, el gheva ormai la so pension, la so caseta e la so bicicleta, na Dei ch'el s'eva conprà nova ani indrìo. El se la tegneva come la rosa al naso, cussì, dopo tanto tenpo, la pareva ancora nova. Bruno no 'l s'jera mai maridà e el viveva co so sorela: ninsun d'i du gheva 'vù massa fortuna inte la vita par via de un serto difeto de nervi che ghe scunbinava i muvimenti; pa 'l resto i jera do gran bone persone - boni i gh'jera tuti de rassa -, rispetose, de creansa. Checo el gheva 'vù na mujere, ma la gh'jera scapà co 'n antro e lu da chela volta no 'l ghe n'à più volesto savere de done; gh'jera na cugina che ghe lavava e stirava, pa 'l resto in casa el se rangiava tuto da lu solo. No s'à mai savesto se l'amicissia fusse nata dal fato che i so mestieri i jera tuti ligà a la casa, che tuti tri co le done no i gheva 'vù fortuna, che, int'un serto qual modo, i se sentiva artisti mai valorisà. I se catava el più de le volte a casa de Oreste, specialmente al dopodisnà. La casa no la jera massa grande: n'entrata e na cusina-sogiorno, a basso; dessora: do càmare da leto. In parte gh'jera un bassocòmodo e tacà na casona de tola coverta de lamiera. Tornovìa un tòco de tera, che na volta jera orto co qualche frutaro; 'desso el mostrava erbassi, un pomaro e un persegaro inselvadeghì: co i ani Oreste l'eva molà tuto co la scusa che la tera la jera bassa e a lavorarla ghe vegneva la sgorba. Quando ch'el ghe staseva, da fiolo, co so mare e so pare, la caseta la jera in canpagna: na stradela la vegneva zo da l'àrzere del canale e la feniva propio davanti a casa sua. Co i ani la cità la s'jera sgrandà senpre de più e lì intorno jera nato un quartiere intiero co tanto de cesa, strade sfaltà, boteghe, cafè, lanpiun e parfin el semàforo. Tuta la tera lì par volta la jera stà vendù e chela caseta la s'jera catà circondà da un ramengo de case nove. Lu, par stare al passo co i tenpi, e par no sfigurare, el ga dà na bela man de bianco ai muri e na piturà de verde ai balcun, dopo aver messo sù le dopie finestre, da quando ch'el riscaldamento el jera de quelo co i termo. Essendo la casa destacà da tutte st'altre, el podeva continuare a fare quel ch'el voleva tra i so muri, sensa disturbare ninsun. Cussì podeva capitare, passàndoghe arente, ch'a se sentisse cantare in coro "Di quella pira..." o "Celeste Aida..." co aconpagnamento de chitara. Altre volte se sentiva recitare: el jera Bruno co qualcheduna de le so ùltime conposission. Più de ciaro, e questo senpre de sera, specialmente d'inverno, i osava a vosse alta con tono alegro: Checo, ch'el jera pitosto bravin in cusina, l'eva preparà le tripe, el bacalà, la pastissà de cavalo, i bìguli in salsa, e le onbre le coreva. I è 'ndà 'vanti par ani cussì, ma na bruta sera è sucesso el patatrac. Par quel che riguarda la polìtica i n'à senpre fato poca; s'a gh'jera du argomenti che no entrava inte le so discussion i jera propio la polìtica e la religion. Tuti tri de color rosso, co sfumadure più ciare o più scure, i jera sostansialmente senpre bastansa d'acordo sia ch'a se parlesse de preti che de partiti. Ma chela sera lì l'è 'ndà difarente.
Gh'jera in discussion al governo na storia su le pension: uno la vedeva cussì, st'altro la vedeva colà; i à tacà una de che discussion che - forse anca par colpa d'un "Raboso" ninte male - l'à fato corer la lengua più del pensiero. A un serto punto da i "ne te capissi 'n assidente", "te ga na suca ch'a ne la magna gnanca un bosgato" "có i sigava giudissio t'iè 'ndà soto col crivelo" i è passà a ofese su la mare, la sorela, la cugina, na fémena qualsisi del parentado e qualchidun no 'l ga più visto: è scumisià a svolare quelo ch'a gh'jera su la tola, sganassun de qua e de là, careghe robaltà, nasi ruti o oci neri, fin che Oreste l'è riussì a cassar fora de casa a bajo de can e co qualche pià inte 'l filon de la vita i so du conpari. è passà del tenpo, i s'à domandà scusa, i s'à anca perdonà, qualche volta i beve n'onbra insieme a l'ostarìa, ma da chela volta la casa de Oreste l'è deventà muta e silensiosa.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Majo:

Editoriale
Leggi l'articolo Lo ricordaremo par senpre
Ghemo caro lassare, a la pìcola storia del nostro giornale, na parola de rinpianto par aver perso un Santo Papa, el Papa de tuti
de Mario Klein
 
Memoria viva
Leggi l'articolo La còmoda de me Nono Toni
Le me risserche in te la sofita de la casa vecia de fameja. La scoperta de robe antiche e interessanti. La còmoda me sbalordisse par la so inponenza. La filosofìa de me Nono sul come 'ndare de corpo
de Gigi Vasoin
 
Da Lendinara (RO)
Leggi l'articolo Ricordi de bocia: la me radio
de Renato Scarpi
 
Robe de Ciósa
Leggi l'articolo Gigi el piparo
a cura de Angelo Padoan
 
Da Adria (RO)
Leggi l'articolo Artisti
de Sergio Bedetti