Quatro Ciàcoe
Mensile de cultura e tradission vènete
de Giordano Dellai

Cultura visentina

La Beata Giovanna Bonomo
La vita de la mònaga bassanese, nata 400 ani fà, ga ispirà na mostra a Palasso Bonaguro, che xe verta fin el 10 giugno pròssimo

La statua de la Beata Giovanna Bonomo in cao a via Beata Giovanna a Bassan.
La statua de la Beata Giovanna Bonomo in cao a via Beata Giovanna a Bassan.
Na figura bela del Siesento cristian. Na ànema mìstica in comunion co ’l Signore. Giovanna Maria Bonomo, nata a Asiago el 15 agosto 1606 e morta a Bassan el primo marso 1670, beatificà da papa Pio VI ’ntel 1783, ’nte l’ocasion de ’l 400° aniversario de la so nàssita ga ispirà na mostra a palasso Bonaguro, vissin al ponte de i Alpini, a Bassan, che se intìtola "Il Meraviglioso e la Gloria. Grandi maestri del Seicento in Europa" e che xe verta fin al prossimo 10 giugno.
La mostra xe stà curà da Sergej Androssov, responsàbile de le colession de l’arte figurativa ocidentale del Musèo de l’Ermitage de San Pietroburgo in Russia; da Francesco Buranelli, diretore de i Musèi e Galerìe Pontificie, e da Mario Guderzo, diretore de l’Assessorato a le Atività Culturali de Bassan del Grapa. Xe stà fato un catalogo e ghe xe un Uficio Stanpa, guidà da Villaggio Globale International (domandare de la signora Antonella Lacchin), che cura anca l’organisassion generale. Par prenotare la vìsita, basta telefonare al 0424.502923 o clicare su www.vivibassano.it - www.vivaticket.it .
Se trata de na mostra che fa védare quadri e sculture siessenteschi ’ndove se conta, anca da parte de autori grandi, come Caravaggio e Bernini, l’iconografia relijosa ’nte i momenti de èstasi, de le vision, de la vocassion. El spunto xe stà dà propio da la vita de Maria Bonomo, che a quìndese ani ga assunto el nome de Giovanna, in onore de so popà, Giovanni Bonomo, un mercante asiaghese, manesco e pevarin. Xe stà propio par inpedire a so popà de copare so mama, la nòbile Virginia Ceschi, originaria de Borgo Valsugana, che a diese mesi, ’ntel giugno 1607, la pìcola Maria ga dito par la prima volta "popà", la xe smontà da sola da ’l caregoto e la ga cavà via el cortèo da le man de so pare, inparando de boto a caminare e inpedéndoghe al genitore de fare un delito orendo. A sinque anni la gaveva za fato qualche ato miracoloso e gaveva penetrà, par ispirassion divina, el mistero de la presensa eucarìstica. Po’ ’ncora putela, gaveva inparà par ben el latin sensa che ghe iutasse nissun.
Na veduta de 'l sentro de Bassan co 'l ponte de i Alpini, vissin al quale se trova Palasso Bonaguro, sede de la mostra <i>Il Meraviglioso e la Gloria</i>.
Na veduta de 'l sentro de Bassan co 'l ponte de i Alpini, vissin al quale se trova Palasso Bonaguro, sede de la mostra Il Meraviglioso e la Gloria.
La pìcola Maria gaveva ’pena sie ani có so mama xe morta e cussì ’ntel 1615 so pare, no podendo ’ndarghe drio a la so educassion, la ga portà a Trento ’ntel monastero de le Clarisse che ghe ga dà na educassion come costumava a l’època. Ma Maria la voleva anca farse suora e cussì a dòdese ani la ghe ga domandà a so pare se la podeva fermarse lì ’ntel convento. Giovanni Bonomo prima ga ostacolà in ogni modo la vocassion de so fiola, la ga fata tornare a Asiago par farla sposare, ma dopo, vedendo so fiola propio decisa, ga vossùo incontentarla, riservàndose però de sèliere personalmente l’òrdine e ’l monastero. E cussì a quìndese ani, el 21 giugno 1621 Maria xe entrà ’ntel monastero benedetin de San Girolamo a Bassan, ciapando el nome de Giovanna Maria. Xe scomissià cussì el so viajo verso la perfession: la so vita gera piena de vision celesti e de esperiense mìstiche, che le diventava ’ncora pi forti cò la riceveva la Comunion.
La xe stà provà ’ntel corpo e ’ntel spìrito. La ga ricevùo anca le stìmate, la vigneva vista ’ntel stesso momento i do posti difarenti e lontani, la gaveva fama de santità, ma anca par questo ghe ga tocà de tolerare la cativeria de parecie consorele, de ’l confessore e parfin de la Curia de Vicensa, che par sete ani ghe ga vietà de ’ndare in parlatoio e de scrìvare létare. El confessore, po’, la considerava mata e xe rivà parfin a inpedirghe de ricévere la Comunion, finché un giorno la Sacra Particola ghe xe stà portà da un àngelo.
La situassion xe canbià ’nte i ùltimi vinti ani de la so vita. I ghe ga lassà scrìvare de novo e la xe stà anca eleta badessa, po’ priora e po’ de novo badessa. A le mònaghe de San Girolamo de Bassan la ghe insegnava che la santità no xe ’ntel fare robe grandi, ma ’ntel cònpiere perfetamente le robe sénplici e comuni. Raquanti, anca nòbili, ’ndaseva da ela par consili e i poareti e i bisognosi i godeva de la so carità granda, virtù che, insieme a l’umiltà e a na passiensa eròica, xe stà le caraterìstiche de la so vita. Romai vecia, colma de mèriti ma anca de dolori, Giovanna Bonomo se xe stuà ’fà na candeleta ’ntel so convento de Bassan.

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Massa ciàcole in piaza...
La proposta de lege ’pena aprovà dal Consiglio Regionale del Veneto la xe na roba seria e inportante, ma se ga l’inpression che su la carezà del dialeto sia spanìo on futìo de papàvari che fa bela vista... e basta!
de Mario Klein
 
Zente de Padova
Leggi l'articolo Giorgio Abetti
de Arturo Baggio
 
La nostra gente
Leggi l'articolo Loretta, na "Mama del cuore"
de Maria Luisa Furin Zilio
 
Pensieri noturni, in dialeto de la Bassa Padovana
Leggi l'articolo Sinfonìe ’nte ’l buso del seciaro
de Marcello Lazzarin
 
Storia materna, in triestin
Leggi l'articolo El porto de Trieste
de Luigi Perini
 
Cultura visentina
Leggi l'articolo La Beata Giovanna Bonomo
La vita de la mònaga bassanese, nata 400 ani fà, ga ispirà na mostra a Palasso Bonaguro, che xe verta fin el 10 giugno pròssimo
de Giordano Dellai
 
Da Ìsola Vicentina (VI)
Leggi l'articolo On gireto a Pòsina
de Gianni Fioretto