Quatro Ciàcoe
Mensile de cultura e tradission vènete
de Gianni Fioretto

Da Ìsola Vicentina (VI)

On gireto a Pòsina

A puchi metri dal torente, el vecio molin, prima del restauro.
A puchi metri dal torente, el vecio molin, prima del restauro.
"’Ndemo a far on gireto a Pòsina." Proprio cossita ga dito ’n dì uno de ’a nostra conbrìcola, specificando de voler far sto gireto prima che ’l fredo inbrosemasse le belesse de ’a natura. "Anca parché – ’l ga continuà – so’ curioso de védare cossa ghin xe stà de tute ’e nostre fadighe." Drioman che la màchina masenava i chilometri, come so ’n sogno za visto, la mente sfornava emossion e mominti ancor vivi gonfiava l’ànimo de tanti ricordi. ’Lora, falìo el primo tentativo de conprar ’na casa parché jera ’ndà in fumo, co l’aiuto del barba Walter, da sirca ’n ano se gera in tratativa pa’ conprar on tòco de teren fra pra’ e bosco, co du rùderi che ’na volta jera stà el vecio mulin de Pòsina. Nantri de ’a parochia de Isola Vicentina se jera stà incantà da sto posto al sole, so la strada che portava al passo de ’a Borcola e al de soto passava on torente. On posto da sogno de quindesemila metri quadri. Pecà che ’l fusse stà ’sbandonà da trent’ani, creando on disajo inimaginàbie.
In quel tenpo la parochia se staséa interessando de trovar altri posti, parché el presso sbarà da ’a siora parona jera massa alto par le scarsele de don Giorgio. Eco però che, co ’na telefonada, el barba gavéa fato savere che bisognava catarse parché ghe gera de ’e grosse novità. Sentà ’torno ’a tola a casa del barba, nantri de ’a comission co in testa el pàroco don Giorgio ghe gèrimo tuti, mentre Walter e la parona jera on po’ in desparte, tanto che sta dona somejava intimidìa in meso tanti òmini. Però có la ga ciapà la parola, la so vosse gentìe xe paresta ferma e sicura, vegnendo suìto al dunque.
Cussì la siora ga parlà: "Da precise risserche me risulta che la parochia de Isola, ga intension de conprar sto posto pa’ farne on ritrovo educativo morale par zóvani e verto a tuti quei che ga i stessi propòsiti, al de fora de altre forme de speculassion. A sto riguardo go pensà de contribuir a sta bela inissiativa, dimesando el presso de prima." "Mama mia che core bon ga sta dona" go pensà.
Ma cossa no xe stà la me sorpresa có ’l geometra staséa scrivendo so ’l preliminare, uno de nantri, dopo ’ver fato ’n salto so ’a carega, el ga molà on pugno sora ’a tola sbecando: "No sarà mai dito che ’l presso sia tondo, dimando che vègna tirà via nantro milion!" La siora se ga ’ncricià come on gemo so ’a carega come spaurà, don Giorgio ga sbassà ’a testa, sarando i oci, come ’l fusse drio confessare calchedun, el geometra xe restà co la pena a mèsa strada a spetar che sucedesse ’l patatrac. A salvar la situassion xe stà ancora sta bona dona che, so meso soriseto sforsà, la ga sussurà: "Va ben e cossì sia, có se fa ’n’opra bona, se deve nar fin fondo."
A discantarme da sti pensieri xe stà che jèrimo rivà so ’l paese de Pòsina, ’ndando a trovar i du sinpàtici spositi che i gestìa ’na pìcola pisseria. Sti du se gavéa fato ’n nome sia par la grassia che doprava te l’acoliensa, co ’n soriseto spontaneo stanpà so a boca, che par la bontà de ’na pissa da favola.
La casa del munaro, prima de 'a demolission, par farla sù nova.
La casa del munaro, prima de 'a demolission, par farla sù nova.
Dopo ’verse bagnà el bèco insieme a tuta ’a conbrìcola, se gavemo catà in via Gana par tocar co man (come san Tomaso) come in sti ani i gavéa conservà le nostre fadighe. Catà el porton sbacià, se gavemo presentà curiosi e suìto se gavemo incantesimà. Tuto jera restà come ’na volta co de ’e miliorìe, el resto lo gavéa fato el tenpo, fasendo créssare piante e piantine che nantri gavìvimo inpiantà. El pra’ ’pena rasà da l’erba e le porte da calcio da ’e parte faséa pensare che de ’a jente ancor zugava, parfin l’iluminassion jera ancor lì tuta funsionante pa far ciaro ai zughi de ’a sera.
Pianelo me so’ portà zo in basso verso el torente ’ndove so ’n angoleto de intima meditassion ai piè del mormorìo de l’aqua, gavìvino creà l’altare co na grossa pria strassinà lì co fadiga e dadrìo ’na crose de olivo invitava a la meditassion. Tuto ’torno a sercio aceri, orni, betule e tili, formando on maestoso anfiteatro, se prestava sia a solitarie preghiere che a scoltare bone parole. A svejarme da sti pensieri ghe ga pensà Silvano diséndome: "Ciò, Giani conta a sta jente cossa xe capità quea volta che co na luànega gavemo magnà in quatro vansàndoghene anca on tòco..."
Jera al tenpo natalissio e in quatro se gavéa pensà de ’nare in Pòsina a tajar on tòco de bosco. ’Na sera che se ghin parlava so ’na riunion in canònica, uno de i capi scouts, on serto Massimo, scoltando i nostri discursi el xe intervegnù disendo che quel zobia el se gavarìa prestà a pareciarne el pranso de mesodì. Nantri lo gavemo ringrassià e disendo de spetarlo sensa falo, lo ghemo saludà.
Quel zobia la brósema in tel bosco de Pòsina jera cossì alta da senbrar gavesse nevegà. Verso le óndase ze saltà fora on vento che urlava da far paura. Otavio ga scumissià lagnarse, disendo de voler nar casa. Ghin’à volesto de passiensa pa’ calmarlo, spiegàndoghe che a mesodì se gavarìa catà calcossa de bon e de caldo. Có xe stà l’ora, tuti in màchina co ’na facia sbasìa da far pecà, tanto jera stà el fredo che se gavéa patìo. Có semo riva in contrà Cervo, ’ndove la parochia gavéa na caseta in afito, de Massimo gnanca l’onbra. Le finestre e i balcuni de ’e porte jera tute sprangà e, dopo ’ver fato do volte el giro de ’a casa ciamando sto toso, spetà ’na mèsa oreta, semo tornà moli moli tel bosco. Tirà fora ’na luànega e on po’ de vin vansà el dì prima, ghemo fato quatro parte. I altri tri ga becolà calcossa, ma mi massa stomegà, no so stà bon mandar zo gninte. Solo Otavio ga vudo el corajo de dir: "Vate a fidare de i zóvani ti!"
’Lora uno de ’a conpagnìa el me ga fermà da sta brentana de ricordi disendo: "Có sto contar de magnare, te me ghe fato vegner fame: parché no ’ndemo da i du spositi a gustarse ’na pissa?"

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Massa ciàcole in piaza...
La proposta de lege ’pena aprovà dal Consiglio Regionale del Veneto la xe na roba seria e inportante, ma se ga l’inpression che su la carezà del dialeto sia spanìo on futìo de papàvari che fa bela vista... e basta!
de Mario Klein
 
Zente de Padova
Leggi l'articolo Giorgio Abetti
de Arturo Baggio
 
La nostra gente
Leggi l'articolo Loretta, na "Mama del cuore"
de Maria Luisa Furin Zilio
 
Pensieri noturni, in dialeto de la Bassa Padovana
Leggi l'articolo Sinfonìe ’nte ’l buso del seciaro
de Marcello Lazzarin
 
Storia materna, in triestin
Leggi l'articolo El porto de Trieste
de Luigi Perini
 
Cultura visentina
Leggi l'articolo La Beata Giovanna Bonomo
La vita de la mònaga bassanese, nata 400 ani fà, ga ispirà na mostra a Palasso Bonaguro, che xe verta fin el 10 giugno pròssimo
de Giordano Dellai
 
Da Ìsola Vicentina (VI)
Leggi l'articolo On gireto a Pòsina
de Gianni Fioretto