Quatro Ciàcoe
Mensile de cultura e tradission vènete
de Maria Luisa Furin Zilio

La nostra gente

Loretta, na "Mama del cuore"

La fameja Masiero: da sin., Danila, el papà Roberto, la mama Loretta, Francesco e Giovanni.
La fameja Masiero: da sin., Danila, el papà Roberto, la mama Loretta, Francesco e Giovanni.
Al dì d’oncò, ghe xe tante mame che le va in cao al mondo par ’ndarse tore on putèo che no ga nessun, par darghe na fameja dove che ’l possa trovare amore e sicuressa par créssare puìto. Mi ghe ne conosso tante de ste mame, che le xe ’ndàe in Russia, Perù, Ecquador, Thainlandia, Romania, Bulgaria e in altre nassion: le se ciama le "MAME DEL CUORE". Ma no xe cossì fàçile portarse casa on fioleto, altro che nove mesi de gestassion! L’atesa xe estenuante, anca più de quatro ani, durante i quali ste mame, oviamente insieme al marìo, che ’l ga na inportansa fondamentàe ne l’educassion de i fioli, le matura na forsa e on corajo straordinari, senò le molarìa tuto.
No podemo gnanca imaginarse cossa che ghe vole par realisare el so desiderio. Prima de tuto, incontri co on psicòlogo e na assistente sociale, che i scrive na relassion su la copia, par otegnere l’abilità de l’adossion, che ghe rilassia el Tribunale de i minori.
E po’, un desterminio de certificati e de acertamenti, parfin la vìsita pissichiatrica e l’esame de l’Aids par tuti do i genitori, la vìsita de na assistente de l’Ulss par védare se la casa xe adata e quela de i carabinieri... ’Desso ghe xe tante Associassion che s’interessa de le adossion, ma, nel 1986, quando che Loretta e Roberto Masiero de Trambacche de Veggiano (PD) i ga pensà de adotare do putèi in te on colpo (de sui no ghe ne rivava) parchi se fasesse conpagnìa, i se ga rivolto al GMA de Montagnana, Gruppo Missioni Asmara, de cui xe tutora responsàbili Padre Vitali e Maria Boggian.
El fine del GMA no ’l xe quelo de le adossion, ma de sostegno a le so atività missionarie de Asmara, che xe la capitale de l’Eritrea.
Savemo che ghe xe stà na longa e sanguinosa guera tra sta nassion e l’Etiopia e, come senpre, tra le orìbili conseguense, ghe xe el problema de i òrfani e de i putèi abandonài, fruto de violensa su le done. Ne l’ospedàe de la Mission, sostegnùa come go dito dal GMA, vegneva portài tanti toseti abandonài ’pena nati. Par interessamento del suor Giusta, che lavorava in chel’ ospedàe, de padre Vitali, de Maria Boggian e de l’avocato Beraki, che ga mandà ’vanti la pràtica, Loretta e Roberto xe riussìi a ’vere do putèi: Giovanni de 16 mesi e Danila de 4 ani, che i gera stà batesài da la suora.
A causa de la guera, no i ga possùo né védarli prima, né ’ndàrseli tore in Africa, ma a Roma, dove i xe ’rivài co la mojere de l’avocato de Asmara: gera el 16 giugno del 1990.
La storia de sti do putèi? Giovanni xe stà portà in ospedàe ’pena nato, e là el xe restà par sédase mesi in cuna: no ’l caminava, no ’l parlava e el gera sensa denti. Danila, invesse, la xe stà trovà in meso a on "canneto" có la gaveva sete mesi e dà a na fameja poareta, dove la ga patìo tanta e tanta fame. Infati, i primi tenpi, la magnava da sola co la pignata e la tecia sora la tola e, finìo, la se inpeniva le scarsele de pan e polenta. E qua vien el belo! Loretta, dopo 10 giorni che la se gaveva portà casa i do moreti, la ga vissùo na aventura meraviliosa: la ga partorìo on putèo: Francesco. No ga del straordinario sto fato? Penseve, tre fioli ’rivà tuti insieme, co esigense diverse. Par sie mesi, sta mama davero "grande", la ga dormìo solo tre ore a la note, epure la ghe la ga fata, co l’aiuto de na man da l’alto (la me ga dito). Oviamente, ghe xe stà na mobilitassion generale del paese: noni, parenti, amissi, na vera gara de solidarietà comovente. Francesco, Giovanni e Danila i se vole ben e i va d’acordo come fradèi. I xe stà circondài senpre da tanto afeto e rispeto, no solo ne la so fameja, ma ne la scola, da insegnanti e conpagni e anca da i so genitori. ’Desso i frequenta le Superiori a Padova e i promete tanto ben.
Na volta che Loretta ga conpagnà Giovanni, da pìcolo, dal dotore, na putèa daun la ghe ga fato na caressa e po’ la se ga vardà la man, par védare se la gera sporca de nero... Nel 1995, el ministro de i afari sociali eritrèo el xe ’ndà a Trambacche, par rèndarse conto de persona de la salute de Giovanni e Danila. El ga pransà in casa Masiero e el xe stà sodisfato nel védare i putèi tuti contenti, che i saltava e zugava in giardin. Disemo, però, che el scopo de la vìsita xe stà anca quelo de farghe capire a Roberto e Loretta che i ga da insegnarghe ai do putèi de amare la tera dove i xe nati. Infati, quando che Giovanni vede par TV on documentario su l’Africa, el viso ghe se ilùmina.
E, par finire, dèdico alcuni versi de on anonimo filipino a tuti i putèi adotài, a Loretta e a tutte le "mame del cuore" del mondo. La poesia la se intìtola: "Messaggio a tutti i bambini adottati". C’erano una volta due donne / che non si erano incontrate. / Una che tu non ricordi, / l’altra che tu chiami mamma. / Due vite differenti / nel completamento di una sola, la Tua. / Una era la tua buona stella, / l’altra il tuo sole. / La prima ti diede la vita, / la seconda ti insegnò come viverla. / La prima creò in te il bisogno d’amore, / la seconda era qui per colmarlo.

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Massa ciàcole in piaza...
La proposta de lege ’pena aprovà dal Consiglio Regionale del Veneto la xe na roba seria e inportante, ma se ga l’inpression che su la carezà del dialeto sia spanìo on futìo de papàvari che fa bela vista... e basta!
de Mario Klein
 
Zente de Padova
Leggi l'articolo Giorgio Abetti
de Arturo Baggio
 
La nostra gente
Leggi l'articolo Loretta, na "Mama del cuore"
de Maria Luisa Furin Zilio
 
Pensieri noturni, in dialeto de la Bassa Padovana
Leggi l'articolo Sinfonìe ’nte ’l buso del seciaro
de Marcello Lazzarin
 
Storia materna, in triestin
Leggi l'articolo El porto de Trieste
de Luigi Perini
 
Cultura visentina
Leggi l'articolo La Beata Giovanna Bonomo
La vita de la mònaga bassanese, nata 400 ani fà, ga ispirà na mostra a Palasso Bonaguro, che xe verta fin el 10 giugno pròssimo
de Giordano Dellai
 
Da Ìsola Vicentina (VI)
Leggi l'articolo On gireto a Pòsina
de Gianni Fioretto