Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

I tipi stranbi de on tenpo

Serto che a védarlo, cussì vestìo co sta borsa de pèssa a tracola... el ne faséa proprio paura a noantri tusiti.
Serto che a védarlo, cussì vestìo co sta borsa de pèssa a tracola... el ne faséa proprio paura a noantri tusiti.
De tipi cussìditi stranbi, ghi n'ò conossù arquanti anca mi e so sto me raconto li metarò insieme a quei che me contava el nono in te le sere de neve, sentà 'torno el fogolaro.
Alora scumissiemo co quel che vegnéa ciamà el Coco e mi me lo ricordo, sepur on pochetin da lontan. I lo ciamava "el Coco", e se podéa incontrarlo solo in mezo al bosco, quando se 'ndava a buii o a castagne. El staseva in te na caseta picenina, in mezo ai maciuni de castagnara e la so vita la gera tuta lì. La prima volta che lo ghemo incontrà, ghemo ciapà cussì paura, da scapare a casa de corsa. El ghea na scavejara de rissi alta e despetenà e na barba mora e rissa, on par de braghe tute sbregonà, e piè par tera. Sì, proprio descalso, sensa scarpe e intorno el ghea na camisa inpirà sù a "tri lanpi e na tonà e zo aqua", come se diséa alora. Rivà casa noantri fradéi, gèrimo corsi subito a contarghe a la mama e al popà cossa che se gavéa visto in tel bosco. Ma luri i ne gavéa subito sicurà, disendo che el gera na persona stranba, sì, ma bona e che no 'l faséa male proprio a nessun. Ansi, el ghe contava a tuti le so filastroche, na spece de poesie inventà da lu, che no sò se el fusse mai 'ndà a scola. La seconda volta, incontràndolo se se gera fermà a scoltarlo. Dopo che 'l ne gavéa saludà col so "Ciao, tusiti!", eco che 'l ne contava le so filastroche: "E chi che vansa ride / e i marcia su e giù / ma mi go fato i debiti / e no li pago più..." E nantra diséa: "Sensa quatrini in tasca / descalso come on can / e questa xe la vita / del povero vilan!." Da chel dì no se gavèa pi 'vù paura del Coco. Ansi, cò 'l se vedéa, el deventava on avenimento da contare in casa, come na roba inportante.
Nantro tipo stranbo vegnéa ciamà "el Papa"; no se savéa ben parchè. Pìcolo de statura, co le ganbe on po' inarcà, el se industriava a ciaparse on franco vendendo bajiji, fave e carobe, che 'l portava in giro sora na barachina tirà a man. No 'l ghea senpre vita fàssie, parché i maleintensionà a volte se diséa che i ghe fasesse bévare qualche goto in pi e dopo i ghe portava via la roba, ruspando drento i sachiti. I ne contava che, quando el se gavéa maridà, gera stà fato na gran festa, on po' par far bàgolo e on pocheto parché i ghe voléa ben. I gera 'ndà a tore la sposa in tel paese arente co ventioto "cai de bo". El primo che guidava la fila, se gera vestìo da capitano, co la spada in fianco. I ghea cargà el muceto de pòvare robe, che gera la "dote " de la sposa e via, verso la colina, cantando col sposo, sentà sol primo caro arente al "capitano". I se fermava ogni tanto par bagnare la gola drento le bétole che i catava drio la strada. Rivà in piassa, girando 'torno al monumento, i faseva cussì bacan da far vegner fora parfin i "carbunieri" (alora i se ciamava cussì), a védare cossa che gera capità.
Serto che ste robe che ne vegnéa contà, no le ne paréa vère a noantri che le se scoltava. Invesse le gera proprio pura vertità, on tochetin del nostro vìvare passà.
Continuando a furegare in tel cassetin de i me ricordi tusiti, eco che salta fora nantro tipo stranbo. Mi, lo vedéa rivare al de là de la mureta de l'Asilo, parché el vegnéa a domandarghe la carità al prete, savendo che 'l faséa tanta carità, al punto che se diseva el fusse on Santo. Sto tipo i lo ciamava "Rassacagna" e el girava co na bicicreta fata da lu co tanti tochi avù in elemosina. El meteva zo la bicicreta posà sol canton de 'a casa, ma 'pena che Don Angelo lo vedéa, el coréa subito fora, parché el 'ndasse via presto e no 'l fasesse scàndalo ai tusiti. Sì, parché de le volte (secondo el so estro) i diseva che no 'l gavesse le braghe, opure le gera tute sbregà, e la camisa (na spece de palandrana) no ghe bastava a covèrzarse ben. Qualcun diséa che 'l girasse cussì par farghe pecà a chi lo vedéa e cussì i ghe fasesse pi carità. Eco che Don Angelo ghe daseva i soldi, disendo: "Me racomando, el se conpra on paro de braghe." Par la camisa el ghi ne dava una de le sue. Eco che "Rassacagna" el saltava sù par la bicicreta e, frenando co na scarpa, el partìa zo par la strada, quasi senpre inseguìo da i tosati poco seri che i lo burlava, toléndolo in giro e diséndoghe "Rassacagna", ciapàndose da lu na streja de inproperi. Serto che a védarlo, cussì senpre vestìo de moro, co na barba longa e i caviji scarufà e na borsa de pèssa a tracola, dove el ghe inpirava i rosegoti de pan e la fete de poenta che 'l catava par carità, sì, el ne faséa proprio paura a noantri tusiti. La gente diseva che el vivéa so na caseta sora on montesèo, e el gavéa on tochetin de tera co patate e fasòi. Lu, có gera tanto caldo, el sapava le patate de note, al ciar de luna, cantando, parché cussì el soe no lo scaldava massa e gera pi fresco. Essendo solo, a la note no 'l gavéa bisogno de tanti vestiti. Ma el gera stà spià e on bel momento el gera 'ndà via, lassando casa, tera e patate, e andando a elemosinare qua e là, par dormire de note, magari drento on pajaro. Ma lu, voja o no, el gavéa deciso de vìvare la so libertà.
Nantro tipo che me tira fora adesso la mente, gera on poareto che vegnéa par elemosina, che se ciamava Giusto. "Poareto - diséa i grandi - ghe manca na fassina", par dire che el gera on pochetin fora del normàe. El rivava lì, sol meae de la porta, paternostrando, disendo na orassion, a alta ose, po' el diséa: "Parona, fala la carità, par amor de Dio?" Có 'l ciapava in man on scheo o na feta de poenta, lu el sbassava la testa intimidìo e el faséa girare la bareta in testa on par de volte co na man e, come ringrassiamento, el se faséa el segno de la crose, disendo nantra orassion, par la bona salute. Me par ancora de védarlo partire, andando on pochetin de tranbalon, col so baretin in testa, contento de chel poco che i ghe daseva, e strenzendo fra le man el so sacheto de fete de poenta e de qualche rosegoto de pan, ciapà da i pi siuri - de chel tenpo - come se el strenzesse on tesoro, ma che in fondo gera quel che ghe permetéa de vìvare la so vita.
De tipi stranbi de chel tenpo ghe ne sarìa ancora tanti da contare, ma sarà par nantra volta, me digo, pensando che anca al dì de ancò, i xe diversi, ma mi ghe ne vedo on mucio.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo E 'desso... tuti a scola?
No lo prevede el disegno de lege del ministro a l'Istruzion, Mariastella Gelmini, ma 'l ne pare necessario, visto che tanti genitori i difende senpre so fiòi, anca quando che i ghe ne conbina de grosse, metendo cossì a ri-scio l'educazion de i fiòi stessi
de Mario Klein
 
Sbiansi de cultura orale
Leggi l'articolo La Màbile, na quartesa rostelona
de Dinerio
 
Dal Piovese (PD)
Leggi l'articolo Luigi Bozzato
Un omo da no desmentegare
de Umberto Marinello
 
Da i Coli Euganei
Leggi l'articolo I tipi stranbi de on tenpo
de Gemma Bellotto
 
Da Maran Lagunare (UD)
Leggi l'articolo A palmolà
de Maria Damonte
 
Da Isola Vicentina (VI)
Leggi l'articolo Na tèpida sera d'istà
de Gianni Fioretto