Quatro Ciàcoe
Mensile de cultura e tradission vènete
de Ines Scarparolo

Da Vicenza

"LA GUERRA... e la vita pulsava"
Co sto secondo lavoro de ricerca storica, la nostra Lucia Beltrame Menini la ga superà se stessa, dimostrando che co la passion e la volontà se pol fare de i capolavori

Lucia Beltrame Menini, Ferdinando Camon e Mario Klein drio spetare le autorità... par tacare. (foto I. Scarparolo)
Lucia Beltrame Menini, Ferdinando Camon e Mario Klein drio spetare le autorità... par tacare. (foto I. Scarparolo)
Domènega 26 aprile, sfidando el tenpo, co ’l me omo e l’amica Laura a semo partìi soto la piova, direti a S. Pietro di Morubio, ne la Bassa Veronese, parché a gavéo ciapà on invito dal bon "speciale". Se tratava de la presentazion de l’ultimo libro de la me amica Lucia, in Vila Gobetti, presente ’diritura el prof. Ferdinando Camon. Gnanca el diluvio universale podéa farme pèrdare sta ocasion!
Prima ghe xe stà la cerimonia de inaugurassion de Vila Gobetti, dopo i lavori de ristruturassion. Dopo la benedission del Pàroco don Michele, se xe passà al piano dessora, dove faséa da soàsa na Mostra de tresento foto so la jente e i loghi de la Pianura Veronese, a cavalo fra le do Guere Mondiài.
Quatro Ciàcoe
A le sinque xe stà presentà: "LA GUERRA... e la vita pulsava. Voci morubiane nella II Guerra Mondiale". Sto libro, òpara de Lucia Beltrame Menini, xe fruto de ben sete ani de on passiente laòro de ricerca fata ’te i Archivi stòrici e, par lo più, scoltando la jente, quela che ga visto, che ga vissudo, che ’ncora ricorda i ani de l’ùltima guera. Le xe testimonianse direte de i pochi reduci che ’ncora vive, testimonianse de ’e fameje de quéi che no ghe xe più, e scriti oficiài, létare e cartoline militari.
El libro conclude on projéto scominsià ’ncora ’tel 2001, co la publicassion de "Ta-pum – Lettere dal fronte" (Panda Edizioni, Padova - prefassion de Mario Rigoni Stern), indove che la Lucia ga racolto létare, ilustrassion e testimonianse de soldà, senpre de San Pietro, relative a la guera del ’15-’18. Co la realisassion de sto ùltimo libro (F.lli Corradin Editori, Urbana-PD, prefassion del prof. Ferdinando Camon), la bravissima scritrice la ga contà quelo che ghe stà sul serio drìo de na guera, partìndo da quelo che ga vissudo la pora jente, robe che no cata serto spassio ’te i libri de scola: storie de patimenti grandi, de ani de prigionia, finìa, par serti, anca co ’l sacrificio de la vita. La jente inpienava do sale, paréa che la fusse on mare: tuta San Pietro jera là, inmagà a scoltare, a vardare, a bàtar le man. In chéi momenti se rivivéa la storia del paese, i so dolori; propio ’vanti de mi, jera sentà el reduce Sante Zamboni, el soldà che catemo so la copertina del libro; tacà de le otorità, stava i rapresentanti de le Associassion Conbatenti, co ’l so gonfalon.
Propio rente la Lucia, bela ca no so, el Sindaco, Giorgio Malaspina che ’l ga dedicà paròe de elogio, e anca de afeto par sta bravissima "sitadina onoraria", nominà ’tel 2008. Altre paròe de gratificassion par ’ver sostegnù la publicassion, xe stà quele del rapresentante de Crediveneto, el dr Renato Modenese e Consiliere de la Provincia de Padova. Se ga dà ato de na realtà granda: no xe solo le sità, le metropoli a èssar tera de grandi artisti, tante volte i vien propio da la tera pi umile, la canpagna.
Tàvolo de i relatori: da dx, el Sìndaco Giorgio Malaspina, Lucia Beltrame Menini, Ferdinando Camon, Renato Modenese e l’Assessor Corrado Vincenzi. (foto Giuseppe Lavarini)
Tàvolo de i relatori: da dx, el Sìndaco Giorgio Malaspina, Lucia Beltrame Menini, Ferdinando Camon, Renato Modenese e l’Assessor Corrado Vincenzi. (foto Giuseppe Lavarini)
A sto punto Mario Klein el ga presentà el professor Ferdinando Camon, fiolo de la nostra tera veneta, paladin de la zente pi umile, scritor de oltre venti libri, giornalista, opinionista e on fraco de altre robe, omo da la grande intelijensa e umanità che ’l ga fato, par el libro de la Lucia, na prefassion da lèsare tuta de on fià.
El professor Camon el parla de sto libro come de on libro inportante, e ’l fa capire che i contadini, anca se i va in guera, i resta contadini. Più che biografie, ste pàgine le deventa on insieme de tante pìcole storie vere, fate da jente che ga laorà umilmente e che ga fato in modo che le robe "grande" de la nostra storia le sucedesse. Tanti contadini, da on giorno par l’altro i xe deventà, sensa che gnanca i savesse el parché, soldà e có i xe tornà, quéi che xe tornà, i ga riscominsià a laorare i so canpi, come prima.
Se anca i tusi de scola conossesse na minima parte de sti avenimenti, i podarìa capir de più cossa che la storia xe stà, cossa ca vol dire èssare on soldà e cossa significa la parola "caduti". Le testimonianse che la Lucia la conta in sto libro, le xe in bona parte tanto pì "eroiche" de serti fati contà ’te i libri de scola.
Ogni soldà che vien ricordà ’te sto libro, el fa, a parole, la so lamentassion. Eco che ’lora, "La Guerra... e la vita pulsava" deventa na spece de "Antologia di Spoon River". La xe on’òpara che deventa documento, par tute chée notissie che senò no rivarìssimo mai a conóssare. Tuti quanti se ghemo spelà le man par on aplauso al professor Camon, scritore scomodo, come che ga zontà Mario Klein, come scomoda xe anca, senpre, la verità.
Intervento de Sante Zamboni, el soldà che xe so la copertina del libro. (foto G. Lavarini)
Intervento de Sante Zamboni, el soldà che xe so la copertina del libro. (foto G. Lavarini)
E xe stà la volta, infine, de passarghe el microfono a la nostra Lucia, scritrice dal core grando, che fin dal 2002 la ga scominsià tor sù dati, anedoti, testimonianse; e la ga copià (tuto a man!) a l'Archivio de Stato oltre 800 "fogli matricolari", metendo insieme anca tantissime biografie de civili, e più de quatrosento ilustrassion e foto de l’època... E Lucia, emossionà, dolse come senpre co ’n soriso che te conpra l'ànema, la ga contà che l’inpegno ghe xe stà, sì, e tanto, e che tuto xe scominsià ’tel 2001 có la ga catà, ’te na casseta militare del popà, na straje de létare de soldà. Lucia, a Vila Gobetti, la xe senpre stà de casa; so zia Rita la ghe jera a servissio e nel ’54, có xe rivà la television, ela la vegnéa védarla propio qua, te ste sale. E da la scalinada granda de la Vila, ’tel giugno del ’66, la xe vegnù zo vestìa de bianco, promessa sposa. Solo na gran poetessa come la Lucia Beltrame Menini sarìa stà bona, dopo i discorsi uficiài, a far spanire bocoleti de poesia...
E la soride a tuti, la ringrassia, soratuto i Reduci. Scrivendo sto libro la ga patìo co lori, e tute ste pàgine xe a ricordo de lori. "La guera", la dise infine, "no la costruisse gninte, solo la destruge."
La nostra Autrice drio fare na dèdica so’l so libro. (foto G. Lavarini)
La nostra Autrice drio fare na dèdica so’l so libro. (foto G. Lavarini)
El condutor finisse lesendo l’elenco de i nomi de quéi che no xe più tornà da sta guera, e che ’desso torna parò a èssar vivi so ste pàgine. La comossion xe dal bon granda e la scunisse on fià on sinpàtico omàjo floreale, da parte de l’Assessore a la Cultura, dr. Corrado Vincenzi, a l’Autrice, a la Presidente de la Pro-Loco, Agnese Ferrari, e a la coordinatrice de le manifestassion, Margherita Marconcin.
L'ocasion xe stà bona par saludare i amissi, la Nadia Zanini, Bepin Lavarini, Agnese Girlanda, Luciana Gatti e altri, visti de scapon ma soridenti, felissi par chéi momenti vissudi insieme.
On colpo de ocio so una de le do sale stracolme de jente. (foto G. Lavarini)
On colpo de ocio so una de le do sale stracolme de jente. (foto G. Lavarini)
Fora, la continoava a vegner zo... aqua-ranta, ma drento, el core el bojéa de entusiasmo.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo "Clandestini": che bruta parola!
El problema de i imigrati nel nostro Paese, in sto momento, el xe come on "roveto ardente". La facenda la xe talmente ingrejà che bisognarà nare a fondo anca so ’l ciamarli "clandestini", parché le parole le ga el so peso
de Mario Klein
 
Cultura orale
Leggi l'articolo La vanzega
de Dinerio
 
Ricordi
Leggi l'articolo La cantina de i schiti
de Luigi Frosi
 
Da la Marca
Leggi l'articolo El cantar de i osèi
de Emanuele Bellò
 
Da Maran Lagunare (UD)
Leggi l'articolo Ciàcare de comari
de Maria Damonte
 
Da Lendinara (RO)
Leggi l'articolo El mazo de frasche
de Renato Scarpi
 
Da Vicenza
Leggi l'articolo "LA GUERRA... e la vita pulsava"
Co sto secondo lavoro de ricerca storica, la nostra Lucia Beltrame Menini la ga superà se stessa, dimostrando che co la passion e la volontà se pol fare de i capolavori
de Ines Scarparolo