Quatro Ciàcoe
Mensile de cultura e tradission vènete
de Bepin Daecarbonare

Da Thiene (VI)

El me paese: Sarsedo
... La parte alta del teritorio la gera tuta un’onda dolse de colinete e montesèi...

Vesuta panoràmica de Sarsedo.
Vesuta panoràmica de Sarsedo.
El paese, na volta, el gera tanto difarente da come 'l xe ’desso, no vojo dire che 'l fusse mèjo, ma canbià sì.
La parte alta del teritorio la gera tuta un'onda dolse de colinete e montesèi, co prà, vignài e buschi, qualche casa e tanto verde.
Quela bassa, invesse, quasi tuta in pianura co canpi de formento o de sorgo a seconda de 'a stajòn e pi zò ancora prà e filari de ua, case e boarìe.
Ghe gera tanti fossi de aqua che coréa cantando, da i monti verso ’1 basso e oltra che bevarare la canpagna, i servìa a le done par lavare, insenocià par tera su de i lavéi de legno o de pierà.
Le strade gera sterà e parte par parte le gavéa le siese bele alte che a primavera le se vestìa a festa co i fiuri de biancospin, e a la sera le lùciole le faséa un girotondo, zelando rento e fora da le frasche e i griji inamorà, scunti tra l'erba i cantava le so serenate.
Verso l'otuno su le siese se maurava le more de russaro e i "stropaculi", bache de rosa salbega.
’Desso le strade xe larghe e sfaltà, su 'e colinete xe spontà un fraco de case e in basso, tuto un fiorire de capanuni e ciminiere.
Na volta, prima ancora che 'l sole spontasse a parar via la note, gran parte de la zente del paese gera za in pìe. A chel tenpo l'industria gera pitosto scarsa e quasi tute le fameje vivéa del laoro de 'a tera, duro e fadigoso, parché fato solo co la forsa de i mùscoli. Par questo al canto del galo la zente gera za al laoro e l'aria fresca de 'a matina, ossigenàndote i polmoni, la te portava odori e rumori che faséa da sotofondo a le fadighe. Profumo de fen e fiuri de canpo missià a l'odore de stala e tuto un trafegar de cariole, rastèi, banduni de late 'pena monto che naséa dal pòrtego a la stala, conpagnà dal bàtare su i sassi de i sòcoli de legno.
Altra musica matiniera gera quela che vignéa da la cusina. El camin fumava e sul fogolare se faséa bójare ’a late, se brustolava la polenta e se faséa el café de orzo su na pignatela de rame, la "raminéla".
Solo "el palasso de i siuri", quasi in centro al paese, el restava silensioso, co 'e finestre sarà e col camin sensa un filo de fumo che’ndesse sù a ricamare l'aria. I paruni vigneva starghe solo poche volte a l'ano e par poco tenpo, però, 'nte la caseta tacà 'l palasso ghe stava de guardia la Lussieta in pianta stabile.
Pensare a la Lussieta come guardiana la paréa na roba propio ridìcola. La gera na femeneta alta fursi un metro e trenta sentimetri, co' do ganbete curte e magre e un corpesin incagnìo, senpre coverto da abitini dal colore rosso o viola, che la faséa somejare a 'na toseta se no fusse stà pa ’l museto pìcolo, senpre rosso e tuto intrapolà da 'e rughe.
La vivéa sola e la paréa contenta de 'a so solitùdine, anca parché la gavéa catà rimedio a la so malinconìa, trincando ogni tanto un giosseto de vermut o de marsala, solo un giosseto, ma 'l gera bastansa par mandarla in "cerina", e alora la balava su 'e note de na musica, che sentìa solo ela, e naltri putèi la vardàvimo traverso el cancelo che la balava e la ridéa tiràndose sù la còtola rossa e metendo in mostra le so ganbete da toseta mai cressesta.
Quando rivava i paruni del palasso par un paro de setimane de vacansa o da S. Martin par tirare l'afito de i canpi e de le case che i gavéa in paese e ne i paesi vissini, la Lussietà gera tuta in agitassiòn e indafarà. La paréa na formigheta che 'ndasse vanti e indrìo, dal cancelo a la casa, co passeti svelti, le socolete che sbrissiava sul giarin del viale e ’1 masso de ciave che ghe batéa sul fianco.
Però la gera benvolesta da tuti, parché no la gera cativa, no ’a faséa del male a nessun.
I siuri del grande palasso i stava quasi senpre in casa o in giardin, sensa preocuparse de 'ndare a vèdare come vignesse coltivà le so tere, i se fidava de i contadini e de i mesadri. Sù te ’l monte i gavéa mi no sò quanti canpi, na casa granda, co stale, pòrteghi e barchesse. Là ghe vivéa na fameja de trentadò persone tra veci e zòvane... I vivéa co fadiga e tanto laòro, ma soto el grande pòrtego te catavi senpre na bancheta de legno, dove, quasi ogni dì, se fermava qualche poro can che 'ndaséa par carità e siben che i vìvari gera misurà par tuti, i catava senpre na scudéla de late e na feta de polenta.
Ghin gera uno che rivava puntuale verso sera, romai no ’l domandava gnanca pi gnente, el se sentava lì, spetando che i ghe portasse calcossa par sena. Dopo, se gera caldo, el naséa a dormire sul fen e de inverno el dormìa in stala sul fojaro.
I contava che 'l gera un trovatelo e che na fameja se lo gavéa tolto da pìcolo parché '1 ghe jutasse in te i canpi.
Có xe morto el pare adotivo, i fradelastri lo ga parà via da casa e lu xe 'ndà vìvare te i boschi. El magnava quelo che el catava in giro, parfina serpe e mas-ceti rissi che 'l cusinava sora un fogheto de frasche seche.
A chi no lo conosséa, el podéa far quasi paura, ma in paese tuti gera disposti a darghe calcossa da magnare o da vestire e quando i lo ga trovà morto te na stala, l'è sta un despiassére par tuti.

Da "Ricordi" de Leda Ceresara Rossi, prima parte. Seguirà el resto pi vanti...

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo L’ora de religion a scola che dà cussì tanto fastidio
La sentenza n. 7076 del Tar del Lazio, che esclude, ne i scrutini de fine ano, la valutazion par i studenti che frequenta l’ora de religion, xe l’ùltimo colpo gobo par scancelare l’insegnamento de la religion catòlica ne la scola
de Mario Klein
 
Ultime o quasi da l’Altopiano
Leggi l'articolo In ricordo de Mario Rigoni Stern
de Luigi Frosi
 
Memoria viva
Leggi l'articolo El martire Ugo Bassi a Padova
’Na interessante conversassion co ’l Papà durante la guera. Le storie conplesse de la Republica Romana de ’l 1849. La ritirata de Garibaldi in mezo a la Italia co’ i garibaldini, Ugo Bassi e Ciceruacchio
de Gigi Vasoin
 
Memoria euganea
Leggi l'articolo El marcà de Mossélese
de Pietro Gattolin
 
Da Adria
Leggi l'articolo Là ’ndó coreva el Canalin...
de Sergio Bedetti
 
Da Thiene (VI)
Leggi l'articolo El me paese: Sarsedo
... La parte alta del teritorio la gera tuta un’onda dolse de colinete e montesèi...
de Bepin Daecarbonare
 
Da Bovolon (VR)
Leggi l'articolo Te ricòrdito, nona?
de Nadia Zanini