Quatro Ciàcoe
Mensile de cultura e tradission vènete
de Laura Viaro

Da Lendinara (RO)

A ghe ne digo quatro!

El “quatrin” el gaveva el valore de quatro “piccioli” o “bagattini”.
El “quatrin” el gaveva el valore de quatro “piccioli” o “bagattini”.
“Uno no ’l xe da dare, do no xe da tòre, tre xe de bon cuore!” Cussì el dise on proverbio, fasendo riferimento a na regola de bona creanza o del “bon ton” de na volta, che (magari qualche volta inscartozà da modi rùsteghi e inbarazà) el jera forse più tegnù in considerazion de oncò. El vegneva menzionà in caso de calcossa da ofrire, robe picinine ca no gaveva gran valore: fiori, ciocolatini, pastine, fruti, insoma quele che de solito le faseva nàssare la domanda: “Quanti ca gh’in daga?” Se el tre el xe el nùmaro perfeto, el quatro, par mi, el xe ’ncora più inportante parché se pole dopararlo come on termine indefinìo che ’l va bene in tanti casi, par dire qualcossa in poche letere e de le volte, anca el so contrario, a seconda del contesto.
Presenpio “’vere quatro schei” o “quatro palanche” pole èssare na fortuna par tanti ma i xe scarsi par fare grandi intaressi. In tuti i casi, el giusto pa’ stare on fià chieti. Varda caso, i se ciama anca “quatrini”, difati el “quatrin” el gaveva el valore de quatro “piccioli” o “bagattini”, come che i jera ciamà a Venezia, monedine fate de mistura dal diametro de quìndese milimetri su par zo. Pare che el più pìcolo sia stà conià dal Doge venezian Sebastiano Ziani.
E se qualcuno ne fa ’rabiare a se gh’in dise quatro, chel tanto ca basta pa’ spiegare le to rason e i so torti, se xe possìbile, senza tirare quatro oche e no solo par rispeto de le bestie. E, senpre par stare in tema, se quatro gati i conta poco gnente, “mai dire gato se no te lo ghè intel saco”! Cossa ca ghe entra el quatro? El ghe entra e come! Difati qualcuno dise che el proverbio el sia stà canbià e che in prinzipio el fusse “mai dire quatro se no te lo ghè intel saco” e che ’l deriva da na legenda.
On caciatore el contava i oseli man man che ’l li meteva intel saco dopo ’verli copà. El quarto, però, co’ on scato, el se ga messo a volare da novo. A sto punto el caciatore gavarìa dito ste parole deventà famose par no desmentegarse che prima de cantar vitoria bisogna èssare sicuri da ’ver vinto.
Savère quatro ache no sarìa proprio el massimo, ma almanco le quatro ache i xe i fondamenti de on argomento o de na materia; se uno el le mete una sora chel’altra, scrite in stanpatelo, vien fora na scaleta par ranpegarse più in su, inte l’universo de la conossenza. Portè pazienza se me son slargà co’ la metafora, d’altra parte xe vero che co’ quatro “H” se disegna na scala a quatro pioli.
Scrivendo quatro righe a se riesse a scanbiarse na qualche idea senza fare on poema; in quatro e quatroto se fa in pressia, cossa ghe vole a far sù chele quatro strazze o tirar sù quatro muri? E po’, a semo tuti d’acordo che quatro oci i vede mèjo de do e quando che i se varda tra de lori i riesse a védare anca dove altri no xe boni. E anca se el zercio el xe perfeto, nissuno xe riussìo a indrizarlo so quatro lati. Sbandierare a i quatro venti no va ben se se trata de on segreto o de na notizia riservà, el deventa necessario in caso de emergenza.
E le ciàcoe? Quante par no stufare e passare qualche ora in conpagnìa a scanbiarse idee, notizie e spetegolezi? A lo savemo tuti, no ocore dirlo! Se po’ ghe zontemo quatro ridade xe ’ncora mèjo. Su quatro rode se xe più sicuri che su do o tre; quatro le xe le stagion, quatro i punti cardinali e le fasi de la luna. Quatro i xe i elementi che xe stà doparà pa’ inpastare el mondo e che ga dà vita a tante teorìe piene de sugestion e mistero, conprese quele de Ippocrate so i quatro umori del corpo. Quatro el xe el nùmaro de le proporzion de l’omo e anca el sìnbolo de la perfezion morale. Par i Maya el jera el nùmaro perfeto però speremo che i se sia sbalià so ’l resto, parché no ’l ne còmoda miga massa, credo che più de uno de noaltri gavarìa qualche inpegno par sto fine ano.
Stando a le ultime scoperte basà su i studi de i geroglifici de i ultimi do ani, a pararìa, proprio da i calendari Maya, che la fine del mondo la slitarà in avanti de altri 7.000 ani. Par fortuna a femo tenpo a prenotarse on postesin dove ca ne piase, in piè o destirà, senza ’ndare tuti inte na volta; no sò s’a me son spiegà. Passando a l’ordinale (ma no ordinario), el famoso quarto d’ora academico el xe na mana par i ritardatari ca ghe pare da èssare educati, anzi eleganti, parché tanto i lo fa anca i professori. On bruto quarto d’ora, inveze, no vorìssimo passarlo nissuni anca se, ultimamente, i quarti d’ora par gnente alegri i xe on fià massa fissi, vardando a destra e a sinistra e su e zo, intel nostro Paese. E alora, par no aprofitare de la pazienza de qualcheduno, a sararìa tuto, brindando davanti a sto quarto de luna che pare che ’l ne sorida pien de promesse, co’ un quartin de vin, che se l’è bon no ’l fa mai male, a tuto quelo ca ne piase e ca ne vien dal cuore.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo ’Desso xe de moda ofèndare
Xe vèro che se se ’bitua a tuto, anca al pezo: ormai, a le ofese in pùblico, no se ghe fa gnanca pi caso, no se ghe dà bado. Ofèndare la xe deventà na moda, ma el xe on segno de grande inciviltà
de Mario Klein
 
Zente de Padova
Leggi l'articolo Enzo Luigi Poletto
de Arturo Baggio
 
Tradission a ris-cio
Leggi l'articolo Bàcaro
de Armando Mondin
 
Robe de Ciósa
Leggi l'articolo I ortolani “marinanti” visti da Comisso
a cura de Angelo Padoan
 
Da Lendinara (RO)
Leggi l'articolo A ghe ne digo quatro!
de Laura Viaro
 
El raconto del mese, in visentin
Leggi l'articolo Una confession
de Antonio Maraschin