Quatro Ciàcoe
Mensile de cultura e tradission vènete
de Laura Viaro

Da Lendinara (RO)

L’amore a i tenpi de la panara

... no’ ghe jera tuta la confidenza de ’desso e nessuno sa dire s’a fusse un ben o un male.
... no’ ghe jera tuta la confidenza de ’desso e nessuno sa dire s’a fusse un ben o un male.
L’amore no xe pi quelo del tenpo de i nostri noni… el tenpo de la méscola e de la panara.
L’amore no xe pi quelo del tenpo de i nostri noni… el tenpo de la méscola e de la panara.
El 14 febràro a se festegia el santo de i inamorati, San Valentino, vescovo e martire, nato a Interamna Nahars (Terni a i giorni nostri) intel 176 circa e morto a Roma nel 273. El patronato de sto santo, in verità, el ga origine da na pratica in uso intel quarto secolo avanti Cristo, co’ la quale i romani i festegiava in febraro la festività pagana de la fertilità. Intorno a la so figura xe stà tramandà tante storie, tute incentrà su i sentimenti amorosi, par questo (pare) papa Gelasio I, dó secoli dopo la so morte, el ga sostituìo la poco romantica tradizion pagana de i Lupercalia co’ la festa de San Valentino. Inpropia o no, resta el fato che la xe deventà famosa in tuto el mondo.
Parlare de amore la xe senpre ’na tentazion; tuti a gavemo, credo, tanto da dire, anca parchè l’amore el ga forme difarenti e ogniuno, inte la so vita, el pole dire da ’vérghene conossù almanco una. I Greci che no’ jera zente, par cussì dire, a la bona, i doparava ben più de na parola par descrìvarlo, a seconda de le so carateristiche, dando vita a pagine de filosofia e mitologia su le quali a continua a fondarse studi e ricerche.
No’ xe de sicuro me intenzion entrare inte l’argomento, né, tantomanco, parafrasare el titolo del celebre romanzo del premio Nobel García Márquez. Me piasarìa solo condivìdare qualche osservazion su quelo che xe canbià in maniera vistosa rispeto a i tenpi de i nostri noni, inte i quali la panara par la polenta la jera uno de i elementi carateristici, pronta a èssare trasformà, insieme a la méscola e no’ senpre in modo scherzoso, inte na arma estrosa par minaciare chi ca faseva rabiare.
Tanto par scominziare, fare l’amore voleva dire fidanzarse. El putelo ca voleva farghe la corte a na putela el doveva ’ndare da i so genitori e domandarghe el permesso de “parlare”. Quasi senpre el jera uno del paese, conossù a messa, a le sagre o inte i filò: le ocasion no’ le jera quele de ’desso. Dopo èssare stà passà al tamiso e otegnù la “man” de la tosa, el ’ndava a trovarla a giorni fissi: prima uno solo e dopo anca tre o quatro inte la setimana; mai da lori soli, ma co ’l fredeleto e o la sorelina a “farghe ciaro”. L’obietivo el jera quelo de far na fameja ca durasse par senpre, anca quando che la passion, se la ghe jera, la finiva, parchè tuti saveva che “dopo i confeti vien fòra i difeti”. In tanti casi, se l’omo el jera bravo, onesto, lavoradore e altretanto la dona, possibilmente co’ qualche virtù in più, a se inparava co ’l tenpo a volerse ben e a far fronte a le necessità de la vita ca no’ prevedeva quasi mai el superfluo. Le emozion, e me riferisso in particolare a i ani del secondo dopoguera e sucessivi a l’aluvion del ’51 in Polesine, le jera quele forti e tante volte dramàtiche ligà a le perdite, a le gioie par le nàssite o par i pericoli scanpà, par qualcossa ca ’ndava a bon fine a dispeto de le dificoltà. Quele riferìe a le facende amorose, le jera manco frequenti e le faseva notizia, atirando la curiosità de la zente “comune”; le gaveva par sogeti done belìssime e generose o altre considerà desfortunà. Le difarenze tra i sessi, ma soratuto tra le mansion o ruoli, le jera marcà e no’ ghe jera discussion su chi ca ghe tocava fare questo o quelo. E po’ no’ ghe jera tuta la confidenza de ’desso e nessuno sa dire s’a fusse un ben o un male.
“Mi, a me mojere, no’ go mai dito tirtinlà! (spostati) E mai tocà, gnanca co’ un fiore!” Cussì go sentìo vantarse tanti ani fà uno co’ na facia e zerti modi ca me xe vegnù subito da pensare che co’ un fiore no, ma co’ un mazo de ontrighe... Volendo se podarìa métar zo cifre ca rende ben l’idea de come ca xe canbià le situazion familiari inte i ultimi zinquant’ani, in tute le socetà, e anca passare in rassegna i modi e le espression de afeto inte i so aspeti più colorìi, girando senpre intorno a un tema cussì difìzile e profondo come quelo de l’amore intel so senso più generale. Quelo che però me colpisse e che me pare acentuà inte sti ani la xe la confusion ca nasse tante volte intorno al raporto tra oo e dona e ca xe causa de delusion e falimenti. Una par tute, a me parere: crédare che l’amore el sia l’èssare inamorà, pensare ca se possa provare, no’ digo ogni giorno ma quasi, le stesse robe ca ne ga fato sentire tuti i brividi del mondo. Na volta passà la febre, a se pole stare mèjo, co’ la testa dove che la serve e co ’l cuore ancora pronto a emozionarse, insieme a qualcuno ca ne xe caro, par l’amore e la beleza sconti in ogni angolo de la tera.

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Pecà che la Tv no sia pi coela
Quanti sogni, quante speranze la ga fato nàssare la “nostra” Television. Quanto materna, maestra e formativa che la xe stà, ciapando in man na socetà vegnù fora da poco da la guera. ’Desso, però, no la xe pi coela…
de Mario Klein
 
Atualità
Leggi l'articolo “Il tempo è denaro”
de Luigi Frosi
 
Da Legnago (VR)
Leggi l'articolo El sgolmarin
de Franca Isolan Ramazzotto
 
Robe de Ciósa
Leggi l'articolo I ziòghi de ’na volta
a cura de Angelo Padoan
 
Da Lendinara (RO)
Leggi l'articolo L’amore a i tenpi de la panara
de Laura Viaro
 
Da Verona
Leggi l'articolo Un amor grando
de Giacinta Dall’Ora