Quatro Ciàcoe
Mensile de cultura e tradission vènete
de Mirco Castellani

Da Verona

El Popolo “migrante”

Vece case del “ghetto”, che varda Piazza de le Erbe.
Vece case del “ghetto”, che varda Piazza de le Erbe.
Interno de la Sinagoga de Verona.
Interno de la Sinagoga de Verona.
Ultimamente se parla tanto de “migranti”… gente che scapando da guere e carestie lassa la so tera par vegner a çercar un futuro ne le nostre çità. Ne la storia è capità tante olte e in çerti casi a “migrar” è stà un Popolo intiero: par esenpio i Ebrei! St’ano casca i 500 ani da la creassion del Ghetto de Venezia e così se riscopre ’na situassion che par secoli, ben o mal, l’è stà condivisa anca da altre çità europee… Verona compresa. Raramente un Popolo l’à dovù “migrar” come ghè tocà far a i Ebrei: za 35 secoli fà, con Mosè in testa, i s’avéa spostà da l’Egito a la Palestina… mile ani dopo par ordine de Nabucodonosor i à dovù spostarse a Babilonia, podendo tornar a casa solo a distansa de quarant’ani, grassie al re Ciro de Persia. Ma le peregrinassioni de i Ebrei i era solo a l’inissio. El disastro l’è ’vegnù nel 70 de la nostra era: da un secolo i Romani i soportava a fadiga ’sta gente che rifiutava de adorar le statue e che tentava continuamente de riconquistarse l’indipendensa… n’indipendensa (ricordémose) che la ghera costà quìndese secoli de guere e fadighe! Così in quel’ano Tito Flavio Vespasiano l’à scadenà tuta la potensa militare de Roma contro Israele, cancelando da la storia el Stato ebraico fin quasi a i nostri giorni. I pochi sopravissù i à preferì “migrar”, andando a çercar paçe el più distante possibile da i romani. L’è stà la “diaspora”.
Un primo “flusso” l’à preferì traversar el Mediterraneo e stabilirse in Spagna (che i ciamava Sefard)… ’n altro l’à preferì spostarse ne l’Europa de l’Est (che i ciamava Ashkenaz). Dopo, è passà altri quatòrdese secoli! Secoli dove è sucesso de tuto: la liberassion del Cristianesimo, le invasioni barbariche, l’Islam, el Medioevo, Carlomagno, le Crociate, pestilense, guere… secoli dove intanto i dó “rami” de la “diaspora” i çercava de sopravìvar, conservando le tradissioni e spetando el giorno de poder tornar a ’na tera che la fusse sua. In Spagna i Ebrei “sefarditi”, se co i Arabi i era vissù ’bastansa ben, durante la “reconquista” i à scominçià a èssar malvisti: zugava el fato che spesso i era siori e che comunque i cristiani i le vedéa come “eretici”. El ramo “ashkenazita” intanto, avéndoghe ’vù a disposission Germania, Polonia e Russia, l’avéa podù espàndarse mèjo… creando grandi comunità ne le campagne e ne le çità. Senpre però convivendo (anca lì) con ’na çerta dose de difidensa da parte de la popolassion cristiana. Rivemo così al 1492: data storica de la scoperta de l’America, ma anca data del conpletamento de la “reconquista” da parte de i “Re Cattolici”… che ’na olta parà fòra da la Spagna i Arabi, i à pensà ben de parar fòra anca i Ebrei. Così çirca 200.000 “migranti” i à dovù traversar ancora el Mediterraneo, finendo staòlta in Tunisia, Sicilia, Grecia, Turchia, Italia e in particolar… Venezia.
La Serenissima l’era la NewYork de l’epoca e tra Turchi, Tedeschi, Mori, Armeni ecc. à podù integrarse ben anca i novi rivà. Ma la relativa tranquilità del medioevo la stava finendo. Nel 1517 Martin Lutero el lancia la “Riforma”, dando el via a la guera fra cristiani… guera che se tenta de fermar nel 1545 col Concilio de Trento che però l’otien l’efeto oposto: ’na spacadura ancora più profonda. Su ’na roba però i cristiani i era d’acordo: la colpa l’era de i Ebrei (qualunque fusse la colpa). Così nel 1555 el papa Paolo IV con la bóla “Cum nimis absurdum” el decreta che tuti i Ebrei i deve vìvar concentrà in una zona precisa, serà sù a ciave la sera: el Ghetto. Intendémose: anca prima ne le çità ghera quartieri ebraici, quel de Venezia (par esenpio) el ghera dal 1516… ma col 1555 nasse l’òbligo par i Ebrei de abitar “solo” lì. El teren che le çità le mete a disposission de solito l’è poco… così i “ghetti” i deventa spesso de i alveari sovrafolà.
A Venezia le case le riva averghe 7 piani… visto però che no’ se pol far fondamenta solide, le stanse le vien a èssar alte solo dó metri. ’Na curiosità: nel posto che nel 1515 el Doge l’assegna a i Ebrei ghera prima ’na fonderia ciamà el “Gètto” (da gittata, fusion) che i novi rivà, de origine tedesca, i ciàma però “Ghetto”: da lì el nome. La segregassion ne i ghetti la dura quasi tri secoli, vegnendo abolì solo nel 1797 da Napoleone, quando el riconosse a i Ebrei i stessi diriti de i altri çitadini.
Purtropo la relativa calma che i ga avù durante l’800 la finirà ne la maniera più tragica: con “leggi razziali” del 1938 e le deportassioni ne i campi de concentramento.
Dó parole anca su Verona: el Ghetto el se trovava tra l’inissio de via Mazzini (che alora la se ciamava via Nòva) e piassa Erbe. Come altri “ghetti” l’era ’n insieme de case alte, vissine e malsane, costruì a metà del ’500 e cressù in altessa man man che ghe n’era bisogno. Ne la nostra çità no’ ghè mai stà ’na grande comunità ebraica… al massimo s’à tocà par poco le 1.200 persone nel 1864, cifra calà subito a 400 a i primi del nòvo secolo e a 150 al tenpo de guera. Essendo Verona ghibelina durante el medioevo e ligà a Venezia dopo, ne la so storia i episodi de antisemitismo i è stà rari. Uno purtropo l’è stà durante le “Pasque Veronesi”: s’avéa sparsa la voce che i Ebrei i era giacobini (cioè fedeli a Napoleone) e così la gente l’à dà d’assalto al ghetto. No’ savemo se ghe sia scapà ’l morto, ma de sicuro el ghetto l’è stà incendià. Ne i ani ’20 a la fine s’à deciso de demolirlo. Ghera i “futuristi” (capegià da Umberto Boccioni) che i voléa riciclar l’area in qualcosa de più “moderno” e i “romantici” (capegià da Angelo Dall’Oca Bianca) che i voléa tegnerlo come testimoniansa de la Verona vecia. À vinto i “futuristi” e el ghetto l’è stà demolì… Al so posto (seguendo el stile “liberty” de moda in quei ani) è stà costruì el “super-palazzo” (con dentro, più tardi, el “super-cinema”). Prima de la demolission però el pitor Dall’Oca Bianca el ga avù modo de fotografarlo, lassàndone ancó la possibilità de védar come el fusse stà el “ghetto” de Verona.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cossa xela sta “rete”?
Parlemo de la “rete sociale” che no ghe entra gnente co quela de l’orto dove na volta se calava i poeji, e gnanca quela del sarajo de le galine, le ànare o le oche. La xe on ingrejo de “contati” tra persone che pole anca non conóssarse e che par mezo de Internet i mete in piè un mondo popolà da “amici” e amici de i amici.
de Mario Sileno Klein
 
Su la via de le spessie
Leggi l'articolo La vanilia
Profumo de Paradiso
de Luigi Frosi
 
Zente de Padova
Leggi l'articolo Lucrezia Dondi dall’Orologio Obizzi
de Arturo Baggio
 
Robe de Ciósa…
Leggi l'articolo Memorie d’altri tempi…
de Angelo Padoan
 
Da Lendinara (RO)
Leggi l'articolo Quando i descarfojava le panoce
de Renato Scarpi
 
Da Verona
Leggi l'articolo El Popolo “migrante”
de Mirco Castellani