Quatro Ciàcoe
Mensile de cultura e tradission vènete
de Armando Mondin

Tesori de casa nostra

Vìvare Venessia

Venessia, a tuti i costi! (foto A. Mondin)
Venessia, a tuti i costi! (foto A. Mondin)
Venessia poea èssar descrita in un libro o in na enciclopedia? Secondo mi nò, parché davero chi ama sta cità el sente che in ogni piera, camin, finestra, barca ghe xe dentro storie, sentimenti, fadiga.
Beessa che non xe possìbie descrìvar una par una.
Credo che gnanca ne el nostro linguagio no sia possìbie trovar paròe bèe, profonde a suficensa par descrìvar Venessia. L’omo ga costruìo ’a cità, ma no el xe riussìo a trovar paròe par descrìvarla, par rèndarla incredìbie come che mostra el so aspeto grando.
Anca mi go provà a farlo ma, no ghe so’ riussìo. Bisognarìa inventar paròe nove oltre tute.
’A Serenissima ’a va vissùa par ani e ancora no se riussirà a scoprirla tuta; respiremo l’aria de ogni passo e de ogni remada che fasemo e da questi verzimo pensieri e trovemo strade nove dove sentir calcossa che ne portarà chi sa dove co i pensieri.
Bisognarìa cominciar a partir da un posto, no saltando gnente e ’vanti cussì fin quando credaremo de ’verla passada tuta e subito dopo cominciar da novo parché Venessia no ’a ga mai fine.
Un giorno so’ ’ndà dentro ’a Basìica de San Marco ne i rari momenti che no ghe gera tanta zente. Libreto rosso del “Touring Club” in man e tuta ’a me precedente conossensa storica de sta basìica. So’ ’ndà fora quando che gera ora de serarla, avendo ’eto meza pagina in quatro ore parché l’atmosfera de chea sera che respiravo eà dentro ’a me gaveva rapìo e ne ’e poche righe ’ete ghe gera un mondo de notissie, de legende, de vaeor che no go podesto passarghe in pressa.
Eco, fasé conto che dopo tanti ani no so’ ancora riussìo a passarla come che digo mi ’ezendo el libreto, parché cussì se dovarìa far par tuta Venessia.
Capir questo vol dir ’ver ’a sensassion de ’ver capìo quanto pìcoi semo nialtri di fronte a sta cità che tra i so inportanti monumenti ’a conserva anca quasi in ogni casa storie e vaeori come in nissuna altra parte.
Venessia ’a ze na Fenice parché dopo el fogo ’a canbia un poco ma ’a ga el potere de rinàssar senpre bea e afassinante come no ’a fusse un logo de sto mondo.
Mi vedo co i me oci e ’a vedo cussì, fata par ’e persone più sensìbii e atente, quée che ancora ’e se comove ’ezendo na bea poesia, o vardando un canpanil, na cesa, un ponte e na cae.
Se Venessia ’a paragono a un corpo, mi ghe so’ nato dentro e ’a vivo corendo a l’interno de ’e so vene e bato el stesso bàtito del so cuor, respiro co ’a so boca e no podarìa vìvar fora da éa.
Xe come èssar inamorà invesse che de na dona, de na cità che oltre a eà beessa, ’a ga fàssino, a te atrae pa ’l so far, par i so sorisi o smorfie, par ’a so vose, un gesto. E no ti capissi più gnente.
Na, cara amiga, scritrice de gran vaeor ’a ga scrito su ’a prefassion che gentilmente ’a me ga fato par un libro che go scrito che dopo ’a me conpagna de vita, el me secondo amor xe Venessia. Mai paròe e conceto el xe stà dito cussì ben su ’a me vita sentimentàe.
A Venessia vorìa vìverghe ancora e vorìa morirghe par vìvar in eterno ne l’infinìo de l’universo. Intanto toco ’e piere bianche e rosse de ’e so case. ’E xe piene de salsedine e quasi ’e me parla. Disemo che quasi eó go messo in più par no parer fora de testa ma, Venessia ’a xe cussì se se ’a se conosse veramente ben e se crede che ogni masegno, camin, liagò, porton, scaea, finestra, ’a sia magica.
Ghe xe dó ìsoee che gavemo tacà e ghe ne gavemo fato una soea e là ghe xe el simitero.
A Sant’Erasmo canpi e orti par magnar ben, a Peestrina na spiageta incantévoe, ancora sensa nessun servissio parché no ’l serve a gnente se no a rovinar sta meraveja.
Ne el resto de ’a Serenissima, arte, architetura, storia iripetìbie e canài verdi.
Venessia fin quando che ghe gera el servissio de leva, ’a gaveva anca i so soldài, quasi tuti venessiani o de ’a provincia, che i gera i eredi de i fanti da mar de ’a Republica de San Marco. Anca ’desso i ghe xe ma, no i xe più soeo venessiani. Pecà.
Al Lido ’a antica caserma Pepe e el forte de Sant’Andrea, de fronte ’a caserma, i xe abandonài e i xe drio cascar a tòchi come l’ex ospeal al mar abandonà.
Un ospeal dove se curava tante inportanti maeatìe, de ’a pèe par esenpio, e dove ghe vegneva zente da tuta Europa a curarse al sol, co ’a sabia. Ghe gera bravi dotori e infermieri e el gera un vanto de Venessia de ’pena qualche diesina de ani fà.
Ghe xe ancora ’a mostra del cinema al Lido, anca se no i xe stai boni de restaurar el paeasso del cinema, assàndoeo come na macia sul cuor.
Ma nonostante tuto questo a setenbre vien tuti i atori, i registi da tuto el resto de el mondo a ceebrar un primato che Venessia ga ’vuo par prima.
Alberghi frequentài da personagi inportanti i xe drio afitar, parché no ghe xe più el giro giusto, ’e costose stanse come mini apartamenti più a bon marcà, e uno ga serà.
Però ’a me cità ’a resta ’o stesso ’a più bea, e ancora de più de calcossa de beo. Venessia che ’a ga ne ’a so bandiera un leon co na spada e un vangeo no ’a pol èssar gnente de manco par i so fiòi che na volta i zogava ne i canpièi, e più grandi i ’ezeva libri de poesie de fronte al mar, spetando che rivasse na sirena a ciamarli e magari ’ndar via co éa chissà dove e par quanto tenpo, visto che par tosati cussì el tenpo no esisteva parché no i portava i reòi e no i saveva mai che ora che gera, persi, inamorài de na magia fata de sal e de aque verdi e ceesti.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Ciao, cari Wanda e Milosc…
Oncora na volta ne toca saludare persone care che xe ’ndà ’vanti e che ghemo fato tanta strada insieme par difèndare e salvare el nostro dialeto che ’l rapresenta el passato e, in parte, anca el nostro presente
de Mario Sileno Klein
 
Zente de Padova
Leggi l'articolo Giovanni Battista Bassani
de Arturo Baggio
 
Da i Coli Euganei
Leggi l'articolo El nostro Barba Gigio
de Gemma Bellotto
 
Tesori de casa nostra
Leggi l'articolo Vìvare Venessia
de Armando Mondin
 
“La Sguaratà” - Ciàcole polesane
Leggi l'articolo Vida sana, vida nostrana
de Romano Beltramini
 
Da San Stefano de Zimela (VR)
Leggi l'articolo 1952, xe rivà la Fantasiensa
de Antonio Corain