Quatro Ciàcoe
Mensile de cultura e tradission vènete
de Armando Mondin

Òpare d’arte venessiane

’E porte de aqua

Ingresso principàe de ’a casa venessiana con ’a porta de aqua che porta ne ’a cavana da dove se partiva e se rivava co ’a barca. (foto A. Mondin)
Ingresso principàe de ’a casa venessiana con ’a porta de aqua che porta ne ’a cavana da dove se partiva e se rivava co ’a barca. (foto A. Mondin)
Quatro Ciàcoe
Quatro Ciàcoe
Venessia antica ’a viveva su l’aqua. Tuti i se spostava co ’e barche dove ghe gera el vero tràfico de ’a cità. A pìe se ’ndava el manco possìbie. Più o manco pressiose, siori e puareti, tuti gaveva na barca, e, a parte el vaeor, ’e gera tute bèe. Sto mezo de locomossion el ze nato, e el ze stà doparà prima che Venessia ’a deventasse queo che podemo védar ’desso.
I primi abitanti i ga costruìo ’e capane, doparando ’e barche che ghe permeteva de spostarse da na ìsoea a naltra par scanbiar merci, materiài, e magnar. Quando che i ga comincià a costruire case in muratura, i ga pensà de farle co un ricovero interno par ’e barche: ’e cavane. Quindi, ’a casa venessiana ’a gaveva come ingresso principàe ’a porta de aqua che portava ne ’a cavana da dove se partiva e se rivava co ’a barca.
Ai giorni nostri podemo védarle ancora in tanti paeassi e case dove ’e ga quasi ’a stessa funsion. Quasi, parché nel passà se scaricava anca merci da depositar ne i magazini prima de andar a vèndarle.
’A architetura de ’e porte ’a varia da paeasso a paeasso, da casa a casa, da fòntego a fòntego, ma ’e ze una più bea de st’altra e, come i camini, come ’e vere da posso, ’e fa parte de el disegno magico, inebriante, de ’a beessa de ’a cità disegnada come un tapéo orientàe.
Mantegner in funsion ste porte xe costoso, parché ’sendo a contato continuo co l’aqua saeada, sia che el cancèo el sia de ’egno, che de fero, el vien magnà dal salso più veocemente che i marmi e ’e piere. Par sto motivo tante de ste òpare d’arte ’e ze in stato de abandono, cascanti. Un segno de degrado che sta cità no merita.
’A paròea “cavana” xe probàbie che ’a deriva da capana, in quanto, vardando veci dipinti se vede che ’e cavane antiche altro no gera che posti su i canài davanti a ’e case, coverti de paja e foje, apunto come na capana.
Ne ’a me gran fortuna de vìvar Venessia dentro tute ’e so vene, go visto anca tante cavane co ’e so porte. Provo ancora intiera ’a sensassion, mai desmentegada, de l’atmosfera che go sentìo dentro ’e cavane, entrando da tera e anca da aqua. In alcuni paeassi privati se respira na aria calma, al contrario de quea che doveva èssar quando eà, ’a vita de el comercio ’a gera frenetica. Ma ’a me cara Venessia ’a se ga adeguà a i tenpi, cussì dove che ghe gera lavoro, ’desso ghe xe poesia.
Subito smontài da ’a barca, fati pochi passi se entrava ne l’“atrio” del pianotera dove che ghe gera anca de ’e panche a i muri, candeabri, quadri, stema gentiissio, par dar modo a chi che rivava de sentarse in atesa de scaricar, caricar, o parlar co el paron de casa de afari. I me concitadini antichi i gaveva creà un anbiente ospitàe anca eà, dove se lavorava e dove rivava anca ’e góndoe de i invitati quando ghe gera ’e feste a paeasso.
’E cavane de ’e case più pìcoe ’e ricoverava soeo ’e barche, e anca qua, fati pochi passi, se entrava ne ’e stanse de casa propria. Vardando da eà barca ’e porte, mi ’ezo tanti messagi ’assài da i nostri antenati; uno el ze dedicà a eà beessa architetonica, uno al lavoro e al divertimento, ’n altro a eà poesia sensa fine che soeo passando par sti posti verdi e de suoni se pol védar.
Credo che un giorno conossarò ’a tessitrice che ga fato cussì bea sta cità nata su l’aqua, e ghe domandarò de conpagnarme a far un giro par i canài su ’a so barca. A un serto punto ghe dirò de ciapar el Rio de Noal, cussì da passar davanti al Canpo de l’Abazia, prima de rivar a San Michele dove in zenocio ghe dirò da far ’a magìa de farme sepeir, quando sarà ’a me ora, eà, soto tera, dentro l’aqua saeada, in fianco a un cipresso che punta ’a so chioma vardando ’a luna, che in che ìsoea de i morti ’a s-ciarisse el simitero anca quando che ghe ze caigo, piova, neve. Nissun altro regaeo el podarà èssar più pressioso par chi, come mi, ga amà Venessia oltre el limite umano.
Me imàgino chel momento dove, portà a spae, se verzarà come na porta d’aqua, el cancèo che el me portarà in un bosco de cipressi e de sal che inpregna anca l’aria, tra artisti de tante parte del mondo e zente comune, dove mi ghe ’ndavo par conóssar tante anime che eà vive, mai morte veramente.
Eco, cussì ’desso savé che anca se no ’a se vede, nel simitero de San Michele in ìsoea ghe xe ’a porta d’aqua più granda de Venessia, dove se entra na volta soeo per ’ndar a vìvar da ’naltra parte vissin a i sogni, a i amori, a ’e idee che no voemo ’assar par nissuna ragion al mondo.

[torna sopra]

 

Archivio
2018 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Xe ora de dire basta!
Basta a tute le guere, a i massacri, a le violenze de ogni tipo, a la distruzion de l’anbiente, a la coruzion, al scàndalo de le “molestie”… ma soratuto, basta a la strage de le done. E, pi se ghe ne parla, pi aumenta i deliti contro “l’altra metà del cielo”. Cossa dire? Cossa fare? Cossa sperare?
de Mario Sileno Klein
 
Da Piove de Saco (PD)
Leggi l'articolo Monsignor Claudio Bellinati
de Umberto Marinello
 
Da la Bassa Padovana
Leggi l'articolo A Marzo ogni mato naséa descalzo
de Roberto Soliman
 
Òpare d’arte venessiane
Leggi l'articolo ’E porte de aqua
de Armando Mondin
 
Da Lendinara (RO)
Leggi l'articolo Tanti auguri, papà!
de Laura Viaro
 
Da San Stefano de Zimela (VR)
Leggi l'articolo Scaldarse de inverno
de Antonio Corain