Quatro Ciàcoe
Mensile de cultura e tradission vènete
de Mario Sileno Klein

Editoriale

Cara mama, te digo: “Grazie!”
Tuti ghemo ’vudo nostra mama… e una sola; tuti ghemo boni motivi par ringraziarla – che la ghe sia o no la ghe sia pi. Par tanti, la mama la xe stà on punto de riferimento, on’amica e soratuto on esenpio da seguire. Pecà che in sto ingarbujo, xe deventà difìcile rivare a dirghe grazie.

Quatro Ciàcoe
Proprio parché ghe xe ste restrizion de tipo fisico, che ne tien lontani da i nostri cari, mame conprese, ghemo da armare el nostro pensiero e sparare i mèjo sentimenti verso le figure o i ricordi de ste creature “speciali e uniche”.
Fin da la nostra infanzia, le man che ga inpastà el bigoloto, de quelo che semo adesso, xe stà quele de nostra mama. E se ghe pensemo na s-cianta, tra on baso e on scopeloto, tra na careza e na vis-ciada so le ganbe, la base de l’educazion la ne xe stà trasmessa da nostra mama.
Dovarìa bastare pensare che solo drento de ela xe avegnù el miracolo de la nova vita e che on fiolo el riceve da ela nutrimento e respiro.
On fiolo vien prima de tuto, prima del marìo, prima del mondo intiero. Cossa no fala na mama per on fiolo: quanti sòni persi, quante preocupazion, quanta pazienza, quanti boconi amari e rinunce, pur de védare el zarmojo deventare pìcola pianta, destinà a créssare, a portare fruti…
Pecà che in sto tenpo, tuto pare deventà provisorio; ghe xe on futìo de nove regole, de novi comandamenti, de idée e de fati mai visti prima: tute robe “che ne fa nar ’torno la memoria”, dirìa me mama se la fusse al mondo. No la gavarìa tuti i torti, co tuti sti profeti e sti evangelisti che ghe xe in giro, ch’i te fa pèrdare la tramontana e no te sè pi quala sia la verità, parché tuti i ga la soa in scarsela e i la tira fora ogni volta che ghe xe bissi da incantare.
Cussì te pare che tuto sia deventà relativo, ma questo xe el momento de tacarse a le raise, a l’insegnamento de chela maestra de vita che xe la mama, sto angelo che ga semenà sani prìncipi tel giardin de la nostra testa, quando che la ne ga dito:
“Caro fiolo, ricòrdate che mi son senpre stà al to fianco. Te go visto créssare, piànzare, rìdare, urlare… e quando te me ghè ciamà te go risposto, anca se no te me ghè sentìo, parché le to rece ghe sente manco de quele de on conejo. Tiente in mente quelo che te go insegnà e va’ par la to strada, sicuro che mi sarò al to fianco senpre.”
Xe vèro: ne la so scola senza banco, lavagna, quaderni, astucio e penarolo, la ne ga messo in boca, co ’l cuciarin de la so pazienza, le parole e una de le prime xe stà quela de dire “grazie”.
Eco, xe rivà el momento, magari dopo tanto tenpo, magari portando in fronte ancora i segni de quando semo cascà dal caregoto… xe rivà el momento de dirghe:
“Grazie, mama, de averme dà la vita insieme a me popà. Grazie pa ’l late che te me ghè dà da ciuciare. Grazie de ’verme insegnà a stare in piè, tegnéndome par man, e a caminare tacà a la to còtola. Grazie de averme scaldà el leto con mùnega e fogara quando i nizòi de cànevo i paréa ’pena vegnù fora da la giazara. Grazie del baso de la bonanote e de quelo so la bùa de i zenoci có ghe piantavo el muso par tera, zugando a caranbundèi (a carabinieri). Grazie de averme insegnà a supiarme el naso. Grazie de tute le volte che te me ghè portà in trasferta da me noni, sentà so ’l paleto de la to bicicleta da dona. Grazie de la polenta brustolà con brusaoci, verze e fete de salado, che i jera la me passion… Grazie de le camise e de le braghe stirà par nare a scola vestìo da sioreto, anca se jero fiolo de poareti. Grazie de averme tirà sù come Dio comanda e de averme regalà la fede in chel Signore che ’desso te guida par le vie del celo. Grazie, mama, de averme insegnà… a dire grazie!”
Vardando tuti i lati positivi de la nostra vita, anca se ne pare che qualche s-ciafeta de nostra mama la n’à fato piànzare e che non senpre la ne ga dà el permesso de fare calcossa parché ghe jera posto solo par l’obedienza, ’desso fasendo ben i conti… a semo ’ncora in dèbito co nostra mama.
E ’lora, anca se solo a parole, fémoghe on altare a la nostra e a tute le Mame del mondo e disémoghe con sincerità: “Grazie, Mama!

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cara mama, te digo: “Grazie!”
Tuti ghemo ’vudo nostra mama… e una sola; tuti ghemo boni motivi par ringraziarla – che la ghe sia o no la ghe sia pi. Par tanti, la mama la xe stà on punto de riferimento, on’amica e soratuto on esenpio da seguire. Pecà che in sto ingarbujo, xe deventà difìcile rivare a dirghe grazie.
de Mario Sileno Klein
 
Veci ricordi
Leggi l'articolo La polenta, piato unico
de Luigi Frosi
 
Da Arzergrande (PD)
Leggi l'articolo Jasso de bojo
de Antonio Giraldo
 
Da la Marca
Leggi l'articolo Ricordo de Marcello Cocchetto
de Emanuele Bellò
 
Da Venezia
Leggi l'articolo El “Nicelli”
de Armando Mondin
 
Da la Lessinia Centrale (VR)
Leggi l'articolo Piture murali ’n Lessinia
de Luigi Ederle