Quatro Ciàcoe
Mensile de cultura e tradission vènete
de Daniele Marcuglia

Tradission nostrane

La festa de San Martin

Quatro Ciàcoe
La cesa de San Martin a Venezia.
'Sta festa xe senpre stada par i contadini tanto particolar, parché xe proprio a San Martin che se vedéa se vegnéa o no rinovài i contrati agrari; jera cioè l'11 de novenbre che 'na fameja podéa védarse rinovà el proprio contrato o no. Se el paron no li tegnéa là, la fameja ghe tocava ciapar sù tute le so robe e abandonar la tera e la casa indove che i jera stai fin a chel momento là; 'sta trista operassion vegnèa ciamada apunto "far Sanmartin". Da notar come 'na roba quasi conpagna la fusse presente 'na volta anca in cità, no solo in canpagna, e anca fora dal Vèneto, tanto che a Milan, par esenpio, i faséa scader i contrati de afito el dì 29 settembre, festa de San Michele Arcangelo, tanto che ne i dialeti lonbardi l'espression "fa San Michèe" la vol dir proprio "traslocare, cambiare casa forzatamente".
Se par la fameja invesse el rinovo del contrato el jera 'ndà ben, se podéa festegiar col dolse contadin tìpico del periodo che sarìa la pinsa, difati el proverbio prevede: A San Martin 'a pinsa so 'l larin, o anca copando l'oca o co le nosse de la propria fiola, da cui se dise: A San Martin se sposa la fiola del contadin. Soratuto nel Venessian, xe tutora difusa l'usanza del dolse tìpico, el cavalo de San Martin, un dolse de pasta scura, sagomada drio la figura de un cavalier con la spada sora el cavalo, rafigurassion tìpica del santo. Par finir i "riti" de San Martin, ricordemo che in 'sta ricorensa de sòlito vegnéa inbotilià el vin novelo, da cui un altro proverbio dise: A San Martin el mosto se fa vin.
Tuti 'sti lavori che i rientra nel mondo de l'agricoltura i xe de sòlito colegài a l'imàgine de bel tenpo che se dovarìa catar in 'sti zorni, la famosa istà de San Martin. Conta infati la legenda che San Martino a cavalo el gavesse incontrà un poareto che in 'sto periodo de novenbre el tremava par el fredo che za ghe jera e che alora el santo, ciapà da la conpassion, el gavesse tajà el proprio mantelo co la spada per dàrghelo a 'sto poro omo parché el se scaldasse. A védar quel gesto el Signore el ga vossùo premiar 'sta assion e quindi se dise che ogni ano a San Martin el fredo se ferma per lassarghe spassio al ritorno de 'na istà picenina.
'Na tradission difusa in area vèneta e soratuto venessiana par la festa de San Martin la xe quela de la questua de i tosatèi par le strade o par le cali che i canta in coro de le cansonete come 'sta qua: "San Martin l'è 'ndà in sofita a catar la so novissa, la so novissa no ghe gera, San Martin l'è cascà col cul partera". 'Ste usanse le se conserva in qualche caso anca ai nostri dì, come par esenpio ne la parochia venessiana de San Martin, nel sestier de Castelo, dove la tradission va 'vanti ano dopo ano e ansi 'desso anca le scuole, oltre a la parochia, i se ga dà da far par proporghe ai tosati 'sta particolar forma de questua; l'ùnico canbiamento con la tradission xe che mentre 'na volta i putèi se tegneva le oferte, 'desso tuto el ricavà ghe vien spedìo ai cèi pi desfortunài ne le tere de i missionari.
La stessa inissiativa la xe 'ncora presente anca ne la vissina cità lagunare de Ciosa, dove i testi dele canson de questua che dise i putèi par le cali le fa sentir sùbito l'imàgine caraterìstica de Ciosa, co i so bragossi adoperài ogni giorno da i pescatori de Ciosa: "Semo giunti rivai col mio bragosso, del mare in porto sempre el daradosso; San Martin xe stà che n'à portào, e a sto castelo el fero a 'mo butào". Ghe xe anca in 'sta tradission la minacia schersosa par chi che no ghe dà la mancia ai questuanti, dove che se proclama adiritura de volerghe brusar la casa de i proprietari: "In sta casa ghe xe de tuto, ghe xe el so belo e ghe xe el so bruto, se no ne darè i caponi brusaremo anca i paroni".
Par quel che riguarda i piati tìpici, nel Veronese xe tradission magnar a San Martin el galeto par inprìmar el novo ano agrario. El galeto vien fato de sòlito in tocio, cioè in ùmido, e el vien conpagnà da patate e fete de polenta da tociar nel condimento stesso.
Nel Venezian ghemo visto che se costuma magnar el caval de San Martin, che al dì de unquò el xe pien de confeti, ciocolata, sùcaro colorà, caramele e ciocolatini. 'Na volta invesse i costumava ne le canpagne vènete de pareciar el "vin coto" che se faséa metendo a bójar el vin 'pena fato con sùche, peri e pomi cogni, come che me ga dito 'na siora: "A San Martin se faséa el 'vin coto', che no el xe el brulè, se faséa bójar el vin 'pena fato co' dentro tòchi de suca marina, pomi cogni, peri e el bojeva fin che la vegnèa 'na spece de marmeata, e i ghe la dava anca ai tosati..." La pararìa proprio la riceta originale de la preparassion de la mostarda, dita cussì parché la vegnéa parecià col mosto stracoto dentro del quale vegnéa messi i tòchi di fruta.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Novenbre:

Editoriale
Leggi l'articolo Servire la Patria
Tenpo de rievocazion e ricordi, privati e pùblici: el ricordo de i propri cari... el xe senpre preciso, quelo che riguarda avenimenti stòrici che ga canbià el mondo... el se porta drio interogativi che ne fa pensare
de Mario Klein
 
Curiosità linguìstiche
Leggi l'articolo Parole squasi conpagne
Ospitemo un dialeto diverso dal nostro, che ga parole che ghe someja a le nostre
de Milosc Voutcinitch
 
Lavori de na volta
Leggi l'articolo Storia de na mondina
de Mario Galdiolo
 
Tradission nostrane
Leggi l'articolo La festa de San Martin
de Daniele Marcuglia
 
Robe de Ciósa
Leggi l'articolo I "morti"
de Angelo Padoan
 
Da San Bonifacio (VR)
Leggi l'articolo I çento ani de Bepi Polidoro
de Enzo Coltro