Quatro Ciàcoe
Mensile de cultura e tradission vènete
de Gianni Sparapan

Da Rovigo

Parlando co Loris

Quatro Ciàcoe
A bisogna propio ca ringrazia el me amigo Loris de Valdobiàdene, che oltre a inbotiliare e vèndare on proseco ca no ga confrunti da quanto che ’l xe bon e de qualità, el ga anca el dono grande de l’umorismo e de savere cuntare storie e fati de la zente. In modo tale che có se magna insieme, oltre a magnare e bévare ben, a se parla del mondo e de i so difeti. El me ga cuntà, presènpio, de uno che na olta el ga telefonà a le tre de note in casa de so cugnà Ugo. “Pronto? Parlo col 0478- 429175?” “Ca te murissi! – a ga dito Ugo. – Gnan on nùmaro, no te ga indovinà!”
E po’ el me ga cuntà de on incidente capità a Conejan, longo la strada par Susegana. Donca, in te na giornata freda d’inverno, co nieve ca svirgolava par aria e jazo per tera, on vecioto el brinca el motorin par ’ndarse a tore le sigarete. E par ripararse da l’aria, el se inpira el paletò al roèsso, meténdose davanti al pèto la parte dedrìo del paletò, e inbotonàndose longo el filon de la vita. E po’ el parte. E sirà par le màneghe ca ghe inpedisse ben i moviminti de i brazi, o sirà par el sbrisso ca ghè in tera, fato sta che dopo na curva el se inbrica col motorin drento on scolo.
Par fortuna ca ghè uno che ’l vede l’incidente e che ’l core a darghe na man. E fin che lo tira sù da la scarpata, par portarlo in strada, a riva altra zente ca ga sentìo la bòta de l’incidente. E uno el ghe domanda al socoritore: “Se galo fato male, el vecio?”
“No lo sò – a ga risposto quelo. – Prima ca ghe giresse la testa, el parlava!” E intanto ca se comenta sto fato, a finemo de magnare. Ma prima de andare via, Loris el me cunta nantra storia, e questa la xe pitosto pesante. Ma mi a ve la digo istesso.
A ghè du veci, marìo e mujere, che i spassisa su e zo pa i sentieri del giardin de la Casa de Riposo. E el vecio el dise: “A cade propio ca te ringrazia, cara, parchè a te me ga fato fare na bela vita. Nantri du a se ghemo senpre volesto ben e a ghemo vivesto d’amore e d’acordo come gnissun mai.” Anca la dona l’è de sto parere: “L’è vera, caro. El nostro l’è sta propio on bel matrimonio.” Ma sùbito dopo avere dito ste parole, a l’inproviso la vecia la casca in tera come un pero. Alora so marìo el se mete a uchelare. E du infermieri i core a rancurare la vecia: “La ga fato on ictus” dise uno. “Portémola al pronto socorso!” dise l’altro. Insuma za, i ricòvera la dona in sala rianimazion. E intanto el vecio el camina inanzi indrìo davanti a la porta, tuto agità. Finamente, dopo on paro de ore, a vien fora el dotore da la sala rianimazion. “Come xela ’ndà, dotore?” a ghe dimanda el vecio. “L’è ’ndà ben” a ghe risponde el dotore. “Solo che adesso a nasse le dificoltà.” “Cossa gògna da fare?” domanda el vecio, sentàndose so na carega, parchè el ga ancora le ganbe ca ghe trema.
“Par scumiziare a bisognarà provédare par na carozela co tanto de atrizi, almanco fin che la se ristabilisse del tuto.” “E quanto cóstela?”
“Una de quele bone la vien a costare 3.500 euri.” “Va ben – dise el vecio. – S’a bisogna conprarla, a la conpro. Co tuto quelo che la ga fato par mi, la me dona la mèrita questo e altro.”
“A bisognarà provédare anca par na badante. Ma no na badante qualunque; a ghe vole na badante de quele specializà. Lu el ga da ’ndare a l’Uls e farse dare una del personale infermieristico.”
“E quanto me vienla a costare?” domanda el vecio. “2.500 euri al mese, almanco par du ani. El varda che la xe na situazion abastanza pesante.” “A vorè dire ca me farò jutare da me fradèo, parchè mi a no go mina tuti sti schei. E dopo, dotore, sémogna a posto?”
“Ma schèrzelo? – a ghe fa el dotore – Qua a se trata che noantri a no ghemo mina tute le atrezature adate par el recùparo. E cussì lu el dovarà portare so mujere in America par na visita specialistica e per qualche terapia mirata.”
“E quanti schei, ghe vorà?” a domanda angossià el vecio. “Andare e vegnere in aereo, na setimana de ricòvero in clìnica specialistica, la parcela del specialista, magnare e dormire in albergo, le medizine e altre spese, la ghe costarà almanco 50.000 euro, có la ghe va ben!” “Cossa? – a fa el vecio, saltando in piè da la carega – A no li go mina, mi, tuti ch’i schei lì. Dotore, a so’ sassinà.” “Ma va’ là, stupidoto – a ghe fa el dotore, baténdoghe na man su na spala. – A go scherzà. El staga tranquilo, che l’è morta. A no savevo come dìrghelo!”

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Schei, schei, schei…
Quei che no ghe xe e quei che se perde par strada, quei che no riva mai e quei che finisse massa in pressia, quei goadagnà onestamente e quei ciapà, inbrojando el prossimo…
de Mario Klein
 
Ricordi vèneti dal Brasile
Leggi l'articolo Cine del Patronato
de Mario Seguso*
 
Da Lendinara (RO)
Leggi l'articolo Mai più in sto posto!
de Renato Scarpi
 
Da Rovigo
Leggi l'articolo Parlando co Loris
de Gianni Sparapan
 
Da Thiene (VI)
Leggi l'articolo Le rogassion
Un contato direto de l’omo e de la natura col so Creatore
de Bepin Daecarbonare
 
Da Verona
Leggi l'articolo San Zen in Oratorio
de Lucia Beltrame Menini