Quatro Ciàcoe
Mensile de cultura e tradission vènete
de Renato Scarpi

Da Lendinara (RO)

Xelo rivà Tano?
La lavorazion del canio

Passando pa’ la gràmola el canio vegneva petenà e libarà conpletamente da i stechi.
Passando pa’ la gràmola el canio vegneva petenà e libarà conpletamente da i stechi.
“Caro el me putin, uncó go voja de contarte de quando mi e to mama andàvino inte i canpi a rancurare el canio.”
“Cossa xelo el canio, nona?”
“’Desso te lo digo, e sta’ tento che questa xe ’na storia vera! Gera tenpo de guera e tra le nostre pore fameje poesane, se respirava aria de grande paura. I òmeni al fronte, i lassava a le done e a i òmeni veci la responsabilità de portare ’vanti i laòri inte i canpi, laòri che se doveva fare note e dì, fin al sfinimento. Dòncana, chel dì albezava un péo là a levante quando, su la carezà de la canpagna, ’na fia de fantasmi feràe a la man, se portava al laòro. Mi e to mama gèrimo tra lori, e come lori, gèrimo insonà e trabalanti. Poco dopo so ’l posto de laòro, scuminziàvino a tajare el canio e, visto che to zio Tano no gera tra noiantre, go dimandà a le fémane:
– Xelo rivà Tano?
– Nò, no lo ghemo visto ancora – le me rispondeva. Alora go pensà: el rivarà. Te devi savere che la pianta semenà a i primi de aprìe, tra lujo e agosto la vegneva pronta al so scopo, quando alta squasi do metri, se presentava de color zaleto.”
“Gèrela come el fromento, nona? E se faseva la farina?”
“Nò, nò, caro, dal canio se tirava fora un filo longo che, lavorà in giusta maniera, se podeva avere nizòi, camise, tende e, col scarto de la pianta, se faseva corde e sachi. Ma continuemo la nostra storia. Alora, segheto a la man, scuminziàvino a tajare sta pianta squasi a rìsego de tera, lassando in piè solo el canio mas-cio che più tardi el sarìa stà rancurà insieme a la semenza. Mi e to mama gavévino quatro file de canio paron da tajare e andàvino a gara a chi tra noantre faseva più laòro.”
“E chi vinzeva, nona?”
“Beh! se capisse... mi vinzevo, ma to mama la me staseva drio puìto. Gera cussì forte l’inpegno ca ghe metévino intel laòro che no sentìvino gnanca i becoti de mosche e zanzàe ca circolava tra le piante. Cussì col suóre che ne coreva zo pa’ la vita ghemo laorà fin su l’ora de mezodì, proprio quando el sole brusava come el fogo.”
“E Tano xelo rivà, nona?”
“Nò, e un poco el me preocupava. Ma no se doveva pèrdare tenpo pa’ zercarlo.”
“Nona, vegneva la trebia, quela rossa, pa’ masenarlo?”
“Nò, caro, quela ca te ghe visto a la sagra la serviva pa’ el formento, noiantre done inveze destiràvino el canio pa’ tera pa’ secarlo e lì el restava pa’ na stimana. Dopo, a forza de brazi, el se sbateva par tera pa’ tirarghe via le foje seche, lassòndolo de novo a secare al sole, sistemà in faje, te ghè presente ’na capana de indiani?”
“Sì, lo sò. Ma, nona, e Tano se galo indormenzà?”
“Tasi, tasi, visto che no ’l vegneva ’vanti, go mandà a casa la Mariarosa e anca ela la tardava a darme ’na risposta. Ma, prima de dìrtelo, a vojo finire de rispóndare a la to dimanda de prima. Alora, el canio lo sistemàvino sora un gran cavaeto e, spartìo in varie longheze lo ligàvino in manele da 40 ganbi. Dopo, ghe tajàvino le coarine, fasendo le tòrse da 20 fassi a l’una. Finìo sto laòro, ciapàvino el canio e lo portàvino intel màsaro pien de aqua marza, e co l’aqua ca ne rivava fin al stómago, ligàvino le manele in maniera da fare ’na zàtara. Parchè la stesse soto l’aqua, ghe metévino dessora, co de i sforzi ca no te digo, de i grossi sassi. Sto laòro el se faseva anca a le prime ore de la matina e, se anca gèrimo in Agosto, drento al màsaro batévino i denti. Lì el canio el ghe stava pa’ zirca oto dì, sparpajando pa’ l’aria ’na spuza spaentosa. Quando el canio el deventava bianco, voleva dire che el se gera ben masarà, e questo gera el momento de ributarse in aqua e de butar fora dal màsaro i sassi. Tuti, done, òmeni veci e putini se daseva da fare: se sligava le manele e sbaténdole inte l’aqua le se puliva. Dopo le se meteva so la riva e co le cariole, le vegneva portà intel canpo a secarse. Messo drito a capana pa’ ciapare el sole, dopo raquanti dì, el canio el vegneva caricà su i cari, trovando sistemazion inte la corte de la boarìa. Noantre se servìvino de la scavezadora pa’ spacare i canarèi, che dopo, passando pa’ la gràmola, i vegneva petenà e libarà conpletamente da i stechi. El canio ormai belo molesin gera pronto pa’ èssare filà. Te ghè visto l’atrezo ca tegnemo in tinelo, quelo co la roda de legno? Eco, quelo xe el filarin che mi e to mama, inte i dì de inverno, profitando del caldo de la stala, doparàvino pa’ filare el canio in conpagnìa de le nostre bestie.”
“Ma, me dito, nona, dove gèrelo andà Tano?”
“La Mariarosa che lo ga zercà drento e fora de casa, lo ga trovà intel màsaro e credéndolo morto negà, la ga ciapà un gran spaurazo.
– Tano!! – la ga zigà. – Sito vivo o sito morto? – Lu no ga risposto, e la Mariarosa inpaurìa l’è corsa in canpagna a ciamar ajuto. Col cuore ca ne bateva intel sgargarato, semo rivà al màsaro, trovàndolo co un brazo alzà.
– Oh, Dio, el xe ancora vivo – ghemo dito e: – Cossa feto, Tano, lì drento?
– So’ qua ca ciapo el fresco – el ga risposto e alora slongàndoghe ’na man, lo ghemo giutà a vegner fora da l’aqua. Bagnà come un polastrin el tremava tuto, stentando de stare in piè.
– Ciò, can da l’osti, gheto bevù? – la ga dito la Mariarosa. Lu el spuzava più de vin che de aqua marza, vin che ancora prima de l’alba gaveva scuminzià a ciuciare. Eco el parchè no rivava mai Tano. Ma ’desso basta, vedo ca te ghè sono, e te porto in leto; diman, s’a te voi, te contarò nantra storia.”

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Comunque… Bon Nadale!
Anca se, dopo de sto nùmaro de la rivista, no savemo come la ’ndarà a finire… saldi ne le nostre idée de bona volontà, de inpegno, de prospetive e de fede, ghe femo i nostri mèjo auguri a… A chi?
de Mario Klein
 
Deti e proverbi veneti
Leggi l'articolo Na volta se diséa…
de Mario Galdiolo
 
Da Lendinara (RO)
Leggi l'articolo Xelo rivà Tano?
La lavorazion del canio
de Renato Scarpi
 
Da Vicenza
Leggi l'articolo Ciao, Nereo!
de Ines Scarparolo
 
Da Verona
Leggi l'articolo El ritorno de veci mestieri
de Lucia Cozzolino Masotto
 
Da la Lessinia Centrale (VR)
Leggi l'articolo Al tenpo de l’andema
de Luigi Ederle