Quatro Ciàcoe
Mensile de cultura e tradission vènete
de Ines Scarparolo

Da Vicenza

Ciao, Nereo!

El scultore Nereo Quagliato e na so òpera.
El scultore Nereo Quagliato e na so òpera.
I primi fredi de sta stranba stajon ga ’assà in core el saór amarògnolo de na pèrdita granda: Nereo Quagliato, el brào scultore de ’a fontana de i boce in Piassa Garibaldi, el xe ’ndà drito lassù, indove l’Arte no more mai.
Vói contarve calcossa de sto Artista che tanto ga dà a la nostra sità, contribuìndo a farla conóssare anca fora d’Italia.
Nato a Vicensa ’tel ’39, za da bocia el ga scominsià farse apressare par el so talento, tanto che, fin da i ani ’50, tanti xe stà i premi, anca inportanti, ciapà in Italia e fora, le statue che ghe ga tolto coessionisti e Musei, le òpare che ghe ga comissionà le cese, i ritrati che ’l ga fato a personaji visentini noti ma anca a jente comune che voléa che la so imàjine restasse ’tel tenpo.
La Fontana dei bambini, in Piassa Garibaldi-delle Poste. (foto de Adelio Fedeli)
La Fontana dei bambini, in Piassa Garibaldi-delle Poste. (foto de Adelio Fedeli)
Mi me ricordo soratuto la belessa cussì particolare de le statue che ’l plasmava, tirando fora corpi che gavéa del magico, classici e moderni insieme, da difarenti materiali (teracrèa, piera, marmo, bronzo) e, có passo par Santa Lussia, a me inmago ogni volta ’vanti de le verade del so studio soto i pòrteghi, che rancura tante de le so creassion, figure armoniose che fa spanire in core emossion particolari: done, zovaneti, mame che strenze co tenarèssa al sen el so putèlo, balerinete e boce che pare fina vivi...
’Tel 2010, Quagliato el ga donà gran parte de la so colession (ben trèdeze sculture e sédeze formele in teracrèa) a la Banca Popolare che, da ’lora, la ghe ga dedicà on spassio tuto suo a Palasso Thiene; ’te sto ùltimo ano infine, el ga disegnà e realizà el busto de Neri Pozza, ’posta par el monumento che ghe xe stà inaugurà a San Paolo verso la metà de setenbre.
La morte de Nereo ga descantà fora el mondo de l’arte visentina e me ga comosso lèsare i scriti de i tanti amissi, fra i quali Busato, de la stanperìa d’arte de Santa Lussia, la Resy Amaglio e po’ Giacomo Alberto Caregnato e altri che ’desso no me vien inamente. Caregnato el ga conossudo Quagliato ’ncora ’te i ani ’60. ’Lora, ’tel Studio de Santa Lussia, fra na tirada e on’altra da na cica de Alfa, i ciacolava co entusiasmo de pitura, fasendo sogni pa ’l doman. Caregnato, che vive a Caltran, ma che ga fato mostre inportanti on fià dapartuto e anca in sità, el ne conta che Nereo el xe ’ndà perfessionarse ’te la scultura de figure a grandessa naturàe, doparando gesso e bronzo, a Milan, sità che ghe ga dà l’estro de rivar senpre pi ’vanti. Ècolo quindi a Monaco di Baviera, indove el ga verto on studio de scultura, e ’ncora in ’Merica, Stati Uniti, indove ’l ga realizà na longa serie de altorilievi, par i quali el se faséa mandare ’l materiàe propio da Nove. El sercava, ’tel so laòro, chel calcossa in pi che lo ga sponcià ’ndare anca in India, tornando parò a la fine senpre qua, ’te la so Vicensa, ’tel so studio, indove el ga sercà de rivare a spassi senpre novi par la so Arte. A Montebello, vanti de la fonderìa Gastini, a ghe xe na scultura a i lìmiti de l’astrassion che la speta, purtropo, ancora qualchedun che capissa e la cronpa. Pol darse che ’l nostro Nereo gabia dovudo star rento de i confini ben precisi, propio par tirar ’vanti la careta ma che, rento de elo, ghe fusse el bisogno de orizonti ben difarenti...
La scultura par el monumento a Neri Pozza.
La scultura par el monumento a Neri Pozza.
A spero tanto che Vicensa se ’o ricorda maman che passarà ’l tenpo, che no ’l vaga in desméntega come xe capità par altri che pure ne gavéa dà tanto.
De na roba so’ sicura: chi che vegnarà fin qua, podarà serto amirarlo a Palasso Thiene e mi, dal canto mio, có passarò in Piasseta de le Poste, ancora me inmagarò vardare la so fontana, co i tati che zuga sbiansando torno armonìa e speransa.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Comunque… Bon Nadale!
Anca se, dopo de sto nùmaro de la rivista, no savemo come la ’ndarà a finire… saldi ne le nostre idée de bona volontà, de inpegno, de prospetive e de fede, ghe femo i nostri mèjo auguri a… A chi?
de Mario Klein
 
Deti e proverbi veneti
Leggi l'articolo Na volta se diséa…
de Mario Galdiolo
 
Da Lendinara (RO)
Leggi l'articolo Xelo rivà Tano?
La lavorazion del canio
de Renato Scarpi
 
Da Vicenza
Leggi l'articolo Ciao, Nereo!
de Ines Scarparolo
 
Da Verona
Leggi l'articolo El ritorno de veci mestieri
de Lucia Cozzolino Masotto
 
Da la Lessinia Centrale (VR)
Leggi l'articolo Al tenpo de l’andema
de Luigi Ederle