Quatro Ciàcoe
Mensile de cultura e tradission vènete
de Dinerio

Sbiansi de civiltà contadina

Ingiurie d'angurie
Un spissingo volgaroto e ronpiscàtole fa 'ndare fora da i gàngari un anguriaro che, spassientìo, el lo manda a chel paese in malo modo

Quatro Ciàcoe
Ben, alora el me ne daga una de picoleta.
Una el la smira, 'naltra el la sguarata, 'naltra el la palpa e 'naltra ancora el la bate co l'ongia del déo mesan.
- Porca vaca, ghe molèo de rónpare i tòtani: quala ve dago?
- Urca, questa xe fiapa, questa xe massa grossa, questa xe strinìa e questa la canta da vodo.
- Sì, cofà la vostra zàgola!
- Pian co le suche vode, ghe ne xe pi de una che sta a gala, come la vostra par esenpio.
Gheto sentìo, barba, che tonpestada de gentilesse da stramezara? I ga tacà cussì do anziani a tegonarse spassientìi soto el sgabiosso de arele, ieri l'altro a l'anguriara su la rotonda, in fassa al simitero de Vila del Bosco, dove se gavemo fermà par tore mesa angurieta fresca, tornando da le vacanse, un fià tribolàe stoano par via del tenpo balordo. Ca te gavissi visto che turista spartionto, un sojeto sbraghesson, de poche altesse ma de tante pretese, co 'e braghe a sganbirola a mo' de pescaóre e na baretà zala fracà su do recione a svèntola che 'l pareva quelo che 'l ga messo la spussa tel bacalà. No te digo de la fémana che xe intervegnùa a difèndare so marìo co na grassia da caredon, la pareva na bojonara inrabià co 'l bugarolo da tanto onta che la gera. In meso a quel torbio bacajare mi me so' fato 'vanti par farme servire.
- Eh nò, capo, qua le vendemo solo intiere: se 'l ghe ne vole una tajà a metà, cade che 'l vaga pi 'vanti, al supermercato, gnonde i le vende a tòchi, ma la xe roba ca no se sa da gnonde che la vègna. Védelo le nostre angurie che xe in fresca tel vetoro: le xe stà tiràe suso da i canpi stamatina bonora.
- Ben, alora el me ne daga una de picoleta.
- El speta na s-cianta, paronsin, ca veda se riesso a servire sto spissingo che 'l me tedia da un bel tòco. No so' bon de incontentarlo, el xe pèso de un livelo, cofà uno che no sa in quale aqua trarse.
- Se mi so' un livelo, el ga rognà de bruto: vu si na dèzima incancarìa, altroché!
E co sta trauscada de conplimenti, l'anguriaro ga tajà curto e finalmente el me xe vegnù drio. El m'à dà n'angurieta sucarina che la gera tuto gusto. Ieri sera con quel'afa gavemo fato nosse, chel tanto che so' 'ndà in leto co la pansa sgionfa. Però, scusa la me ignoransa, t'ò da dire che m'à fato spece quel strano batibeco che ga spuà fora do parole mai sentìe pronunciare. Ti, barba, che te sa un fià de tuto, me vegnarìssito incontro?
Assè volentiera, caro Lalo. Anca parché la sfuriada in balo mensiona do vece forme de contrati agrari. El primo xe stà causa de grosse custion anche fra to bisnono e le sorele Stefanin che ghe ga vendùo un sito de trenta canpi, in confina co la canpagna de i Bettanini a Peraga, tegnendo sconto, forsi dacordo co 'l nodaro, che la tera gera gravà da un livelo a pro de l'antica Pieve de Tore. Donca el livelo xe un contrato che ga catà larga difusion fin verso la fine del 1800, in forsa del quale un ente pùblico come le Cesa o un massarioto propietario de un fondo agrìcolo el lo dava in godimento perpetuo o per un serto tenpo stabilìo, risservàndose parte de i fruti, a un rissevente, ciamà apunto livelaro. Da quel che ghe ne sò mi, sto pato dovarìa èssare nato in època medievale e vegneva scrito su i registri nodarili. No 'l xe na scritura agraria antica come la dèzima, che dopo te spiegarò. Sto peso vien fora da serte esigense sociali de l'època che paraltro stabiliva za serti raporti fra concedente e rissevente, come la fitansa e la mezadrìa, contrati che però no obligava el condusente a fare miliorìe sul fondo, come quasi senpre prevedeva el livelo.
Questa pressapoco gera la clausola: "Mi te dago in godimento per senpre o par un toto de ani, sto fondo a pato che te lo rendi più produtivo, drio un conpenso anuo stabilìo in stari de formento o in mastèi de vin." In pràtica el gera un modo come naltro par fare frutare loti de tera incolta o inprodutiva. Se volemo anca un gran beneficio sociale che però pesava su le fadighe de i contadini. In orìgine gera un vantajo riservà a le congregassion religiose che ciapava possesso de i teritori paludosi e malsani sojeti al perìcolo de la malaria e i faseva lavorare la tera, gravàndola del livelo. Ne i sècoli, in sèguito ai vari passaji de propietà de i poderi, o per furbissia o per distrassion, vegneva perse le trace de ste scriture, come ghe xe capità da oco a to bisnono.
La dèzima invesse, che risale al primo Medioevo, gera senpre un privilegio che daseva facoltà a la Cesa de pretèndere la dècima parte del racolto de un dato teren par sostegnere le spese d'esercissio del culto. Come ca te vedi, senpre fruto de un strapotere religioso e tenporale che la Cesa esercitava in quei ani metendo spesso in condission serte curie vescovili de inpore gravami capestro su chi lavorava i canpi.
Roba d'altri tenpi par fortuna! Te ringrassio, barba, più ciaro de cussì se more!

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Otobre:

Editoriale
Leggi l'articolo Vegnerse incontro
El pi de le robe de sto mondo xe fruto de colaborazion tra persone che se xe messe d'acordo sul parché, sul come e sul quando farle
de Mario Klein
 
Sbiansi de civiltà contadina
Leggi l'articolo Ingiurie d'angurie
Un spissingo volgaroto e ronpiscàtole fa 'ndare fora da i gàngari un anguriaro che, spassientìo, el lo manda a chel paese in malo modo
de Dinerio
 
Sbiansi de civiltà contadina
Leggi l'articolo Contème, nona
de Luigi Frosi
 
Da Maran Lagunare (UD)
Leggi l'articolo Cantà xe senpre un bel ricordo
de Maria Damonte
 
Da Rovigo
Leggi l'articolo Le zeche
de Gianni Sparapan
 
El raconto del mese (in visentin)
Leggi l'articolo Le sgàlmare de la Catinela
de Antonio Maraschin