Quatro Ciàcoe
Mensile de cultura e tradission vènete
de Daniele Marcuglia

Tradission nostrane

El Panevin o Pìrola pàrola

Quatro Ciàcoe
Foto stòrica de un fogaron d'altri tenpi: preparativi per un Panevin del 1930, a Sovilla di Nervesa (TV).
(FAST, Vinciguerra Casagnade 19)
El Panevin de ieri
El Pan e Vin xe una de le feste che se ga conservà de pi ai nostri dì, soratuto nel Trevisan e ne la canpagna venessiana, e che porta vanti 'na tradission antichìssima de brusar un gran falò la sera prima de la Befana o la sera stessa, come rito propissiatorio par un bon racolto agrìcolo. El rito cambia nome da zona a zona:
Pan e Vin o Panevin, (o anca in dialeto rustico Panain) ne la zona del Trevisan e posti vissini, come Noale (VE); Pìrola pàrola, ne la zona de Castelfranco nel Padovan, e nel Miranese, e in 'sto caso el nome dise ciaro el legame che le popolazioni vènete antiche gavéa col fogo e i so riti (dal greco piròs, fuoco). Dopo trovemo el nome de Panèra ne la zona tra Treviso e Montebelluna, Rièl o Còpel ne la Pedemontana Trevisana, Fogaràta o Bubaràta ne la Sinistra Piave, Brusa la Vecia, nel Polesine, nel lago de Garda, e nel Belunese indove se trova anca la forma de Sega la vecia parché el palo indove che vien messa a brusar 'sta vecia el vien segà par far scanpar via i so strighessi; e po' Brusa la Stria ne la montagna visentina, Casèra ne le zone de San Donà e del Portogruarese, Pignarùl nel Friul, Pavarùi ne
l'Agordin, Brunèlo nel Polesine e Buriòlo o brugnel ne la Bassa Veronese.
Anca co nomi diversi, el ritual jera quasi dapartuto conpagno: fata 'na gran catasta de roe, canèe, legne de scarto, se dava la benedission e po' se inpissava el fogo. Riguardo a la benedission 'na testimoniansa che ghemo racolto a Gardigian, ne la canpagna venessian, riporta: "aqua benedeta, che te fassi bon fruto, che te fassi 'na bona spiga, che Dio te benediga, nel nome del Padre, del Figlio, delo Spirito Santo."
Spesso sora a la catasta vegnéa messo un pajasso a forma de vecia, come sìnbolo de la carestia da parar via. Fin che brusava el Panevin vegnéa fati i pronòsteghi drio la diression del fumo: "se el fumo va a sera (cioè a ovest) polènta pien in calièra, se el fumo va a matìna (cioè a est) tol su el saco e va a farina." Durante el Pavevin 'na volta le invocassion vegnèa fate da veri e propri cori contraposti de òmeni, done e putèi che i cantava: "pan e vin! pan e vin! Dio ne daga sanità e pan e vin, pan e vin soto le stele che le biave vègna bele", e a 'sta invocassion rispondéa le done sigando: "tanta uva e pan e vin, da lontan e da vizin", par finir co i òmeni: "pan e vin! pan e vin! La pinza soto el larìn, la lugànega su par el camin, la massera in te la panera, el servitor nel canevon che me beve quel poco de vin bon. Pan e vin! Pan e vin!"
In qualche caso el Panevin el gavea 'na coa la matina drio, quando che ghe jera el rito del carga e mantien, che sarìa quando che se ciapava de i rami mèsi brusài da la catasta e se 'ndava a "segnar" le piante da fruto de la canpagna, parché le fasesse bon racolto par l'ano nòvo, sigando apunto: "carga e mantien par st'ano che vien". De le volte se segnava anca le bestie in stala e le bote in càneva; par el pi, jera el boaro a far 'ste robe, de sòlito in canbio de un bon goto de graspa.


El Panevin ai nostri dì
La festa del Panevin le xe sensa dubio la festa popolare antica che pi se ga conservà in area vèneta. No solo, ne i ùltimi ani ghe xe stà un vero e proprio "boom" del Panevin in alcune zone, come la provincia de Treviso, indove che le autorità locali i ga messo de i giri turìstici in vìsita de i vari Panevin de la provincia. A testimoniansa de questo, xe interessante la ricerca de Antonella Pomponio che la ga analisà in maniera direta ne i ani 1995-99, tuti i Panevin de le province de Treviso e Venezia1. Da qua xe risultà che in pi de metà de i comuni del Venessian se continua a far el Panevin, invesse nel Trevisan rivemo a la difusion in oltre el 70% de i comuni. Dal lavoro de la Pomponio se rileva che xe canbià chi organisa el rito del Panevin, da sècoli fato a livelo familiare o de "colmelo" da parte de i massarioti.
Ne i ùltimi ani invesse el Panevin el xe vegnùo fora da le canpagne indove che el se inpisséa da sècoli, par èssar fato ne le piasse de paesi e de cità. I organisatori no i xe pi i contadini, ma associassion come Avis, Ass. Alpini, Ass. Sportive, Grupi parochiali, Pro Loco e altre che i fa 'sto rito per finansiare le proprie atività. E no manca el coinvolgimento direto de le Aministrassion pùbliche.
Anca ne la nostra ricerca xe vegnùo fora che, oltre ai Panevin "ufficiali", continua a èssarghe diversi Panevin pì cèi, come dimension e nùmero de partecipanti, che i se fa in modo spontaneo, a livelo de borgata e in qualche caso 'ncora a livelo familiare. Mi stesso vago da qualche ano a de i Panevin nati ne i ultimi ani in tereni privati, indove che el scopo xe 'ncora quelo de 'na volta, cioè dimostrar la propria "liberalità" ofréndoghe a tuti i presenti el rito del fogo, par finir co 'na bea magnada in alegrìa soto el pòrtego del "paron de casa". Un modo come un altro par comunicare, ma anca par mantegnere vive e far conóssare le nostre tradission.



1 A. POMPONIO, Il Panevìn. La notte dei fuochi nel Trevigiano e nel Veneziano, Treviso 2002.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo La xe dura, ma speremo
Se volemo continuare nel lavoro de difesa de la nostra cultura e de le nostre tradizion, semo costreti a domandarve aiuto
de Mario Klein
 
Devossion popolare
Leggi l'articolo El libro de la vita
de Ugo Suman
 
Memoria viva
Leggi l'articolo I Papafava, ùltimi Carraresi
Le aventure corajose de me Papà che ga sercà el tesoro de i Carraresi. La so disponibilità de farme conóssare la storia de Padova. Mi go sercà de savere le orìgini de 'l nome Papafava
de Gigi Vasoin
 
Tradission nostrane
Leggi l'articolo El Panevin o Pìrola pàrola
de Daniele Marcuglia
 
Da Verona
Leggi l'articolo Giorgio Ferrante
nel Futurismo veronese e l'amicissia con Umberto Boccioni
de Wanda Girardi Castellani
 
Da S.Stèfano de Zimela (VR)
Leggi l'articolo Fumare
de Antonio Corain